အကိုက တော်တော်အိပ်မောကျနေပြီမို့ တိုက်ခန်းကိုပဲပြန်ခေါ်လာခဲ့လိုက်၏
အသာပွေ့ချီပြီးအိပ်ရာပေါ်ချပေးဖို့လုပ်သည်အထိနိုးမလာသေး
"အကို ရေချိုးဦးမလား မဟုတ်ရင်ကျွန်တော်...."
စကားမဆုံးခင်မှာ အကို့ဘက်ကနေ
သူ့ လက်တွေကိုဖမ်းကိုင်လာပြီး
"ဟင့်အင်း..."
မှိတ်ထားတဲ့မျက်ဝန်းကနေ မျက်ရည်တွေကလည်းစီးကျနေသေးသည်
အစ်ကိုကအိပ်မက်ယောင်နေတဲ့ပုံပါပဲ
ဘာဆက်လုပ်ရမှန်းမသိတာနဲ့ နှုတ်ခမ်းနုနုကိုတချက်ပိတ်နမ်းလိုက်တော့ ချက်ချင်းငြိမ်ကျသွားတယ်....
လျှပ်တပြတ်ဆိုပေမဲ့ ဒီနူးညံ့မှုလေးကို သူမေ့လို့ရမယ်မထင်
"ကျွန်တော့်အခွင့်အရေးယူတယ်လို့တော့မသတ်မှတ်ဘူးမလား"
ခပ်တိုးတိုးဆိုပြီးသူရေချိုးဖို့ထွက်လာလိုက်သည်
ရေချိုးပြီးခါမှ အစ်ကို့ကို Pajamasလဲပေးဖို့သတိရတယ်
အင်္ကျီကြယ်သီးတပ်ပေးနေတုန်းအကိုကမျက်လုံးလေးအနည်းငယ်ပွင့်အာလာပြီး
"Sorryအကိုအရမ်းအိပ်ပျော်သွားတယ်ထင်တယ်"
"ကျွန်တော့်တိုက်ခန်းပဲခေါ်လာလိုက်တာ အဆင်ပြေရဲ့လား"
ခေါင်းဆတ်ဆတ်ငြိမ့်ပြပြီးထထိုင်လာတယ်
"အကိုကဒီမှာအိပ်တော့ မင်းကဘယ်မှာအိပ်မှာလဲ"
"ကျွန်တော်ကsofaရှိတယ်လေ"
"မရပါဘူး အကိုsofaမှာအိပ်လိုက်မယ်"
"မပေးအိပ်ပါဘူး အစ်ကိုကနုနုလေးဥစ္စာ"
"ဒါဆိုလည်း အတူတူအိပ်မယ်လေ ကုတင်က အကျယ်ကြီးကို"
အကိုကလွယ်လွယ်လေးပြောလိုက်ပေမဲ့သူကတော့နားတွေပါနီရဲတက်လာ၏
"မရဘူး ကျွန်တော်က"
"ရပါတယ် လက်မခံရင်အကိုထပြန်သွားလိုက်တော့မှာနော်"
