බොරදිය .
අසීමාන්තික නොවූ ප්‍රේමයක් ,
04.
දහතුන් වසරකට පෙර,
" අර කෙල්ල පව් බන් , නෙට්බෝල් තියා කෙල්ලට දැන් කෙලින් ඉන්නවත් පණ නෑ "
නිම්මි කීවේ ඇය අසල සිටි අංජුටයි. කෙටි ස්පොර්ට් ඇදගට තද කළු පැහැ වූ ෂොර්ටකින්ද එයටම ගැලපෙන දෙඅත් නැති ඇදුමකින්ද සිටි ඇය දහඩිය මුළු සිරුර පුරා යන්නට ඉඩදි නිම්මිගෙ වතුර බෝතලය කට තියා සිටියි.
" ඇයි දැන් ඒ ලමයව ගෙන්න ගත්තේ , මේ වගේ ස්පෝර්ට්ස් වලට හරියන කෙල්ලෙක් නෙවෙයි එ ලමයා . බලනෝ අව්වෙ ඉදල රතු පාට වෙලා "
නිම්මිගෙ වචන වලට අංජුගෙ දෑසද රැදී තිබුණේ කිරන් දෙසටය. කිරන් දහවල් වරුවෙම තද අව්වට අසුවි දැන් රත් පැහැ ගැන්වි ඇත . ඇගෙ ගෙල පාමුලට වන්නට කැපූ කොට කොණ්ඩය අවුල් ජාලාවකි එය සීසිකඩ විසිරි ඇත . මුහුණ පුරාවමද ඇගෙ කමිසයද දහඩියෙන් තෙත්ව ඇත . ඇගේ දෑස්වල ඇත්තේ මහන්සියකි දූවිලි පොලොව හය හත් වතාවක්ම සිපගත් බැවිනි දැන් කිරන් අව පැහැ ගැන්වි ඇත .
නෙට්බෝල් කණ්ඩායමට අළුත් සමාජිකයන් පැමිණි විට මුලින්ම ඔවුන්ව නොසලකා හැරිම නෙට්බෝල් කණ්ඩායමේ අයගේ සිරිතයි . ඔවුන් අළුත් සමාජිකයන්ට ඕනැවට වඩා වදදෙයි රැග් කරයි . නමුත් කිරන්ට වූයෙ වෙනස්ම දෙයකි .කිරන් ජනනි සමග ඇතිවූ ආරවුල නිසා කණ්ඩායමෙ වැඩි පිරිසක් ඇය සමග ඉන්නේ වෛරයකිනි. ඔවුන් වැඩි පිරිසක් සිතුවේ අංජු , ජනනිට සහය දක්වන්නට අද කිරන්ට නෙට්බෝල් ප්‍රැක්ටිස් එන්නට බල කර ඇති බවයි . ඉතින් ඒ අවස්ථාවෙන් ක්‍රියාත්මක වූ ජනනි ඇතුළු පිරිසි ඔවුන්ට රිසිසේ කිරන්ට කරදර කලේ ඔවුන්ගේ වෛරය පිරිමහගන්නටය.
ඇත්තෙන්ම අද ඔවුන් සෙල්ලම් කලේ නෙට්බෝල් නොවේ . සමහරවිටක නෙට්බෝලය වේගයෙන් විසික් වි ගොස් කිරන්ගේ මුහුණේ වැදුන අතර සමහරවිටෙක ඇය නොදැනුවත්වම තවත් බෝලයක් ඇගෙ පසුපසින් වැදුනේ කිරන්ට දවල් තරු පෙන්වමිනි. කිරන් ඒ සෑමවිටකම කරේ තදින් දෑස් පියාගන විවෘත කිරිම පමණකි. ඇය අංජු දෙසද නොබලන්නට වගබලා ගත්තාය .
කිරන් නැවත වතාවක් බිමට ඇදගන වැටුනාය . ඒ නම් විදර්ශනාගේ කකුල් මාට්ටුවකිනි . වටේ සිටි සියල්ලෝම කිරන්ට සිනාසුන අතර ඇයව නැගිටවන්නට කිසිවෙකු ඉදිරිපත් වූයේ නැත . නෙට්බෝල් කණ්ඩායමේ කිසිවෙකුත් ජනනි හා අංජු තරහ කරගැනීමට අකමැති අය වූහ ඒ නිසාම මිනිත්තු කීපයක් ගතවුනද තවමත් කිරන් දූවිලි පොලොව මතම නොසෙල්විම සිටියි.
