لازلت اقاوم ( الحب ليس كل شيء )

7

أخبرني أنت ..
ماذا أفعل
بتفاصيلك المحفورة على صخرة ذاكرتي ؟
كيف أمضي إلى حال سبيلي
وأقدامي عالقة في أرضك ؟
لو أن الحب قرار ..
ما أحببتك !
♥️♥️♥️♥️

تتذكر من كلت فد يوم يفلان
اليكسر خاطرج اكسرله ظهره
كسرت بخاطري وظهري كسرته وياه
أظنك مو كلب شايل ولك صخره

❤️❤️❤️❤️❤️
لازلت اقاوم
قصة الكاتبة
سمسمه(سحر♥️العيون)
قراءة ممتعة
❤️❤️❤️❤️❤️

(ملاحضه:
سمر جانت تلبس عباية راس راس ونسيت اذكر هذا الشي ببداية القصه إلى أن حچتلي الموقف اللي صار بهذا البارت اعتذر)...

كلتها وبيني وبين روحي اكول لا يربي كون يجي يا ربي...

خلص الدوام طلعنه زينه رايحه قبلي تريد تشوف خليل قبل لا يصعدن البنات...

عدلت حجابي ولبست عبايتي واخذت سجلاتي وطلعت لكيتها موجوده والبنات هم وخليل كاعد بالسياره حسين ماكو بس يمه واحد من أصدقائه اللي قبل كم يوم شفناه ويه حسين وخليل....

سمر. ها لحكتي تحاجينه

زينه وهي ضايجه...
. اي بس ما حجينه شي بس عنكم

. شنو عنه شلون يعني ما فهمت

. انتي وحسين

. شكال

. نطاني هاي الورقه

اخذتها منها شفتها بيها رقمين ارضي ونقال...

. شنو هاي

. أرقام حسين ويريد تخابرينه اي وقت تكدرين

. لا والله شنو يريد يعني

. مادري يكول لازم تحجون بس بشنو ماعرف

. ها ما يعرف لو يريد يلغي السالفه هه

. لا ولج لا تتهمينه

. لا عليمن اتهمه اخابر واشوف

. يعني رح تخابري

. احاول اذا كدرت

. اي حاولي

. متاكده يريد يطلع أعذار حتى ما يجي يخطب

. اهووو لااا هو يريد يتفق وياج على هالسالفه

. منو كلج

. خليل كال

. نشووف

وصلت المنطقتنه جان كبال بيتنه ساحه جبيره يلعبون بيها طوبه وواحد يبيع فلافل من جنه صغااااار إلى أن كبرنه ....

وبصف شارعنه هم ساحه جبيره من نرجع من المعهد نتعده عليها ويدور السايق ويطلع على الشارع من يم الساحه المقابيل بيتنه...