🩸القلب المجروح🩸

الجزء عشرون 🫶

🩸القلب المجروح🩸
بقلمي ✏️ بشرى حمي ❤️‍🔥

جلسو كايتعشاو وسعدية فرجانة حيتاش تجمعات العاىلة مرة أخرى ... كاتشوف وتضور عينيها عليهم.كاملين وبدر جالس حدا جنات كايلعب بيديها ومكلاش غير كايشوف بعينيه
سعدية : كول اولدي
بدر : مافياش ( جمع الوقفة )
سعدية : كول على شكون لباياكل هادشي
بدر كلب دورة ومشا طالع بقات جنات متبعة ليه العين حتا طلع مع دروج ... كملات الماكلة ديالها : الله يعطيك صحة ☺️
سعدية : بلاتي ماطلعي حتا تدي ليه ياكل راه مكال والو من صباح .... تبعيني ( مشات معاها جيهت الكوزينة )
هزات بلاطو دارت فيه الماكلة ... وعطاتو ليها مشات جنات طالعة وهازا البلاطو حتا وصلات الفوق ... حلات الباب بشوية وكان ضلام فالغرفة حتا شعلات ضو ... بتاسمات من المنضر كان بدر ناعس فوق ناموسية غير سروال وسبردلية باقا فرجليه ومعنق ولدو ... حطات البلاطو فوق طابل ومشات الدريسينك ... جلسات قدام المراية مسحات الماكياج لي كان على وجهها وحيدات القفطان ... بدلات حوايجها وجمعات شعرها... كانت لابسة بيجامة ديال الحرير فلون الازق وشعرها.مجموع شفنجة مرخوفة ... خرجات لقات بلاطو بلاصتو وبدر باقي فين كان ... مشات حداه طلات عليه كان ساد عينيه
جنات : بدر بدر ( حركاتو )
بدر : نعام ؟
جنات : بدر نوض تاكل
بدر : ماخاصنيش ( قلب وجهو )
جنات : كول غير شوية من صباح ماكلتي والو ( ماتضهر وقريبة منو )
بدر : جنااات ! قلت ليك مافياش
جنات : والبلاطو لي جبت ليك تال هنا ؟؟؟
بدر : عطيه لزينب ترجعو ( تقلب لجيهة أخرى )
مشات جنات معصبة كاتضرب رجليها مع الارض عيطات على زينب وعكاتها البلاطو هبطاتو ... سدات الباب ومشات هزات تيليفون ديالها ومشات البالكو بقات فالبالكو وجردة خاوية غير الاضواء ديالها لي مزينين دنية وكاين صهد شوية حيتاش فصيف ... والبيسين فيه أضواع غادين مع القنات ديالو ...
بقات واقفة شحال عاد دخلات ... تمشات جيهتو وهي تسنع صوتو : حيدي معاك ديك سبردلية
زفرات وجلسات حداه حيدات ليه صباط ولاحتو حيدات حتا تقاشر لاحتهم تحكركات حداه وهي تشوفو حيد سمطة ديال سروال ولاحها وخشا وجهو بين المخاد ... قربات جنات عند سيف وهازوات غادية بيه جيها ناموسية ديالو حطاتو ومشات جيهة ناموسية حطات راسها وتكات بشوية باش ماتخصرش ليه نعاسو ولكن هو مخصر من عند الله ... غير حس بسها تكات كان دار عندها وجرها من الخصر ديالها حتا تلاقات معاه ... وجهو فوجها ... هزات عينيها حتا تلاقاو مع عينيه ... هزات يكيها وحطاتها فوق صدرو بغات تبعد عليه حتا زاد قربها منو ولاقا شفايف ديالو مع شفايف ديالو حتا نساجمات معاه ولاوات يديها على عنقو بجوج ورجليها حاوطو رجليه من جوج جوايه حتا تقلب ولا فوق منها ...

وسط شارع من شوراع مدينة رباط ... غادية سيارة بسرعة ... وسط منها كانو حمزة ومنى طالقين موسيقى ومنى كاتغني فرحانة وحمزة كايشوف فيها بحب ومتبع معاها واخا مفاهمش الاغنية حتا خرو من رباط وغادين مع طريق البحر ... وشعر ديالها كاتلعب بيه رياح وحمزة جالس مركز مع طريق مبتاسم ليها وفرحان ... كايدوز وقت زوين حداها ماحاشس بالوقت وكل شوية يديوز يديه على شعرو لي كارجع ليه عينيه ... وقف طوموبيل حدا البحر وطفا الموسيقا شاف فيها وقال : منى ؟
شافت فيه بتعجب وبتاسمة بريئة مرسومة على وجهها خلات عينيها يتسدو بطريقة بريئة : نعام ؟؟
حمزة : فايت ليك درتي علاقة مع شي واحد ( الاسبانية ) ؟؟؟
منى : لا ماعمري درت علاقة مع شي واحد ... بابا الله يرحمو كان كلشي فحياتي ... لقيت فيه داكسي لي كانقلب فيه على شي واحد أخر ... كايتهلا فيا كايخرجني ... كايشري ليا وكايحن فيا ... كان كايحماق عليا وانا كانحماق عليه ... الى شي واحد جبدني كايقلب عليه ... طالق ليا مفششني ولكن منين مات حافضت على داكشي لي واعدتو بيه ماخليت ولد المرا يقصني من غير الى تزوجني ...
حمزة تبسم وجرها من يديها وباسها من جبهتها وقال : عتابريني بحال باك الله يرحمو ... غير ماتكونيش قاصحة وراسك قاصح ... اعدى حاجة عندي هي ماتسمعيش هضرتي ... ماعندش هاديك ديال مانضربكش ... غادي تديريها قد راسك وغادي نسلخك
منى : تسلخني علااش ؟؟؟؟
حمزة : الى درتي علاش !
منى : مانديرش علاش ( شافت ساعة ) رجعني لدارنا تعطلت
حمزة : سدي معاك داك الباب ( سدات الباب ) ديمارا طوموبيل راجع وهي طالقة موسيقا كاتغني معاها وحمزة مركز مع طريق لي كانت خاوية شوية ... حتا وصلها الدرب ديالهم
يلاه غاتنزل : فين غادية ؟؟؟
منى : لدارنا !
حمزة : البوسة ديالي ( شير جيهت حنكو )
قربات باستو فحنكو وفنفس الوقت هزات صاك ديالها ومشات خارجة ... هو واقف عليها حتا واقفات قدام الباب دارت ليه باي باي ودخلات عاد ديمارا طوموبيل غادي الفيلا ...