البنت الشينه والدكتور

حلقه2

#البنت_الشينـة_والدكتور😂💜.
البــارت ٣ #حقــيقيـة 🦋.
___________
معاكم رودي من جديد ، خلي نكمل شن صار وني متوترة وقلت بنسكر المحل "
بس صدمني لما قالي أسمي أحمد طبيعي قتله وشن دخلني ؟
قالـي عشان تذكريني مرة تانية !
وقتله شن ندير بيك؟؟
قالي أني دكتور أحمد!
وقتله وأني شن عرفني بيـك ؟ هنا ضحك ورفع حاجبه ويشبحلي بمسخرة" واضح مش ح تعرفيـني وأنتي خياطة !! أكيد مش متخرجة ولا تعلمي بالمهندسين والدكاترة ! للأسف .
أني من يومي شخصيتي قوية " يعني ألامبالات عندي هلبا ، برغم أنه لساني ميرحمش حد ، وعصبية هلبا، بس صعب يأثر فيا حد ، ضحكت معاه وشفتله بنفس النظرة المستفزة اللي شافها ليا ، وقتله كملت كلامك تقدر تطلع عشان وقت عليا " .
شافلي وقال أنتي متحسيش ولا كيف ؟
أني ابتسمت ببرود أيوا منحسش " تقدر تطلع للمرة الأخيرة ولا نعرف نتصرف " واضح عليك متاع دوة مع البنات واني مش تربايتي نحكي مع أي شاب "
طلق ضحكة مسخرة للمرة الثانية" يحاول فيها يستفزني بلاش؟
أنتِ بشكلك هذا في حد حـ يرضى بيك؟
شفتله بدون خجل ولا أي تأثير على مشاعري " الكلام هذا أنقال لي هلباااااا من اقاربي ومن صديقاتي بس تعرف " نحب نصدمك انه مكملة حياتي عادي " وكلام الناس مايسوى في خاطري ذرة" لأنه هذا خلق ربي واني راضية بشكلي وهلبااااا واثقة !" أما أنتَ ف تقدر تشوف لجوهرك الداخلي الي يخليك تقول هذا الكلام دليل على كونك طفل لا رجل " ولا عقل يزن"
أحمد : بنظرات تعجب ومع كل كلمة يقول داخله هذي المخلوقة وين متربية ؟
أحمد: نقسم بالله ألا نتحشم على روحي وأسف جداً" بس كلامك صدمني " وللعلم رغم أسفي إلا حتى أنتي قلتي من شأني " لما قلتي طفل ولا عقل يزن هذي ؟
اني ضحكت واضح عليك مش مثقف أبداً وربي مايبليني بأشكالاك" وأسفك شده عندك"
أحمد: ياريتني ما تأسفت أنتي إنسانه غريبة وفعلاً ماتتعاشر "
أني ياييي عساس أنتَ اللي تتعاشر وطبعك غلااب . ترا وطلعت توا نكلم واحد من ولاد عمي يجي يتفاهم معاك  " وياريت وجهك مرة تانية منشوفااااش .
ومشيت بصمودي وخليته واقف بطوله مصدوم من كلامي ؟
أحمد: لحظة يبنية لحظة بسسس
أني مش أسمي بنية للعلم اسمي رودي "
أحمد: والله أسف غير تعالي سكريه المحل " وهادي رجلي مش ح نجيك تاني "
رجعت صادمة ثابتة خذيت المفتاح ونشوفله بنظرات ترمق وخوف لين يرمش في عيونه مستغرب مني ..وسكرت المحل ومشيت لحوشنا نطق ف الباب
للعلم نحني عيلة وحدة عندي خواتي زوز بس وعندي ولاد عم اللهم بارك وحينا كله جنب بعضه " اقاربنا"
المهم كان شكله ولد عمي يراقب فيا جي وهوا مزال واقف يشوف فيا نطق الباب وهوا يشبحلي قاعد مصدوم ،
واني نشوف ونقول داخلي توا يريشك ولد عمي عصبي هلباااا ومايرضى اي حد يقرب مني وهوا شافني واقفة معاه"
وابتسمت بس الصدمة مش هنا"
لما جي وسلم عليه وشوي وولاد شارعنا يجو يسلموا منهم الرجال؟
واني مصدومة واختي فاتحة الباب تقولي خشي واني مصدومة واقفة
اختي رؤيا؟ خيرك العفو وجت تشوف تتاوق من الباب ؟
حييييي هذااا دكتور احمد المشهوررر
اني شفتلها الدكتور أحمد المشهور دقايق والشارع تعبى والسيارات وقفوا وكلهم يسلموا
ونا واقفة في مكاني من كتر صدمتي معاش قدرت نوقف ي رؤيا شديني ودخليني العااار تحشمنا واقفين "
رؤيا شن صاير فيككك ماما شوفيها قالت مش قادرة توقف والعيلة تنزل وتصير ضجة ونا نطيح ومفنصة بعيوني "
وووه عليااا وووه
امها: يابنيتي بشوياا خيرك ويصبوا عليا ف الميهه
#يتبع