لـو مو أهل لو دنيا بأكملها اجت ووگفت بوجهي وعاندت وتسحب الروح من الجسد ما اترك الاهواها.
بـ قلمي وتيــن 🫀
.. . . . . . . . . . . . . . . . . . . . .. . . . . . . . . . . . . . .
سَـُلطان : حاكم
ابنك وووين
حاكم : ها سلام سلام اكيد اكيد راح يدور ويا الولد هسه هسه اخابرة دقيقه اخي اعصابك .
حاكم سلام ماكوو ماكوو اتصل ميرد لازمني قلبي اكيد هوة ورى سالفه جميلة
سلطان : حاكم ابنك وووين لا تجنني وين وين خطف بنتي وين
ضربته بوكس جلسه للگاع
حاكم : انجنيت مضل برأسك عقل تمد ايدك عليه لك ليش هيج نذل رجعتله الضربه
صعب : اراقبهم من بعيد واحد ينهش بـ لحم الثاني
بعد فترة مراقبه رحت افرقهم
اخوان شنو الموضوع اهدو ليش دا تضربه ابو امير شنو الموضوع
سلطان : ابنه الكلب خطف بنتي عرفت عرفت مخلي عينه عليها من البدايه يطفر ويدافع
حاكم : إذا ابني غلطان فـ بنتك كذلك فهمت لو لا
صعب : راد يتهجم عليه مرا ثانيه
يكفي شنو انجنيتو بدال الضرب هذا والعراك يا شيوخ امشو ندور ونشوف بلكي نتوصل لطريقه ونلگاهم .
نيران : الفرحه مسايعتني لو ما اعرف كانو حطو سلاح براسي والله لدگيت ورگصت للصبح .
احلام : بنتي يا إلهي راحت من ايدي جميلة راحت
نيران : رحت أهديها
احلام بنتج خلصت من الكانت فيه راح تبدي حياة جديدة ويا شخص يسعدها افرحيلها .
لاكن كلامها كانو شخص ضرب راسي بحجر ورغم الأذيه وعاني
احلام : ع شنو افرح ع شنو انتي كُل عقلج ميلكوهم لج راح يقتلوهم ثنينهم ثنينهم راح يرحون من أيدينا كنت خايفه على فراقها وبعدها وهسه خايفه يخلوني احطها جوا تراب لو حتى دفن ميدفنوها .
نيران : احس بحرارة دموع العين على خدي لا لا أنتِ ام ام ادعي ادعي ميلكوهم رب العالمين يستجاب دُعائج امشي امشي نطلع ندعي برا وأسحب بيدها.
موافقت تتطلع واستمرت بالبكا والنوح
نيران : ضلمت الدنيا ولحد الان ولا شخص اجه أو اجه منه خبر طلعت للحديقه الخلفيه بعد ما نامت لهيب بصعوبه بعد الي صار واستمرت تسأل على اختها و ممكن ترجع أو لا .
كنت جالسه مفترشه الأرض وأبكي بحرقة قلب
اتمنى ربي تطلع جميلة من هالمكان وتخلص امتلئت السما غيم ونزل بكل قوته المطر مسح على قلبي براحه واشتد ونزل البرق وارعب قلبي بخوف .
واذا بصوت من خلفي
يا تـرى موقف اليوم معاد ذكراج إلى قبل سبع سنوات
صعب : هم راحو فازو بحبهم ههه العفو العفو اشتبهت بالمواقف هما الاثنين حبو بعض مكان مصلحه أو من طرف واحد وهيا راحت ويا مغدرته واتزوجت اخو
