وانـا لگيت الامان بديرة چفوفك
ومن بعد عينك ضعــت .
. . . . . . . . . . . . . . . . . . . . . . . . . . . . . .. . . . . . .
فلاش باك لـ حياة نيران .
أمان : حبيبي باباتي يلا يلا اصحي وراح مدرسه
نيران : اووف بابا ما احبها ما احبها عوفني انام
أمان : لا حبيبي ازعل عليج ميصير هذا مستقبلج شلون راح تكملين حياتج إذا معندج شهادة شنو وجودج شنو سلاحج بـ هذا الدنيا شنو سندج من بعد الله وبعدي هيا شهادتج تدرسين وتتعبين كم سنه وتضمنين مستقبلج وتسوين الج اسم لو تريدين حياة فاشلة بدون هدف حياة عدم شنو شغلج بيها .
شفتها اندمجت بكلامي واستعادت نشاطها يلا حبيبي غسلي وبدلي حتى تترگين وتروحين لدروسج باباتي .
نيران : اكيد بابا حبيبي رايحة طيارة واجي اممم بس شنو سويت لي اكل
أمان : هههههه ام بطن سويت الج بيض وطماطه واشتريت زيتون وگيمر وعسل يا عسل شنو رائدة بعد .
نيران : بوست بابا هواي هواي احبك مدللني انت
أمان : شعندي غيرج أبوية
راحت بدلت وغسلت نيران واجتي وكلتها ومشطت الها وكالعادة شُعله نائمه اكمل نيران واوكلها واطلع لشغلي وبطريقي اوصلها للمدرسة ادعي من ربي بس يصلحها ويخليها تلتفت لعائلتها وبنتها الي صارت حتى متهتم لوجودها
طلعت وصلت نيران للمدرسه ورحت لشغلي متعب بس شنو اسوي لازم اعيش بنتي افضل عيشه .
بديت بشغلي بالفرن وكالعادة سرح بالي لبعيد
أمان : وقار يلا نرجع والدي اتصل يريدنا
وقار : شكو شبي صحته زينه
أمان : لا لا تقلق اتصل ع الأرضي مال مكتب واني رديت يريدنا نرجع قال محتاجكم بشغله انت اصرف الموضفين يلا حتى نطلع بس اخلص الملفات الي بأيدي
وقار : صرفت الموضفين وطلعنا اني وامان للبيت
دخلنا للبيت كان والدي مبين تعبان طفرنا ثنينا علية ها والدي سلامتك من شنو تشكي گول
صادق : " الوالد " لا حبيبي ما اشكي من شي بس حاب أوصيكم وتنفذون وصيتي
أمان : وقار : اسم الله والدي
صادق : ابني اريدك تزوج بنت عمك ايمان اعرف بيك هاويها
وقار : صار والدي الي تأمر بيه شلونج حجية
باوعت لامي دنگت لو تموت متضم كلمه على والدي
رحمة الحجية : حبيبي امي يوم المنى الازفك بيدي
الكل ضحك على فرحتها وكلامها
صادق : ضحكت خير ان شاء الله
واكون شي ثاني
اذا صار عليه اي شي الشركة تنباع والورث بالنص الكم انتم الاثنين بيت العائلة والبستان لأمكم الحجية وتسكنون وياها سياراتكم الكم هم ثنين وهذا هو كُلشي عندي
