🩸القلب المجروح🩸

الجزء سابع وتلاتون ❤️‍🔥

🩸القلب المجروح🩸
بقلمي ✏️ بشرى حمي ❤️‍🔥

جنات : عيشة عيشة ( معصبة )
عيشة : معام ابنتي جناات !
جنات : بغيت حلوة ديال شكلاط لي حطيتو لبشرى
عيشة : واااخاا أبنتي واااخا ☺️
جنات : 😩 أح راسي اوووف ( شدات فلبوطاجي ) 😫😫 أي عيشة خالتي ( طاحت فالارض )
عيشة غير دربات دورة وهي تبان ليها طايحة فالارض : بنتي جنااات 😨 مااالكي ( مشات كاتطير )
عيشة غادية كاتجري والخوف على وجهها حتا وقفات عليهم : سي بدر بنتي جنات ماعرت مالهااا
بدر وقف : شواااقع ليهااا ؟
عيشة صرطات ريق ديالها : 😨 سخفات فالارض !
بدر مشا كايطير وبشرى حتا هي دفعات الكرسي ومشات طايرة تابعاه اما لطيفة بقات جالسة فوق الطرسي ديالها كتاكل ...
بدر تحنى على ركابيه وخطفها من الارض بسرعة
بدر : عيشة عيطي على طبيب دايا يكون عندي ... ( مشا كايطير هازها بين يديه طالع فدروج )
وبشرى تابعاه مفاهمة والو كاتبان ليها جنات سخفانة وشعرها وضفيرة ديالها كاتلوى على رجل بدر ... دخل الغرفة وحطها فوق ناموسية : جناااااااات ! ماالكي ( كايضرب على وجهها بشوية ) جنااات نوضي .... سربييييييييييو
بشرى : ماااالهااا 😨
بدر : ماعرت ... شي نهااار غاتسكت ليا هاد القلب جنااااات ( كايضرب على وجهها بشوية )
بشرى : اوووف ياسيدي ربي ( كاتدوز يديها على جبهتها ) سربييي
جايا طبيبة كاتجري دايرة نضاضر وسمرة ... حطات المعدات ديالها وجلسات حداها من جيهة الاخرى ... ةبدر فسجهة الاخرى شاد ليها يديها
طبيبة : موسيو بدر المدام ديالك حاملة ( قالتها ونزلات نضاضر من على عينيها )
بدر : بصح جناات حاملة
طبيبة : اه ... يلاه سيمانا ... المهم هاد الحمل غادي يكون صعيب عليها بزاااف ... خصوصا انها غادي تبقا تجيهت سخفة بزاااف ... غادي تولي معصبة غير بوحدها وخاصكم ديرو ليها الخاطر ... شهية ديالها
بدر : صافي
طبيبة : المهم انا غادي نبقا نجي عندها كل سيمانا نتفحص الحالة ديال الجنين لي فكرشها ومايكون عندها باس ( جمعات المعدات ديالها ) مشات فيحلاتها
بدر : سمعتيها قالت حاملة ياااك
بشرى : اه اه سمعتها 😍 يااااه غانولي عمة المرة تاااااانية
بدر: ( باس ليها يديها ) فيقي الحبيبة ديالي فيقي
بشرى : كنت شاكا فيها حيتاش تصرفات ديالها تبدلو ... ولات كاتعصب غير بوحدها ودابزات مع ماما البارح
بدر : عيطي عليها تطلع عندي دابا ماعندي ماندير بالمشاكل
جنات :
بديت كانحل عيني وكانحس بشي حد شاد ليا يدي وكايدوز يديه على كرشي ... حليت عيني هو يبان ليا بدر كايشوف فيا مبتاسم 
انا : شنو وقع ؟؟؟
بدر : ماوقع والو الحبيبة ديالي 😘
انا : حيد يديك بعد مني عاد جاااي ( دفعت ليه يديه )
بدر : جنات ! زگاي لاارض
انا : بعد مني ( قلبت وجهي باغا نوض )
بدر : شدرت ليك ؟؟؟
انا : مادرتي والو لبارح ليل كامل ونتا برا جيتي هزيتي ليا ولدي وديتيه معاااك
بدر بقلة حيلة : جنات سكعي ليا شوفي فيا ( دور ليا وجهي ) نتي حاملة !
انا : حاملة ( دورت وجهي ) حاااااملة 😳 بصاااااح حاااملة
بدر : اه
انا طرت عليه بتعنقية ماحيتش براسي حتا لقيات راسي معنقاه فرحت بزااااف منين سمتو قالها هو دوز يديه على الخصر ديالي وبقا معنقني وانا معنقاه حتا سمعت الباب تحل ... دورت وجهي وهي تبان ليا لطيفة داخلة هي وبشرى ...
لطيفة : مبروك عليك أبنتي
انا : مزيان ( قالبة وجهي ) عاافااكي تقدري تخرجي ريحتك ( كمشت وجهي )
لطيفة : كيفاش ريحتي 😠
انا : ريحتك دوخاتني والله اوعع
لطيفة : سري نيت تفو عليك ألطيفة
بدر : جنااات شنو هااادشي
انا : مادرت والو هئ قلت ليها غير ريحتك خايبة خنقاتني
بدر : يلااااه ( تابعها ) الوليدة بلاااتي
بشرى : حشومة عليك أختي جنااات شنو دارت ليك
جنات : ماقلت ليها والو ريحتها خنقاتني ماقلت حتا شي حاجة عيب ...
بسرى : لاحول ولا قوة الى بالله ( كشات خارجة )
انا : ياااااك حتا واحد ماتايحملني 😭😭 ماعندي حتا واحد انا 😭
( بقات طاتبكي مخبية وجهها ومربعة رجليها فوق نامويية )
بدر : هادشي لي بغيتي ! هاهي مشاااات تهنينتي ... يخخخ زايداها بلبكا
جنات : حتااااا واااحد ماكايبغيني يااانااا 😭😭
خرج بدر من البيت زدح موراه الباب مخليها تاتبكي بوحدها ...
مشا بدر تابع لطيفة كايراضيها حتا رجعها وهي طالع ليها دم ... بقا فيها الحال بزاااف من ديك الهدرة لي سمعات من عند جنات .... رجعات مع بدر وطلعات دريكيت البيت ديالها يسدات عليها ... اما بشرى غير شافت دنيا مرونة وهي هزات طوموبيل ديالها ومشات تشم شوية ديال الهوا ...
بعد أسبوع ...
أسبوع داز غير فتحضيرات ديال الحفل لي غادي يكون فأكبر أوطيل فمدينة طنجة ... بدر لي كان مراقب كولشي وهاد الايام كانت العلاقة ديالو مع جنات متوترة وهي غير كاتعصب ... مع الحمل ولات معصبة غير بوحدها ومريضة ... غير كايدخل عندها كاتبقا عليه بنگير وكايخرج يخليها بوجدها فالبيت ديالها باش مايفتوش فيها شي دقة حتا تنعس عاد يجي ... يبقا حداها ليل كامل مرة يلعب ليها بشعرها حتا ينعس ....فينما كاتجلس تفطر ... تبقا مقابلة لطيفة وهي تاكل مابقاتش كاتحملها ماعرفاتش سبب ... كاتبقا غير مقابلاها وماكاتبغيش تلاقا معاها ... اما بدر حلف فيهم الى عاودو دابزو غادي يعاقبهم ... جالسة فالغرفة ديالها كاتمشط شعرها وسيف مكسل فوق طاب فالارض لابس غير شورط صغيور وكايتركل وكايلوح الكرة وكاتنلز ليه على وجهو وجنات جالسة قدامو كاتمشط شعرها وعينيها عليه طل شوية تهز راسها فالمراية حتا سمعات الباب تحل ... هزات عينيها جيهت المراية هي تقشعو داخل كايحيد صدايف ديال القاميجا وسبردلية كايلوحها برجليها وباينة فيه عيان ... شاف فيها تمشا جيهت سيف.....سيف :  ددداد ( عنقو )
هزو بدر باسو وقال : البطل ديالي كليتي مزيان اليوم يااك .....سيف : اه اه اه مشو هوب
بدر : عيان باباك اليوم أولدي ( خربق ليه شعرو ونزلو فالارض وعطاه الكرة ديالو )
شاف فيها ومشا داخل الدريسينك خلاها غير كاتشوف والمشطة فيديها حتا كملات وناضت تمشات جيهت سسف بخطواتها حتا جلسات مقابلة معاه وشات الكرة كاتلعب معاه
حتا سمعات الباب تحل مرة اخرى وخطوات بدر ...
دارت عندو لقاتو غادي جيهت نامويية وتلاح فوق منها ... مغير جاها بحال واقعة شي حاجة ... حسات بيه عيااان بزاااف ومجروح ...
هزات سيف ومشات ببه حتا خرجات برا الغرفة دياتو الغرفة ديالو وعيطات على عيشة تجي تقابلو ... ومشات راجعة الغرفة كاتمشى وشعرها مطلوق لابسة شورط قصير مع تيشورت بصماطي ... دخلات البيت لقاتو متكي فوق ناموسية غير بسروال وداير يد تحت عنقو كايشوف الفوق ... بلاما تحس لقات رجليها غادين جيهتو ... جلساا حداه وقالت : بدر !
بدر يلاما يشوف فيها : ممم
جنات : ماالك ؟؟ شفتك عيان ( قبل ماتكملها كان معقنها )
بدر : توشحتك ( باسها بوسة طويلة من فمها )
جنات : واش مريض ؟؟؟
بدر : لا غير عيان ماناعسش سيمانا هادي
جنات : خاصك ترتاح !
بدر : غير بقاي حدايا وانا مرتاح ( باسها بوسة أخرى )
هزها قلبها تحت منو .... طرطرطر
كاتمشى وصط شارع كبير من شوارع مدينة طنجة ولي گارد ديال بدر حاضينها من بعيد حيتاش مايقدروش يمشيو معاها وصط ناس غير غادي يخلعو البشار ... لابسة سروال جينز مع تيشرت وصاك ديالها ومعاها المساعدة ديالها لب تاتمشي معاها فين كانت بنت صغيرة ولا بسة سروال وقاميجا ...بيمما هي غادية وكل شوية توقع هي و المساعدة ديالها كان واقف قدام شاشة الكبير كايشوف فيها ولابس غير سروال ... عينيه كايبروي فوقما بتاسمات دقات القلب ديالو كايتزادو فينما تضحك يضحك معاها ومنين تعبس يعبس معاها ... مراقبها واحك من رجال ديالو من بعيد منين مادازت غاددي معاها وبعيد عليها بزاف كايصورها وياخد ليها تصاور ... بينما هي واقفة قدام كاتشوف بعويناتها ومعاها المساعدة ديالها وهو عينيه على عينيها العسلين مراقب كولشي وفيديه كاس كايشرب ... ماكايسخاش من شوفة فيها ... بحال دوا ديالو ... من نهار جات عينيه على عينيه هو دايب فيها ... عارف بلي الى قرب ليها خاطر بحياتو وصداقة ديالو مع بدر ...
يوم جديد فالقصر ...جالسة فوق فوطيو لابسة بيجامة عبارة عن شورط مع وفوقاني ديالو بصماطي ... طالقة شعرها جالسة شادا تيلي ديالها وتلفازة مشعولة وحداها بلاطو فيه ديسير  جتا بان ليها بدر داخل شاف فيها وبتاسم : فين هو سيف ؟؟؟
جنات : كاين مع خالتي عيشة
بدر : مزيان ( كايحيد شوميز ديالو ) خرجي يضربك شوية الهوا سيمانا ونتي جالسة
جنات : مابغيت نمشي حتال بلاصة
بدر : لي عجبك ... ( مشا داخل الدوش كايحيد تيشورت ديالو )
جنات بقات جالسة فتفس الوضعة حتا شافت. خرج وجاي عندها
لابس شورط وصدرو عريان ... تكا حداها ودور يد على عنقها جرها عندو تكاها فوق صدروا وحج يديه فوق الكرش ديالها كايدوزها بشوية وعينيه على فمها الحميمير وهي كاتضور عينيها وكاتشوف فيه وريحة ديالو دخلات العروق ديالها ... سدات عينيها منساجمة مع يديه لي غادية فوق الكرش ديالها حتا حلات عينيها هو يرجها عندو وباسها بوسة طويلة من فمها وقال : زعما تولدي ليا شي بنيتة كاتشبه ليا
جنات : ههه باراكة عليك غير سيف ... ( بتاسمات )
بدر : الى تزادت بنت كاتشبه ليك غادي نكون فرحان بزاااف ... تولي عندي بنيتة كاتشبه ليك 😍 ( باسها )
جنات : نسولك ؟؟؟؟
بدر : دوي !
جنات : سمتك كاتهضر على شي حفل ... واش غاتكون فشي حفل
بدر : الحفل ... فكرتيني نيت ... حيتاش فليل غادي يكون الحفل ... بلاما تصدعي ليا راسي بغيت نمشي ماغاديش تمشي معايا
جنات : وعلاش ؟
بدر : حيتاس كاينين فيه رجال
جنات : هاهما فيه أش غادي يوقع ؟
بدر : ماغايوقش والو ... غير غادي تنوض مجزرة ... وغادي نصدق معوج فيك نتي شي ضلعة ... بلاما نكتر الهدرة گلسي الارض ( قال وفسخ ليها شعرها )
جنات : انا غانبقى هنا !
بدر : مور غدا غانرجعو البرازيل أش بان ليك ... بقاي تما تاتولدي
جنات : لا انا بغيت نمشي معاااك الحفل ... ها هي فيه البنات وغادي تمشي بوحدك
بدر: شحال من مرة كانقولها لبك ... نتي لي كاينة هنا نتي لي معششة ليا فقلبي وتا وحدة ماغادي تاخد بلاصتك

يتبع...

من هنا غادي تبدا قصة حب أخرى لي غادي تبني لينا أحداث الجزء تاني ... المهم خليكم مع القصة ... القصة باقا طويلة فيها أحداث لوز ... وحضيو معايا راه تانغفل