لا أحبه ولا أكرهه !!
أنا بينهما
لا أشتاق له ولا أنساه ! شعور رمادي يغطي على إحساسي !
لا أعرف هذا الشعور
وهل الرفض افضل ام القبول
♥️♥️♥️♥️
بس دقيقة خلي افكر ؟؟
ياهو انت شلون آجيت ! !
هي بس مره انه شفتك
شعندك أبالي بقيت
🎀🎀🎀🎀
لازلت اقاوم
قصة الكاتبة
سمسمه(سحر♥️العيون)
قراءة ممتعة
🌹🌹🌹🌹🌹
سمر. انه قررت ما أريده ماكدر يمكن أخلاقه زينه وخوش ولد وصوته هم حلو بس ما عجبني مو جبر
زينه. عود من كل عقلج عبالي راح تقبلين تحاجينه
سمر. لا ما عجبني ماكدر مااا اكدر
هالحجي احجي واحسه يباوع عليه ويسولف ويه خليل...
زينه. هههه على كيفج يلا هذا هو
وصلنه نزلنه للمعهد اخذنه الدروس وست حليمه انطتنه امتحان اسلاميه وشاده ويانه هي والمعاونه ست مديحه لان الاكثريه مرات ما يدخلون للمحاضره....
ست حليمه شكلها ضعيفه حييل ومتوسطة الطول بس عصبيه كللش بحيث المعهد كلها اذا سمعن ست حليمه طلعت من الاداره يضلن يركضن حتى يكعدن بمكانهن....
ست مديحه طويله وضخمه تخوف بس مو مثل مديحه...
صديقاتي بالمعهد نفس المرحله زينه ونوره وهديه شله كلنه سوه لمن نطلع من الشعبه....
بس انه عندي صديقات من نفس المرحله هم دائما امشي وياهن ساره ومياسه وشموس ودعاء هم احبهن هواي....
احب يصير عندي صديقات هواي ما أحب وحده واثنين..
غير اللي جانن وياي المرحله الأولى اللي منهن بطلن صفا
اللي جانت كاعده بنفس الرحله وياي ومموتتني كل ما انفخ لو اجر حسره لو اريد اتنفس قوي تكلي حرام تنفخين كولي استغفر الله هههه ما تنطيني مجال اتنفس....
وفاطمه ورحيل وعلياء وهدى .....
كملنه محاظرة الرياضيات ست عقيله احبها حييل من احسن المدرسات اللي رتاحيتلهن بشوشه وتسولف الماده سوالف كأنما مو رياضيات وتلخص وتسهلها كلش تفصلها تفصيل واللي ما تفهم ترجع تعيد وجنت اخذ عدها درجات عاليه بالرياضيات .....
انه قسم علوم رياضيات لان ما أحب الدرخيات مثل الاجتماعيات والعربي ....
اختي هديل عربي واجتماعيات هي اصغر مني بالعمر بس نفس المرحله انه وياها بس غير قسم حالياً مو وياي من تزوجت تداوم يم عيالها....
أنت تقرأ
لازلت اقاوم ( الحب ليس كل شيء )
Romansaقصة حقيقية واقعية باللهجه العراقيه چنه طالعين بالسياره اخوي يسوق وبصفه ابن خالتي وانا وهو وابن خالته وره رايحين للشيخ نريد نطلك والسياره تمشي وبتي بحضني شابكتها چانت صغيره عمرها سنه وبهذا الوكت چنت كارهته كلش كره العمى لان اذاني وقهرني وچنه متفقين...
