الفصل العشرون والآخر
تمارة بصتله بصدمة و نوح قرب منها باسها بحب
تمارة عينيها وسعت و قالت بصدمة:-
إنت عملت اية ؟ انت مجنون رسمي جاي لحد بيتي عشان تبوسني ؟ اية يا أخي البجاحة دي ، قلة أدب و سفا.لة
نوح بص في عنيا و قال:-
فعلاً أنا قليل الأدب و بجح بس تعرفي أنا مش بقل أدبي غير معاكي ، مش بقدر أشوف غيرك ، كتير حاولوا يغروني لكن أنا متهزش مني شعرة لحد ما جيتي انتي من أول دقيقة و قلبي كياني يا تمارتي
تمارة بصتله بحدة و قالت:-
ياء الملكية دي تشيلها نهائي ، قولت ميت مره أنا ملكة نفسي يعني لا ليك ولا لغيرك
نوح بصلها و قال بهدوء مصطنع:-
بصي يا حبيبتي و اه هقول حبيبتي و تمارتي براحتي تمام ، أنا أقول اللي عاوزة عشان فعلا إنتي هتبقي ملكي
تمارة قاطعت كلامه و هي بتقول باستهزاء:-
بتحلم يا بشا ، بتحلم تيمو عمرها ما تبقي ملك حد إلا لما أنا اللي أقرر
نوح ضحك بجنب من شفا.يفة و قال:-
صح كلامك يا تيمو بقولك بصي كدا اي دا
تمارة بصت قدامها بتركيز عاوزة تشوف هو بيشاور على اية بالضبط و نوح استغل الوضع و قرب منها باسها بسرعة
تمارة فتحت عنيها أوي و بتزق فيه عشان يبعد عنها لكن نوح مش راضي يبعد لحد ما حس انها مش قادره تتنفس بعد عنها
تمارة لسه هنتكلم لكنها اتكعبلت و وقعت و هي بتصوت و بتقول:-
ااااه
فتحت عنيها لقت نفسها في الأوضة و واقع على الأرض
تمارة بصت بزهول للاوضة و قالت:-
لا مش معقول دا كله حلم ؟ يعني مباسنيش ؟ ولا حتي كان هنا الصبح ؟
أنا مبقتش فاهمة حاجة خالص و البعدين القعده مع الزفت دا علمتني قلة الا.دب
قامت و هي ماسكة ظهرها و بتقول:-
ما نبني منك غير تسكير العظم يا نوح يا توبي
خرجت و مقررة أنها ترمي كل حاجه ورا ظهرها و تركز في مستقبلها هي و أخواتها و بس همست و قالت:-
توحي كانت قالتلي زعل الإنسان لو طول بيبقي آخره يومين عشان لو طول أكتر من أنا اللي هتاثر و هتعب
دخلت أوضة جودي و هي بتقول:-
يلا يا جودي يلا المدرسة زمان الجلـ ـنخ اللي إسمه نوح التوبي نقلنا المدارس اللي هنا يلا مفيش وقت
سابتها لما صحيت و دخلت أوضة لينا و هي بتقول :-
لينو القمر يلا يا حبيبي قومي عشان المدرسة انتي تالتة إعدادي مش فقبل غير مجموع يدخلك ثانوي يلا قومي
لينا قامت بكسل و هي بتقول:-
اي يا تيمو الدوشة اللي على الصبح دي لازم أروح المدرسة النهارده يعني ؟ خلينا لبكرة
تمارة بصت ليها بحدة و قالت:-
يلا يا لينا عشان أنا أصلا على أخري قومي يلا على المدرسة مش عاوزين كسل
تمارة سابتها و خرجت و لينا قامت بكسل و قالت بتذمر :-
مش عاوزة اتنيل أروح المدرسة أنا هو اي القر.ف دا بقي
جودي كانت بتغسل وشها بصت في المرايا و قالت:-
مدرسة جديدة و متنمرين جداد أكيد مش كلهم غلطانين أكيد العيب فيا أنا ، مهو مش معقول كلهم شايفين نفس الحاجات الو.حشة دي فيا و أنا بس اللي مش شايفاها
إبتسمت بسخرية و قالت:-
جهزي نفسك يا أروي لتنمر جديد و ناس جديدة هطلع كل الوحش فيكي و للأسف هما معاهم حق
صوت جوها كمل و قال:-
و الأكبر من كدا إني فقد الثقة في نفسي و دي حاجة مش بإيدي ولا هعرف أرجعها تاني
تمارة كانت جهزت الفطار و اخواتها لبسوا سابتهم يفطروا و دخلت تلبس هي كمان و هي عندها إصرار إنها تكمل لكنها همست لنفسها:-
لو الدنيا وقفت قدامي أوي هقعد أنا و اخليهم هما يكملوا تعليم أنا مش مهم لازم أمانة نوحة توصل علي خير
