🩸القلب المجروح🩸

نهاية ❤️‍🔥

بقلمي ✏️ بشرى حمي ❤️‍🔥

بعد سنوات ...

دازو سنوات كتيرة ... تبدلو فيها بزاف ديال الحوايج ... كل من أبطال ديالنا كملو حياتهم بدون مشاكل ...
فمدينة طنجة ...
بضبط فنفس القصر لي دازو فيه الاحداث ديالنا ...

هابطة بنت في العمر ديالها 24 سنة ... لابسة بيجامة صيفية وشعرها البني مطلوق ... وعينيها كجبدين حيتاش بلاه فاقت من نعاس ... هابطة من دروج لي وصط القصر ... لقاتهم كايفطرو فجردة
خرجات برا وتوجهات جيهت طبلة لي كان فيها الاب ديالها والام ديالها والاخ ديالها صغير
حات من مور ماماها وعنقاتها
رقية : صبااح الخير ( باستها فراسها )
جنات : صباح الخير زين ديالي ( باستها فحنكها )
توجهات جيهت باباها. وباستو فحنكو وقال : صباح الخير الاسد ديالي
خربقات لخوها صغير وليد لي فعمرو 17 عام شعرو ومشات جلسات فبلاصتها
جنات كاتدور عينيها قالت : فين هي خالتي لطيفة
نطقات رقية : خليتها الفوق ( شيرات جيهت الباب ) هاهي جايا
كانت جايا لطيفة بواحد الكسوة وجامعة شعرها لي غلب عليه شيب وجهها غلبو عليه تجاعيد ولكن رغم كبر سن باقا كيف ماهي ...
قالت : صباح الخير ( ومشات جلسات فبلاصتها )
بداو بالفطور ديالهم باش تنطق لطيفة : باقي ماغاديش يجي سيف ؟؟؟
بدر غير سمع سميتو هو يعبس : داك دري ماعرت شنو فيه
جنات : خليه عليك راك عارفو منين غايبغي يجي ماغايتشاور مع حد
بدر : ( صمت كايكمل فطورو )
فطرو وناض بدر لي باقي بنفس البنية حتا حاجة ماتغيرات فيه ... تمشا طالع الغرفة ديالو وتبعاتو جنات ناضت لطيفة حتا هي وبقات غير رقية ...
رقية : وليد
وليد : امممم
رقية : فين نمشيو هاد العام
وليد : لي عجبك
رقية : بان ليا نمشيو لعند خويا البرازيل
وليد غير سمعها شنو قالت هو ينوض من بلاصتو ومشا طالع ... حتا هو شابع لباه فكولشي فطول البنية غير هو داخل سوق راسو مابدر بارد طبع ديالو عكس باه وخوه الكبير ...

بعد يومين

تسمع صوت طوموبيل داخلة القصر موراها جوج طومزبيلا لون ديالهم أسود غامق ... دخلو القصر وديك ساعة كانت جنات خارجة غادية جيهتهم حتا تحل الباب ونزل ... نزل سيف وهز عينيه وبتاسم ... سد الباب وتقدم بشوية فتح درعانو وعنقها بينما هي مانت يلاه كاتوصل ليه لفك ديالو
هزات فيه وجهها وعينيها عامرين بدموع ...
سيف بنبرة قوية قاصحة : علاش البكا ( مسح ليها دموعها )
باسها فجبهتها وهي مسحات دموعخا كاتسنشق ريحة ديالو ... قرب منو باه وعنقو عناق روجلي ومو معنقها بيد ... قربات منو جداتو وتحنى باس راسها وعنقاتو حتا هي ... عاد جا عندو خوه عنقو وزير عليه ...
وهز عينيه وهي تبان ليه رقية واقفة حانية راسها هو ينطق : ماغاديش تجي تسلمي على خوك
غير قالها وهي تطير عليه عنقاتو كاتبكي هو كايسكت فيها ... بزز باش بعدات منو ودخل القصر لي كبر فيه بعدماجاش ليه مند 6 سنين
دخل دريكت لغرفة لي كانت واجدة ... سلت حوايجو ودخل لدوش دوش .... ودار البارفان ديالو والبنية العضلية ديالو مجهدة حيتاش دوز حياتو غير فالخدمة وسبور ... لدا كانت البنية ديالو قاصحة وجميع رياضات كايعرف ليهم ...
دكي وقليل الهدرة ... ماعزيزاش عليه الهدرة وكترة ضحك ... دكي بزاااف ... مايكمنش ديرها بيه واكل عقول كايقاراها طايرة فسنا ويقدر يعرف بنادم أش ناوي غير من وجهو ...
حل البالكو وخرج ليه غير بسروال ونصف الفوقاني عريان وفيديه گارو ... تكا على الحيط وبدا كايكمي وطالق عينيه فالمكان لي حافضة قنت فقنت وكل قنت عندو معاه حكاية ... سمع دقان ... قال : دخل
دخلات جنات مبتاسم ولكن سرعان مشافتو هاز فيديه گارو عبسات وقربات منو ... عنقاتو من ضهرو وقالت : كاتكمي ؟؟؟
هز براسو وقال : اه !
غير جات حداه هو يلوحو من شرجم وشاف فيها وهي تقول : شو فمك شحال زوين وبدا كايزراق ( باسها ) ماتخافيش الوليدة
جنات : كي دوزتي الاعوام تما
سيف : مزيان
جنات : توحشتك اولدي بزااف ( عنقها ) ودخلها من البالكو وخلاها مشات جلسات فوق ناموسية لي لون ديالها كحل هو يمشي عمر كاس وجا شعل تلفازة وجلس حداها كايعجبو يجلس معاها ويسمع لهضرتها هي الوحيدة لي قدرات تخليه يضحك بين نساء العالم ... لي كايعتابرهم مجرد سجد من داكشي لي شاف وفعايلهم لي حافضهم ...
جلس معاها هي كاتهضر هو كايجاوب غير بكلمة جوج وعينيه كايدورو ... واحد شوية سمعت دقان ... ادن لي كايدق باس يدخل وهي تدخل رقية لابسة واحد الكسوة وجامعة شعرها قالت : مجمعين غير بوحدكم
سدات الباب ودخلات جلسات حدا خوها من جيهة أخرى وقالت : مالك على هاد روايح مجهدين
ماجاوبهاش وبقا كايضحك وهي بدات مجمعة معاه هي ومو
ناض ومشا جيهت دريسينك خلاهم كاينقاشو بيناتهم بدل حوايجو لبس سروال توب گري مع تيشروت بيضاء ... خرج من البيت فيديه ساروت تاع طوموبيل ماقال والو وخرج ...
خرج من القصر وديمارا طوموبيل ديالو مبعد من القصر وتبعاتو طوموبيل كبيرة تاع لي گارد ...

فجهة أخرى فوحدة من فيلات فمدينة رباط ... صباح زوين وشمي خارجة والاجواء سخونة شوية ... خرجات طوموبيل من ديك الفيلا الكبير طوموبيل لون ديالها حمر وسائقة ديالها كانت بنت ...
مريم لي هي بنت بشرى وفالي ... البشرة ديالها بيضاء وعينيها لون ديالهم خضر وشعرها لون ديالو بين زعر والقهوي فااتح ... الجسم ديالها مايغوت بالانوتة ... زوينة ... ضريفة انتى بمعنى الكلمة ... وقفات طوموبيل ديالها واحد شركة كبيرة ... وتمات داخلة وصوت طالون ديالها مايقرقب ولي دازت من حداه يدير ليها تحية حيتاس كولسي عارف العائلة ديالها والاب ديالها لي هو مالك تاع هاد شركة ... وانها من أغنى العائلة فالعالم ...
طلعات فسنانسور الاخر طابق وتمشات حتا اكبر باب. وبلاما تدق فتحاتو باس يهز فيها عينيه وبتاسم
فالي : مريم شنو لي جابك هنا
مريم : حيت نطل على بابا حبيبي ( جات عندو عنقاتو )
فالي : وعلاش ازوينة ديالي
مريم : حيتاس خرجيت صباح بلا فطور
فاليريو بتاسم وقال : وهانتي طليتي عليا شنو وقع ؟؟؟
مريم : قلبي تكتك حيتاس شفت حبيب القلب ديالي لي هو بابا حبيب
فاليريو كمش عينيه وقال : شنو خاصك. ؟؟؟
مريم : عقتي بيا ... بيت نسافر
فالي : واخا
مريم : ولكن علااش انا غانبقا غير فدااار مليييا والله وانااا دابا ( خرجات عينيها )
فالي : قلت ليك اه
مريم : ولكن
فالي : قلت ليك اه غادي تساافري حيتاش زوينة ديالي دارت مجهود كبير وقدرات تعطي تصاميم واعرين ... وعندها منصب كبير فشركة تصميم
مريم : بصاااااح ( عنقاااااتو )

تسالات القصة ديالنا ...

غادي نتوحشكم بزااف ولكن ماغاديش تنطعل عليكم ... ولي وصلات لهنا تخلي رأي ديالها كيييما كان ماغاديش نتقلق واي غلط قولوه ليا ... عااافاااكم ديرو فوط ... الله ينجحكوم فحياتكوم
,🥺🥺 ماسخيتش بيكم والله نتلاقاو فقصة خرى