🩸القلب المجروح🩸

الجزء الخامس عشر 🫶

🩸القلب المجروح🩸
بقلمي ✏️ بشرى حمي ❤️‍🔥

كاتمشى وشعرها كايطيرو ريح ويديها شادا فيده الكبير وقاصحة ...
بدر : صااافي يلاه نمشيو من هنا
جنات : أصلا باقي الحال تال بلاتي ونمشيو
بدر : جناات راه البحر والبرد ونتي حاملة يلاه نمشيو
جناات : عاافااك 🥺
بدر : صاافي ( جرها عندو لسقها معاه ) ضور يديه على الكتف ديالها وعنقها بيد وحدة كايشم فشعرها ودنيا خاوية من ناس ولي گادر عاشين عليهم من البعيد ...
بقات متكية فوق الكتف ديالو ويديه فوق الخصر ديالها كاستحسس الخصر ديالها بيديه .. بدات حنات كاتحس بالبرد وهي تنطق : يلاه نمشيو البرد هنا
جرها غادي جيهت طوموبيل ديالو حل الباب وجلس بينما جلسات هي وسدات الباب حتا ديمارا غادي من ديك البلاصة ...

بعد دقائق كانو قدام ريسطو كبير وفخم قريب البحر وشكل ديالو زوينة ... شاف برا وحل الباب بينما نزلات جنات كاترجع شعرها لور وشدات ليه فديه ومشاو داخلين ريسطو وقلالين ناس لي كاينين الداخل وحتا جا المدير كايجري كايرحب ببدر وبدر غادي جيهت طبلة ... مشا جلس فوق فوطيو ( فوطيو مقابل مع فوطوي ) جلس وهي تجلس حداه وجا سرباي كايسولهم وجنات كاتختار وبدر غير جالس كايشوف فيها حتا مشا سرباي
بدر : هادشي كامل بوحدك
جنااات : اه وليت كانتشهااا بزاااف 😋
بدر جرها من الخصر ديالهغ تكاها عليه وقال : بصحة الزين ديالي ( باسها فحنكها وهي متكية واخدة راحتها )
جا سرباي حط ليهم الاكل ومشا
تكات جنات على الماكلة كاتاكل وكاتبنبن وبدر كايشوف فيها مبتاسم ويديه مور الخصر ديالها وكل مرة يرجع ليها شعر لي كايطيح ليها على وجهها ماكايخليهاش تاكل ويجغم من القهوة ديالو حتا هزات راسها بحال كانت غاطسة بتاسمات وهزات منديل كاتمسح فمها بقات كاتشوف : بغيت قهوة
بدر : هادي لا زعانة هادي
جنات : عااافاااك
بدر : نوضي نوصي القهوة لي بقات ليك ( ناض وقف ) نوضي
جناات : عافااك
بدر : جناات ماتخلينيش نجهل و نوضي نمشيو
جنات : تفو عليك 😠 مالك زقرام مشحاح لاخر
بدر : جنااات ماتجهليش دين مي وزيدي قدامي ( جرها من يديها )
جنات : غا حيد يديك كانعرف نتمشى 🙄
بدر : واخاا ( مشا خارج.)

مشات تابعاه غضبانة هو ركب طوموبيل يلاه جات تركب : سيري مع شيفور الدار ( ديمارا طوموبيل )
جنات : اويييليييي فين غاادي مخلينييييي هناا 😨
شافت ليمن وليسر مابان ليها والو حتا شافت طوموبيل ديال الفيلا شيفور كايشير ليها مشات عندوا وقال : موسيو بدر قال ليا نجي نديك القصر تفضلي
ركبات لور وكاتحلف عليه حتا تندمو ديمارا شيفور راجع الفيلا وهي كاتخممم وطالع ليها دم كاتنكر على راسها وطالع ليها دم حتا وصل شيفور قدام الفيلا وقف طوموبيل لقاها نزلات ردخات الباب ومشات طالعة الغرفة ديالها ... دازت من حدا البنات عاقدة غوباستها وكالعة تاتضرب رجليها مع الارض  زدخات الباب ودخلات الغرفة ديالها تاتحيد تيشورت ديالها بزعفة وباغا تبكي حتا دخلات الدريسينك لبسات البيحامة ديال نعاس فلون أبيض معرية كرشها شعرها مطلوق تلاحت فوق ناموسية وهزات تيلي ديالها ...
جنات : اووووف فين مشااا هاااداا ؟؟؟
بقات كاتخممم وكاتبقشش فتيلي وعاطية الباب بضهرها وحتا عيات وبدات كاتبكي بدون سبب غير ماگال ليها راسها حتا نعسات هكاك...