البنت الشينه والدكتور

حلقه7

#البنت_الشينة_والدكتور البارت7
💗💗💗💗🦋
______________________
ضحكت من روحي وأستوعبت شن درت قبل شوي؟ .
سمر واضح عليها أنكسفت وفي نفس الوقت تحاول تتصنع ضحكتها عشان تقنعني أنه وقفت مع دكتور عشاني ” .
سمر قتله أنه يمكن توافقي عليه لأنه بصراحة دكتور زيهه منبوش نخسروه ونكونوا عيلة وحدة ”.
أني فهمت طول مبتغاها أختي وسكتت ودرت روحي صدقتها .
خذيت روحي ورديت ملامح البرود على وجهي كالعادة . ودرت روحي كأنه مصارتش حاجة .
الدكتور لحقني أستني رودي !” مش لهدرجة كل البرود اللي أنتي فيه ؟
علاش ماتعطينيش فرصة ؟ مش أني واحد كويس ؟ شن الشي اللي ناقصني ؟ واللهِ نفسخوا عادي لو شفتي طبعك على الجديد وماعجبك ؟ نبي نعرف علاش رافضة فكرة نكون معاك ونخطبك أني جيتك بالحلال يابنت الناس ؟
رودي شفتله نظرة طويلة بعدين حكيت بكل ثقة” ياريت مرة تانية متوقفش مع أختي” أحني كاليبين معنداش بنت توقف وتهدرز مع واحد ” واظن هذي صفة حلوة فينا كلنا كامسلمين” وهذا واجبنا" واحني عيلتنا متربية ".
الدكتور قعد مصدوم" نشهد الله ماريت بنت أوعر منك " ولا أصعب منك”
شفتله بسرعة ومشيت " لغرفتي ونا قلبي يدق لأول مرة وووه علاش هكي توترت! ” أني عارفة روحي وشخصيتي قوية بكل ” وعارفة ولا مرة توترت ونا نحكي مع صحباتي ولا أي حد ؟ شن صاير فيا ولا شكله حالة أمس رجعت لي ناديت الدكتورة لأني حسيت قلبي ينبض" جت قاست دقاتي وقتلي شكله في شي تتوتري منه" وشن درتي قبل شوي ولا في حد هدرز عليك وقالك شي ؟
قتلها لا بس وحكيلتها الموقف بكل عفوية "
وقعدت تضحك وهايمة تفكر !! قتلي متأكدة هدا الدكتور أحمد يجي يتقدم لك؟ ويبيك مرته؟ معقولة؟ امتى صارت هادي!”
قتلها أيه والله؟ وعلاش مستغربة اكيد اي شاب متربي وعاقل وبخدمته حتى لو دكتور يبي يكون عيلة؟
قعدت مصدومة" بس لحظات ووجه الخير كله راح وقعدت تشوفلي نظرة تخوف” وقتلي ماهوا الدكتور أحمد واحد معروف يلعب ع بنات الناس ” وكيف جي وتقدم لك الله أعلم شكله هالمرة يبي يلعب ببنات الناس لما يخطبهم وضحكت وبي وجه شرير”.
أني قعدت لحظات مصدومه ونفسر في عقلي ؟؟
بس لحظات ونا نفكر وع سرير تفكرت تصرفات أختي وتصرفات الدكتورة معاي أول مرة لما عرفت أنه جي وخطبني ؟
وبعدين كيف تغيرت من وحدة تضحك لي وحدة تشوه في سمعة حد؟
أني وقتها طول أستوعبت بعدين اني وحدة كبيرة وعاقلة وفاطنة يعني مش عيلة لهدرجة؟
ضحكت مع روحي وعرفت أنه هذا شخص محبوب وكويس ” بس نبي كيف نتأكد مزال وعشان نتأكد لازم نوافق بيه وأقل شي نقعد معاه شهر شهرين ونشوف هل حق واحد يلعب ؟
وبعدين لو لقيته واحد كويس وعكس مايقولوا وزي ماحسيت بعدين نشوف نصيب ربي شكله دعواتي أستجابوا وشكله هذي معجزة معجززززة❤️❤️❤️.

المهم الفكرة عجبتني وتحمست هلبااا ، برغم داخلي فرح المهم نستناه وقت يجي ويترقب حالتي عشان نبدء معاه الموضوع".❤️
وجي فعلاً وهذا الليل وحالتي لحد الأن مش معروفة واللي صار أمس متعاودش تاني والحمدلله ويارب معنديش شي ❤️.
قعدت نشوفله وخلاص وهوا يركب ف جهاز في يدي قالي ركبيه منبيش نمسك ولا نادي دكتورة لو ماتعرفي "
ضحكت ومن هنا فكرت شكله محترم وكل مرة نزيد نتأكد ...
مهم ركبت الجهاز وقالي راه حتى اليوم بتقعدي ف المستشفى "  وقعد يشوفلي ويحكي ع تفاصيل العلاج وشن ح يصير فيا وانه مش معروف مزال” واني نشوف فيه ونقول ياربي معقولة هالملاك بيكون ليا او أني نحلم؟
كمل كلامه وجاي يطلع والدكتورة جت خاشة"
اني قتله بعد أذنك نبي نحكي معاك " ووو قلبي يبدا ينبض
الدكتورة نفسها شافتلي نظرة تخوف وسكتت.
قاللها الدكتور تقدري تطلعي شوي.
وطلعت وقعمز ع كرسي " واني بديت طول نحكي بحكم اني الشي الكويس فيا ويعجبني انه شخصيتي مش مترددة في اي قرار والحمدلله❤️.
قتله انه اني موافقة قتها وعيوني من حشمة ووجهي وتمنيت تنشق الأرض وتبلعني " لأني ولا مرة جربت شعور تحبي حد ولا تنخطبي كان شعور غريب جداااً عليا وخيف في نفس الوقت❤️.
وخلاص هوا قعد مصدووووم حرفيااً ملامح وجهه تغيرت وقريب يبكي من فرحته ” وقف ومشعارف شن يدير شد راسه بيده بينه وبين عيونه”
وقعد ووجهه احمر وساااكت ” مسح دمعته " وأبتسم واللهِ ماتوقعتها منك"
وخلينا اليوم نقولوا للكل عشان لما تطلعي بنقروا الفاتحة❤️.
واني نحرجت وفي نفس الوقت في داخلي مشاعر فرححح
ووخوووف.
وجت اختي سمر مخلوعة بعد ماهو سرب هالخبر للعيلة "
وقتلي كيف انتي وافقتي بيه بيقولوا سحر"؟
قتلها وااافقت وخلااص قدر ربي نوافق وهذا نصيب من ربي ❤️.
سمر ذكرتني وقتلي امه متنسيش لما حلفت انه مش ح تاخدك لي ولدها بعد رفضتيه ؟ متوقعة تقبل؟
#يتبع