لازلت اقاوم ( الحب ليس كل شيء )

13

عيناك رواية
وانا أهوى القراءة
💐💐💐💐

إنتَ عينك للسمه توديني
وانه خايف
ينگطع رمشك واطيح

❤️❤️❤️❤️

كامت امي وراحت شويه ورجعت وجهه جنها مختنكه ومقهوره وتريد تنفجر...

سمر. شنو يمه شبيج

.الام. هديل راح يجون

هديل. اهووو

الام. ابوج يكول مخابرين عليه بالدوام

هديل. استغفر الله ما اريد ما اريد ارجع ما اريده مليت منه ومن امه

الام. منو گلچ اخليج ترجعين انه ما اخليج مو بكيفهم يرجعونج

هديل. وابوي

الام. انه احاجيه معليج اذا ما يصيرله جاره ما يرجعج

سمر. ابوي حبوبه اذا كال ترجعين يعني ترجعين غصباً عليج

هديل. استغفر الله يمه ما ارجع

سمر. شتكولين الابوي

هديل. اكله ما أريده كوه

اركان. ابوي مو طيح حظه ما تصيرله چاره هذا بعد شنو يرجعها اله

الام. والله ما ادري هسه خلي نشوف حجيهم والله كريم

هديل بقت مصره على رايها خلصنه ريوك وگمنه نظفنه البيت كله انه وهديل وزمرد هم تسوي شغلات بسيطه تساعدنه تودي وتجيب....

وامي طبخت الغدا وانتظرنه ابوي للساعه 2:00 الظهر رجع من الدوام صبينه الغده وكعدنه ناكل ....

امي ابد ما فتحت الموضوع ما اعرف ليش ويمته تحجي يمكن تتانيهم يجون وتحجي مادري.....

تغدينه وكمت غسلت المواعين وهديل سوت جاي لأبوي وامي راحت ودته الغرفتهم ورجعت...

هديل. شلون بيه يكلها ما اكدر ما ارجعها هاي اخر مره اذا ما يعاملها زين ويحترمها بعد ما ارجعها

سمر. اي خوش حجي

هديل. شلون خوش حجي ماكدر نفسيتي ما تتقبله وماكدر ابقى وياه دقيقه شلون ارجع شلون اعيش واكمل عمري وياه

سمر. مو انتي ردتي شلون هسه وين راح الحب

هديل. يا حب هذا انه حبيته صدك بس كرهني بحياتي

سمر. اووف مادري بعد بكيفج انتي ادرى بي

عافتني وراحت مادري وين كملت غسل رحت للغرفه لكيتها نايمه ومغطيه راسها اسمعها تبجي بس شبيدي عليها ما اكدر اسويلها شي عفتها تبجي حتى ترتاح....

صار العصر ساعه ٤ ونص اندك الباب طلع مصطفى فتح الباب لگى وحيد وامه ومخلد اخوه الچبير سلمو عليه ودخلهم للبيت للديوانيه....