لازلت اقاوم ( الحب ليس كل شيء )

البارت 1

تجبرنا الحياة أحياناً على الكثير
وتجبرنا كذلك قلوبنا .. وما بين الحياة وأحكام القلب
يضع القدر أحكاماً أخرى ..

🎀🎀🎀🎀🎀

كبرنه وما حسبنه اهدومنه صغار
و على كد الردن كصينه ايدينه
اشما مرنه الفرح ما جنّه موجود
مثل طبع الرمش متشوفه عينه
اقصور الناس تبني بساعة العوز
وبنينه امالنه وطاحت علينه
صحنه وما حسبناهم يسمعون
وطلع جف الوكت يخنك حجينه
غركنه ببحر همنه ولمنه الشراع
ونذب الصوج بيهم مدري بينه
خلينه الذنب بمعاكس الروج
وطلع سكران قبطان السفينه
🎀🎀🎀🎀🎀

لازلت اقاوم
قصة الكاتبة
سمسمه(سحر♥️العيون)
قراءة ممتعة
💝💝💝💝💝

بدلت وكملت كلشي واخذت سجلاتي وطلعت للباب جانت الكوستر محمله بالبنات وجاي علينه انه وصديقاتي توأم بالفرع اللي بظهر بيتنه ركبت ورحت بسرعه يم صديقتي اللي وياي بنفس الصف ونفس الرحله زينه

سمر: هلو
زينه: هلو

ضلينه نسولف ع الدوام والدراسه والامتحان

الى ان وصلنه الفرع جان بي مفرق طرق وبيوت وكف السايق السياره وصاح على صديقه...

حجه وياه انه شفته خطف جنه نسولف وما منتبهه...

صديقتي زينه جانت تحب السايق وعدها علاقه وياه رغم هي تعرف هو يحب وحده ثانيه (اسماء) ويانه بالسياره واكثر من مره يتعاركن بالمعهد وتصير مشكله جبيره بسببه ....

ومشه السايق وصلنه للمعهد ونزلنه انه وزينه دخلنه جانت مدرسة الاسلاميه او المعاونه ما تقبل ندخل من باب المعهد الداخلي اذا ما تفتَشنه على الزي واللبس الضيگ والمكياج والنقالات (جانت النقالات القديمه الصرصور والطابوكه والكتكات... )....

فتشتنه ما عدنه شي مكياجي خفيف كللش والكحل داخل العين بس....

ودخلنه للشعبه وبدت الدروس كالعاده وخلص اليوم دراسه وسوالف وضحك ورجعنه للبيت بدلت وتغديت ومشه اليوم عادي لليل صاحتني اختي

زمرد: زينه تريدج عالتليفون

رحت للهول جان بي التليفون اخذت السماعه وكلت...
.

الو

زينه: اكلج منو يمج

سمر: ماكو احد ليش

زينه: خليل يكول صديقه حسين يريد يحجي وياج

سمر: شنوو شيحجي