في يوم جديد
كانت غرام في الجامعه مع مي
مي ….
عرفتي ان الدكتور محمد عملنا مشروع وهيقسمنا فريق
غرام ….
ههههه قديمه طيب انتي عرفتي بقا مين اللي هيكون معانا في التيم بتاعنا
نظرت اليها مي بشك وقالت …
لا متقوليش البنت سهيله الملزقه دي معانا
غرام …
ومش بس هي دا هي والشله بتاعتها كلها الدكتور محمد عمل معانا الجولاشه
وضعت مي راسها علي الكتب وقالت ….
دا سنه شكلها مش معديه انا هروح من قصرها اشيل السنه واخلص
وفجاه وجدو صوت فتاه تاتي من الخلف وهي تقول بدلع …
ليه يا حبيبتي انتي مدايقه اننا اخترناكم معانا ولا ايه
نظرت مي و غرام الي الخلف فوجدت سهيله تقف وبجانبها صديقتها الاخر
مي بداهشه …..
ليه هو انتي اللي اختارتينا ولا ايه
سهيله بثقه ….
طبعا انا اللي اختركم امال مين يعني انتو ناسين اني بنت عميد الجامعه ولا ايه
غرام بصوت منخفض ….
يرزقك بي عمود يقع فوق راسك يدشدشها متقومي منها
سهيله ….
بتقولي حاجه يا قلبي
نظرت اليه غرام وقالت بهدو ….
بقول يرزقك بي عمود يقع عليكي يدشدشك
نظرت اليها سهيله بغضب وقالت ….
انتي مجنونه انتي ازاي تكلمني كده
غرام بصوت عالي ….
بت انتي اتلمي بدل ما المك انا ايه فكراني هخافي منك ولا ايه لا يا بابا اهدي علي نفسك كده علشان مزعلكيش
نظرت سهيله اليها بصدمه ….
ايه الكلام البيئه اللي انا بسمعه دا بس تعرفي انا مش هرد عليكي انا بقا هوريكي انا هعمل ايه
تدخل شاب بسرعه في المنتصف والذي كان سيف من شله سهيله
سيف ….
اهدي يا سهيله مش كده خلاص حصل خير
نظرت اليها سهيله بغضب وتركتها وغادرت فنظر سيف الي غرام وقال ببتسامه …
معلش يا غرام متزعليش منها
نظرت اليه غرام بضبق وقالت …
وانت مالك انت روح الحقها خليها تسيح الكحل وهي بتعيط علشان وهي رايحه تشتكي لي حضرت العميد يصدقها
ثم لمت كتبها وغادرت من المدرح تحت صدمت الجميع منها
ركضت مي خلفه ثم امسكتها ووقفت امامها وهي تقول …
يخرببتك استني ايه اللي عملتيه جوه دا
غرام بضيق ….
مي انا مش ناقصه انا مخنوقه خلقه وبعدين كنت عايزني اسكتلها يعني مهي واحده غبيه
مي بستغراب ….
مهي علي طول بتلقح بالكلام ايه الجديد يعني ايه مالك بقا متعصبه كده ليه انتي اتخنقتي مع حسام ولا ايه
غرام بحزن ….
احنا متكلمناش اصلا علشان نتخانق
مي …
ازاي يعني مش فاهمه
غرام ….
يعني من ساعه القنبله الاخيره دي وهو مش بيكلمني ولما انا كلمته مردش عليا شكله كده خلع
مي ….
ااه علشان كده متعصب كل دا طيب ما يمكن يكون تعبان ولا حاجه
غرام بحزن …
مادا اللي كنت فاكره بس امبارح روحت مبني العمليات لقيته هناك اول ما شوفته كويس اخدت بعض ومشيت
مي ….
طيب اهدي ممكن يكون في حاجه مدايقه ومش عايز يتكلم مع حد
غرام ….
والحاجه اللي مدايقه مخليها مش عارف يتكلم معايا انا بس
ثم اكملت وعيونها تدمع ….
خلاص يا مي فكك انا هروح مش قدره اكمل محاضرات سلام
ثم تركتها وغادرت بسرعه بدون حتي ما تنتظر ردها
تحركت غرام من الجامعه فوجدت الامن خلفها كلعاده فمنذ الحادثه وغرام تجدهم خلفهم في كل مكان
نظرت اليهم قليلا ثم قررت ان تجد حل لكي يكلمها وبنفس الوقت تعاقبه علي عدم كلامه معها فذهبت الي المطعم الذي بجانب الجامعه ودخلت ثم خرجت بسرعه من الباب الخلفي وركضت الي الشارع الاخر
وقفت غرام وهي تاخذ نفسها وتقول ….
علشان بعد كده تحرم متكلمنيش ابقا اقلق عليا بقا
ثم ظلت تمشي في الشارع قليلا وعندما تعبت وقفت علي جانب الشارع وهي تنتظر تاكسي لكنها فجاه وجدت سياره تقف امامها نظرت اليها بستغراب وجاءت لترجع الي الخلف لكنها توقفت حينما نزل زجاج السياره ويظهر حسام منها
نظرت اليها بداهشه
نظر اليها حسام بحده وقال …
