الفصل السادس عشر إعادة تأهيل معقدة
- أنا مش متفائله يا علاء اللي عملته بنت الشوارع في بنت الوزير دا مش هيعدي على خير دي إهانة محدش يسكت عليها ابدا
بصلها و هو كاتم غيظة و بيقول :-
انتي السبب يا وهيبة
نظرت إليه بصدمة قائلة:-
أنا السبب ؟ عملت اية يعني أنا ؟
علاء بصلها بعدم تصديق و قال:-
والله يعني مش عارفه عملتي ايه ؟ يعني مش رحتي خطبتي ليه من غير ما تقوليله ؟ روحتي كلمتيهم من غير ما تعرفي حتى إن كان فيه في حياته حد ولا ؟ إنتي اللي غلطانه و بتتصرفي من دماغك ، فـ إنتي سبب المشكلة من الأول و إنتي اللي تحليها دلوقتي فـ اقعدي مع نفسك كدا و شوفي هتحليها إزاي
وهيبه فتحت عيونها أوي و قالت:-
يعني أنا غلطانة عشان عاوزة ليك انت و إبنك الأحسن ؟ عوزاه يتجوز بنت وزير يرفع من شانه و يعليه كمان و كمان بدل بنت الشوارع اللي جايبها دي ؟ لا و كمان بيتجوز من غير ما يقول لحد
علاء بتريث :-
لمي لسانك و اعرفي إن اللي بتشتميها دي خلاص بقت مرات ابنك يعني مفيش في ايدك غير إنك تحترميها ، و بلاش كل شوية بنت شوارع بنت شوارع و خصوصاً قدام ماما لأن نتيجة كلامك أنا مش هكون مسؤول عنها و خصوصاً إنك عارفه كدا كويس
وهيبة بعصبية:-
يعني اية أفهم من كلامكإنت هتسيب مامتك تهزق فيا و تقل مني و هتقف تتفرج ؟
- أنا مقولتش كدا بس عمايلك هي اللي بتوصل الأمور لكدا ، أنا مش هقف في وش أمي مهما تعمل و إنتي عارفه كدا لأنها في الأول و الآخر أمي
- زي ما هي أمك و بتديها احترمها و قميتها قدام الكل أنا كمان مراتك و لازم تحفظلي كرامتي قدام العالم كله
- و برضوا دي مرات ابنك و كرامتها من كرامتك إنتي دلوقتي يعني كل ما تقلي منها تبقي بتقلي من نفسك يا وهيبة ، خليني افكرك بحاجة إنتي نسياها و بلاش تعتبريها معايرة و الكلام الفاضي دا
إنتي قبل ما اتجوزك مكنتيش تملي حاجة وأنا و إنتي و الناس كلها عارفه دا ، لكن دلوقتي بتلبسي من أشهر الماركات ، فساتين بتتعمل باسمك ، بتاكلي في أشهر و اغلي المطاعم ، عندك حساب في البنك يعيشك ملكه بقيته حياتك ، فـ لية تيجي على حد إنتي عشتي نفس ظروفه مش بيقولك محدش بيحس بحد غير لو كان زيه تقريباً إنتي كنتي زي البنات دي و اقل كمان لـ متحاوليش تتغيري معاهم ليه متقربيش منهم و تحبيهم و يحبوكي لية ؟
ردت بقسوة و قالت:-
لا مش هحس بحد و لا عمري هحط نفسي مكانهم عارف لية ؟ عشان أنا دوقت المرار على ما وصلت لكدا ؟ عشان اتزليت كتير و انداس عليا أكتر ، مكنتش بلاقي الأكل و بقعد بالاسبوع أشرب ماية و أملي بطني عشان مجوعش ، كنت بشوف الناس بتدخل مطاعم و تاكل و أنا بره بربط بطني عشان جعانه و مش لاقية حتي تمن الأكل ، اشتغلت مساحة عربيات و اتعرضت لكتير اوي إنت متعرفش حاجه ولا شوفت حاجة ، عنيت أوي لحد ما قابلتك ، وقتها اتغيرت حياتي حلفت يومها إني ما هرجع للفقر و القرف دا تاني و إني لو قابلت حد من العينه دي هدوس عليه باوسخ جذمة عندي و مش هرحم حد
بصت ليه و كملت كلام و قالت:-
إبنك دا لازم يتجوز بنت الوزير ، برضاه أو غصب عنه هيتجوزها أنا مش مستعدة اخسر صفقة مهمة زي دي عشان خاطر كلام فارغ و يا أنا يا هما في البيت دا
هز راسه بخيبة أمل على كلامها و سابعا و خرج من الاوضة
.........
بقي أنا تمارة يتقالي كدا ؟ أنا واحدة فتوشوب تتكلم عليا و تهين فيها كدا ؟ لا أنا مش لازم اسكت عن الكلام دا ، حاسة إني لسة ماخدتش حقي تالت و متلت ، يا رب تيجي تاني يا رب اشوفها عشان اقطعها بجد و حقيقي المرة دي يا رب عاوزة أكلها بسناني كدهون
اوووف بقي هعمل اية دلوقتي أنا و اطلع غيظي في اية
- و إنتي لسة مطلعتهوش ؟
بصت اللي بيتكلم و التاني كمل كلامه و قال:-
أومال لو مكنتيش طلعتي عين البنت كنتي عملتي اية ، دا أنا حايشك عنها بالعافية
تمارة رفعت حاجب و بصت ليه و قالت:-
و انت مالك متأثر كدا باللي حصل اية صعبانه عليك الفوتوشوب يخويا
- بصلها بمحن و قال:-
صعبانه عليا أوي و بعدين اية اخوكي دي ؟ بقي أنا عامل الهيلمان اللي تحت دا و صارف و مكلف عشان تقوليلي أخويا ؟
تمارة برقت أوي و قالت:-
نعم ؟ صعبانة عليك طب قرب روحلها يا كينج و اختفي من قدامي دلوقتي عشان أنا على أخري منك و من الحرباية دي
نوح قرب منها و لسة هيتكلم صرخ و قال :-
يخربيت ابوكي اي دا ؟
لينك قناه الوتساب اللي هينزل عليها روايات كاملة ليا أو لغيري نظرا لأن الفيس مش بيوصل للكل و كمان لتسهيل عليكم أنا هنزل برضوا على واتباد يا بنات لكن هناك هيبقي في فقرات و التواصل هيبقي اكتر لاني بفتح واتس علطول 🤭
بتوع الوتباد اللينك على صفحتي
بتوع الفيسبوك أول كومنت
يتبع
معلش يا سكاكر تعبانة شوية هعوضهولكم باذن الله
هستني رايكم و رفيوهاتكم في الجروب يا سكاكر و شجعوني كوهون عشان ترجع بقوة من تاني
