"وِقار..احيانًا انا فِعلاً اتمنى ادخُل لِعقلك واشوف لابسَك شيطان ولا وش سالِفتك، لابسك عدة شياطين انتِ وكُل واحِد فيهُم جالس يسولف بِسالِفة مُختَلِفة ولا كيف؟..حتى دجن مو متناقِض زيك!" افروديت قالت بِقلة صَبُر
كانت قبل شوي تسولِف عن شي عميق، على اي اساس قررت تبَدِل وتوجه الحديث لِكيكة الليمون؟
بادَلتها وِقار النَظرات بأستِغراب "من دجن؟"
تِحمحَمت افروديت "واحد اتوقع انه جن..كان نشبة"
تِنَهَدت وِقار وشاحت نَظرها عن افروديت..هي مُدرِكة لِحقيقة أنها شَخص ماينطاق، بس بِنَفس الوقت حتى افرو كانت مُتقَلِبة المِزاج نوعًا ما بِالمُحادَثة
"عاد محد قال لك تسوين فيها الفارِس المُغوار وتاخُذيني كَ مُراجِعة" تِنَهدت وِقار مرة ثانية بِقلة حيلة ووَجهت نظرها لِلارَض
"لا وِقار يماما، انا رح أتخذَك كَ خَطر لِلمُجتَمع مو كَ مُراجِعة بعد اول جَلسة"
وِقار لِوهلة جتها صَدمة، لحظة..هو ذا كُله جلسة وحدة؟
"صبر..ذا كله جلسة وحدة!! يلعن أم نشبتك!"
تِحَمحَمت افرو ونَظرت لِلساعة
"على كُلً..ترا مَر بس ٤ ساعات لَك هنا وانتِ من الآن مِتمَرِرة من المكان.."
وِقار توَسَع بؤبؤ عيونها "لحظة ايش! اربع ساعات بس!! حسبت اني وصلت للتسعطعش كنت شوي واهرب استلم شهادة تَخرُجي"
رِدود وِقار خَفِفَت حدة الجو..وبدأت افروديت تضحَك من جديد
"شكلك مرضتيني..صرت مُتَقَلِبة مزاج زيك.."
"محد مُهتم استاذة ام اسم غريب"
افروديت نَظرت لِوقار بأستِغراب "إسم غريب؟ اسمي مشهور كثير عند الاغريق"
وِقار أدارت عيونها بِتَمَلُل "حنا عند العريبان مو اغريقان"
افرو ضَحكت مره ثانية "حتى انتِ إسمَك مُمَيز"
وِقار أشرت على نَفسها "انا؟"
افروديت اصدَرَت لها ايماءة "مافيه غيرك بِالغُرفة."
وِقار نَاظَرت وراها "لا بس حسبتك إنجَنِيتِ وصرتي تِشوفين ناس مب موجودة"
افروديت إبتَسمَت "لا للحين بِعَقلي"
وِقار وَقَفت على أطراف اصابِعها ومدت يدينها لِجَبين افروديت تتحَسَس حَرارتَها
افروديت إستَغرَبت "فيه شي؟"
وِقار ابعَدت يدها "لا بس اشوف فيك حرارة شي لانك اكثر طبيبة نفسية مو صاحية، انتِ ماتضبطين طبيبة حيوانات اصلاً"
أنت تقرأ
sicky-نُسخة النِساء
De Todo《افروديت》 "أنا أهتَم لك، وأهتَم لِكُل شي يصير بِحياتك، كُل شُعور تِشعُريه، وكل نَسمة هواء تِزعج وَجهك" 《وقار》 "أنتِ كذابة! أنتِ بعد رح تِترُكيني أنتِ بس تبغيني أتعود عليك وتأخذين مني شي وتروحين" 《افروديت》 "أنا دائِماً هنا لأوقِفك على رجليك، لا تِترَ...
