لازلت اقاوم ( الحب ليس كل شيء )

19

لم أكن أريد وعداً
بقدر ما أردت صدقاً

محظوظة تلك الفتاة التي وعدها رجل ثم وفى بوعده "
🌹🌹🌹🌹

شلونك يبعد المو الي يالتعبتني انت وهلي
لا بيك كطره من الهلا
ولا ملكه غيرك بي دوه
چا ابدلك انه من الصبح
لو ينلزم بيدي الهوى
مرات مو من البجي
مرات صفنه تفضحك
لو ادري بيك بيا كتر ابجيك حد ما مسحك
بس انت مثل المستحه
من كل كتر ما خذني !! امنيتي اعرف بطلت
لو لسه باقي تحبني
ارد افتهم تسوه السهر تستاهل مدنكني ؟

❤️❤️❤️❤️
لازلت اقاوم
قصة الكاتبة
(سحر ♥️ العيون)
قراءة ممتعة
🌹🌹🌹🌹

كعدنه ننتظر بالغرفه لان ابوي موجود بغرفته...

صارت الساعه 4:00 ماكو اربعه ونص ماكو على اساس هم يجون من وكت ب٣ ونص لو ب٤ صارت بال٥ وهم ماكو.....

امي كلساع تكول متاكده يجون خاف مو اليوم انه كلش ضجت وكلت الزهراء ...

. بعد ما يجي هذا سوه ازيد من هادي عاد هادي اختصر الطريق وما اجه

زهراء. يجوز صار عنده شي وتأخر

سمر. هالكد كال اذا تاخرنه كلش لل٤ صارت ب٥ وما اجو

زهراء. يجوز سيارته عطلت

سمر. اي حضي غير جا انه شكد فكر اذا صدك

زهراء. ههههه

جاي نسولف واندك الباب دخلت زمرده كالت...

. اجو اجو الخطار

رد الدم بوجهي وفرحت لان ما جذب عليه وكلت....
. الحمد لله

زهراء. مو كتلج يجون

رحت عدلت روحي وشعري ورحنه للمطبخ...

زهراء. انتي تدخلين الشربت وانه الكيك

سمر. استحي ولج خاف ينكلب انوب يشردون ههههه

زهراء. ههههه يلا اخذي الكيك وانه الشربت

دخلت امي يمنه وكالت...

. يلا تعاي

سمر. كم وحده جايه

ام مصطفى. ٢ مرت ابوه واخته وابنها صغيرون خلي بعد كلاص شربت اله عيب

زهراء. هسه خلي ندخل نودي وانوب اجيبله

ام مصطفى. اي يلا

سمر. استحي يمه شلون

ام مصطفى. يلا يلا عيب كاعدات ببحدهن يلا دخلي

سمر. ياا انتي دخلي قبلي شنو اكول ما اعرف هههه

ام مصطفى. سلمي وكعدي بعد شتكولين