البنت الشينه والدكتور

حلقه9

#البنت_الشينة_والدكتور البارت9💗
____________
خشت أمه عليا وهي تعيييط وين الجمال اللي فيها وين الأناقة الي عجباتك فيها ولدها أحمد خلفها ! .
شدتني بوشاحي بالقوة تعرفوا لين حسيت خلاص اني تحت يدهااا ووه من هادي المراءة ياربي 💔.

يجي ولدها أحمد ينقذني ” والله سامحيني رودي أسف والله أسف ” أمي متعدلش على حد ” .

شعري نصه كله باين ووشاحي مش مساوي وأحمد نظراته عليا ساويت روحي بسرعة”.

وأمه تلقط في أنفاسهااا . قولي شن كان خليتني راه ربيتها” وبعدين ولدي مش ح تقربي جيهته ” أني حية صحح؟ ولدي مش حـ يتزوجك ” ونقسم بالله

أني معنديش كرامة” جيت مع ولدي لي حوش مش من طبقتنا” ولي بنت عمرها أكبر منه” ومش فالحة وجيت عشان ولدي بسس عشان اني نحبه وأقتنعت بعد شنو ؟ وفي الأخير تقول قدامي مش موافقة ويكون ولدي هوا اللي يجري وراهاا؟؟؟؟.
ولدي مايجري ورا حد البنات هما اللي يجروا وراااه ايوا .
ساكتين أني وأحمد ونظرات بينا خوف ” مع كل كلمة نفتح في عيوني مصدومة” وفي داخلي ياربي لو قدر وخذاني أحمد وكان بينا نصيب ؟ شن يصير ؟ وهادي السوس بينا؟؟
أحمد قعد يضحك وحضن أمه خلاص يما والله خلاص !! عيب انتي حكيتِ لين البنت أنكسفت ومعاش عارفة شن تقول شوفيها ساكته مصدومة بأم راجلها وضحك.
وهي فنصت فيه وطلعت بسرعة ” ماتلحقنيش واني مش موافقة " وهادي الفترة كلها ماتكلمنيش ولا تحاول تجي جيهتي " .
فقدت الأمل حرفيااااً وشعور الحُب والبهجة” كله راااح .
وقعدت نتأمل مع نفسي، ياربِ خير وخلاص تنفست وأتكيت لأني حسيت روحي تعبت شوي .
دقايق وخشت ماما عليا" سمعت كل شي صار بينكم .
هادي متنعاااشرش والله .
اني يعني حتى انتي تشوفي أنه الأفضل مانكونوا لي بعض؟ بخيـبة !
لا والله لو في بينكم نصيب اكيد حـ تكوني ليه ونفرح بيك ماصدقت أني” بس والله نقولك أنه حطي في بالك أنه أحتمال يصير منكم ضعييف وماتفكري فيه ولا تعطيه وقتك وحاولي ترجعي نفسك القوية زي قبل ” مانبيكيش تزعلي ولا تضايقي بعد مايصير بينكم شي وتكتئبي " أنتي من طبعك إنسانه إيجابية مانبيكِ ضايقي نفسك باهي ماما💗❤️؟.
أبتسمت تمام عينيا❤️.
______________
الدكتور "
أني لأول مرة حاس أنه متقدم لي خطوة بكل مشاعري ؟
بغض النظر عن كل الظروف بس واللهِ حاس البنت عجبتني روحها شخصيتها ” تصرفاتها" وأول حاجة جذبتني فيها عدم أهتمامها بيا لما جيت المحل” وأحترامها” وحشمتها”
ونحس أنه هي شي صعب نوصله والله ، لأول مرة نشوف بنت متغلبهاش مشاعرها بسرعة” بنت صعبة هكي نقدر نحارب عشانها ” كنت نقدر نطيح اي بنت بنظرة وهدرزة بسيطة” وقداش مرت عليا بنت ملائكة من جمالها” بس جمال البنت هادي داخلي ” جمال مقدرتش منحسش بيه” هي حالياً خذت  كل تفكيري ” وضحكتها قعدت نتفكر فيها” واللهِ لما قتلي مش موافقة وأبتسمت” وقتلي لو أخر شخص في العالم” وقتلها دكتور ماهتمت" يعني مش بالمادة هي بالمشاعر ” باردة تماماً" نحسها قوية ”
نحسها البنت اللي عندها مسوؤلية اللي نقدر نتكى عليها بعد تعب من المستشفى والخدمة” ونقوللها اني تعبان” البنت اللي تقدر تربي صغار كويس ” متغلبهاش مشاعرها بسرعة ومتحبش المفأجاة”.

وعيت من تفكيري واني في السيارة ” وبعد تشتت أفكاااار
والله إلا هيا حـ تكون ليا بإذن لله" حـ تكون ليا تبيها امي ولا ماتبيها ” من غير اصحابي اللي حكيت لهم وقالولي دور عنك مالقيتش غير بنت فلان؟ كيف قدرت تطيقها؟.

#يتبع