බොරදිය
අසීමාන්තික නොවූ ප්‍රේමයක් ,
06.
දොලොස් වසරකට පෙර ,
" නපුරු හෙනහූරි ,
හිතත් ඇසත් මනසත් හදවත්
ඔබටම වූ පසු
හුස්මක අයිතිය පමණක්
මා හට තිබි කුමටද "
කිරන් අවසාන කාලච්ජේදයට පෙර කාලච්ජේදයේ මැද සිටම ඔවුන්ගේ ඕපන් ඒරියා එකේ කොනේම මේසයකට බර වි අකුරු එකතු කරන්නට වූයේ අංජුගේ රූපය හිතේ මවාගනය .
අමන්දා ඇය සමග එන්නට බෑ කීම නිසා කිරන් තනිවමම මනෝ ලෝකයක තනිවි හිතෙන සෑම දෙයක්ම කුරුටු ගෑවාය . ඇය අසලින් ඔබ මොබ යන ලමයින් පිලිබදව නොතැකූ කිරන් තමන්ගේ ලොවක තනිවි ඇත.
" ආ චන්ඩි පරඩැලි තනියම අද , කෝ පිරිවර මිසින් ද "
ජනනි ,කිරන්ගෙ මේසයෙ වූ එක් බංකුවක ඇද වාඩිවූ අතර ජනනි සමග පැමිණි අනෙක් ලමයා ද ඇය අසලින්ම ඉදගත්තාය .
" පරණ ප්‍රශ්න අමතක කරලා දාමුද අක්කා .. එදා නෙට්බෝල් කෝට් එකේදි ඔයා හොදටම පලිය ගත්තනේ "
මුහුණට සිනාවක් නංවාගත් කිරන් එසේ කිවේ එය කිරන්ගේ විදිය නිසාවෙනි . කිරන් කිසිවිටෙක වෙනත් අය සමග අමනාපකම් ඇති කරගන්නෙකු නොවන අතර එසේ ඇති වුවහොත් වැරැද්ද ඇය අත නොතිබුනද සමාව ගන්නට පසුබට නොවිය.
කෙසේ නමුත් මනුස්සයෙක් , කිරන්ට එපාම වුවහොත් තවත් දරාගත නොහැකි උච්චතම අවස්ථාවට පැමිණියහොත් කිරන් ඔවුන්ව නොපෙනෙ, කිසිම අවස්ථාවක ඇයට ඔවුන්ව නොපෙනේ .
" සමාවෙන්න "
කිරන් සිනාවත් සමග නොපැකිලව කිවාය.
ජනනිද අනෙක් ලමයාද කිසිවක් නොපවසා කිරන් දෙස බලාඋන්නේ ඇයට කියන්නට ඇති සියළු දේ කීමට අවස්ථාවක් දිමට මෙනි.
" මෙහෙමයි , මට ඒක අමතක කරන්න බෑ .. අනිවාර්යයෙන් අවස්ථාවක් ලැබුන ගමන්ම මම තමුසෙට එකම එක කම්මුල් පාරක් ගහනවා හැමෝම ඉස්සරහ . මට ඕන එච්චරයි "
ජනනිට එය අමතක කිරිමට නොහැකිය . ඇගේ නමට අභියෝග කල ඇයට පාලනය කල හැකි පිරිසෙන් එකම කෙල්ල වූයේ කිරන්ය .
සමහර අවස්ථාවල හැමෝම සමාන නැත. පවුලෙ තරාතිරම පාසලට ගෙන එන අයද ඇත . ජනනි එහෙම කෙල්ලෙක්ය . ඇයට මෙහිදිද නඩත්තු කරන්නෙ පවුලෙ නමයි ගරුත්වයයි . ජනනිගේ ගොඩක් වැරදි ක්‍රියා ඉක්මනින් යට ගැහෙන්නේ ඇගේ පවුලෙ බලය නිසාවෙනි.
