ආශු

14

"ආහ් උඹ ආව එක හොඳයි....තව ටිකක් බලල මම හොයන්න යන්න හිටියෙ...."

අශේල් මගෙත් එක්ක කතා කරල ගෙදරටම ගෙනැත් ඇරලල යන්න ගියා....මම එනකොට අයියා ඉන්නවා දොරටුපාලයා වගේ....

"එච්චර පරක්කුද...."

"අපෝ නෑ පොඩ්ඩක්වත් පරක්කු නෑ...පොඩි මනමාලයා ගෙට වැඩියානම්...."

"අනේ පලයන් අයියෙ කිණ්ඩි නොදා...."

මම සාලෙට යද්දිම ටීවි බල බල ඉඳපු සයුරි ගස්සගෙන යන්න ගියා....මට ඇත්තටම මහ ලොකු අපහසුවක් දැනුනා....මෙච්චර කල් ජීවත් උන ගෙදර මේක උනත් දැන් හරියට දැනෙන්නෙ පිට තැනකට ආවා වගේ....අශේල් එක්ක කතා කරල යන්තම් හරිගස්සගෙන ආව හිත ආයෙම විනාශ වෙනවා මේ ගොල්ලන්ගෙ හැසිරීමෙන්....දෙයියනේ මේවා මම හිතල කරේ නෑ....වෙච්ච දේවල් වලට මම මොනවා කරන්නද....අයියා මගෙ මූණ වෙනස් උන හැටි දකින්න ඇති....

"ඒකිගෙ පිප්පිලි ගනන් ගන්න එපා බන්....ගෑණුනෙ....ඔය පෑලියාව තියෙන්නෙ අරූව හම්බුනේ නැති එකට....උඹ ගනන් නොගෙන හිටහන්...."

"හ්ම්....නැන්දා කෝ...."

"අම්මා කුස්සියේ....උඹ මොනවත් වැඩිය හිතන්නැතුව හිටහන්....කවුරු නැතත් මං ඉන්නවනෙ.....දැන් ගිහින් වොශ් දාන් වරෙන්...ශවර් එක යට පැලවෙනව එහෙම නෙවේ ඊයෙ වගේ....අහුවෙයන්කො ආයෙ පිස්සු කෙලලා මං පට්ට ගහන්නෙ තෝව කොනක ඉදන්....."

"හරි හරි බන්..."

"ආ මේ අම්මා පෑන් කේක් හදනවා හවස තේ වලට....ඉක්මනට වරෙන් කන්න...."

වෙනදට නම් ඔහොම මොනවහරි හදනවා කීවම මට ඊට වඩා දෙයක් නෑ....ඒත් අද මට විශේශ සතුටක් දැනුනෙ නෑ....හැමෝගැනම මට තියෙන්නෙ කලකිරීමක්....අශේල් එක්ක මට කිසිම ප්‍රශ්නයක් නෑ තරහකුත් නෑ ....ගෙදර අය මට සලකපු විදිහයි මට දුක....අයියා නොහිටින්න ඊයෙ මගේ ගැන නිකමට බලන්න කවුරුත් නෑ නේද කියල හිතද්දි මට මහ වේදනයි....

එහෙමම කාමරේට ආව මං ඇඳ උඩට කඩා වැටුනා....අශේල් එක්ක මම සෑහෙන වෙලාවක් කතා කරා....අශේල් ඇත්තටම නිදහසේ ඉන්න කොල්ලෙක්....මගෙත් එක්ක කතා කරෙත් හරි නිදහසේ....අශේල් මට විහිලු කරා නෑනගෙන් ඈත් වෙන්න කියල කෑගහපු හැටි කියල....එදා පයින් ගහල වතුර විසිරුවපු වෙලේ මං හින්දම ඉවසුවා කීවා....වෙන එකෙක් උනානම් කකුල කඩලලු පස්ස බලන්නෙ....