كم عزفَ الأنين على أنيني و كم رقصت على كفيّ الجراح..
. . . . . . . . . . . . . . . . . . . . . .. . . . . . . . . .. . . . .
صعب : نيران نيران يلا انزلي وصلنا
نيران : ها ها اي هسة نازلة اسفة بس جنت دا افكر
_ بشنو تفكرين ؟
_ صعب انت متأكد سُلطان مراح يوصل النا ؟
_ اطمئني من هذة الناحية اني گلت له انو عندي شُغل وراجع للخارج وهذا الكلام صار اسبوع و واتصلت وگلته اله انو باشرت شُغل مستحيل يخلي بباله لا تقلقين
_ أن شاء الله يكون هيج .
_ ثقِ مراح اغدرج بيوم رغم كُلشي صار بالنهاية راح نبقى اني وياج مراح اتركج للموت دا تسمعين
نيران انتِ الي حرگتي روحي و وگلت الله
ناري انتِ
_ يلا ننزل ؟
_ يلا
نيران : دخلت للبيت جان صغير بس نضيف ومرتب التعب كان ماخذ حيلي راح صعب للسوق وجاب أكل
صعب : نيران ليش متاكلين معجبج الاكل
نيران : لا لا كُلش طيب بس مالي خلگ شوية تعبانه
صعب : خلصي اكل وروحي نامي
نيران : هوة هيج
خلصت اكل ورحت غسلت لـ لهيب واني دخلت الحمام غسلت كُل جسمي مرة ومرتين و تلاثه حسيت الدم صار بيدي مدا اگدر اتخطى هذاك المكان الخنگة الرطوبة الوسخ الحشرات السلاسل
الاصوات الهمسات كُلشي خلاني بحالة نفسية تعبتني
طلعت من بعد ساعه .
صعب : انتي بخير محتاجه شي
نيران : لا شُكراً انت اصلا مقصرت وياية أبداً
تقرب علية مستحيل بيوم اقصر وياج يا ناري
دفعت ممكن اروح انام تعبانة شوية
قاصعب : بعدت من طريقها روحي أخذي راحتج .
سُلطان : دخلت للبيت واستقبلتني احلام ترتسم على وجهها ملامح القلق والتوتر
_ خير شنو صاير واليوم وجهج كأنو بومة
_ لهيب تأخرت من المدرسه ومو عوايداها
_ ليش شكو اوكفي هذا ابو الخط يتصل
الووو نعم
_ عمي اني صار ساعة واكف متنظر الطفلة تطلع ماكو هسة دخلت سئلت المديرة والحرس عنها ودورنا بكل المدرسه ماكوو اختفت ولا طالب باقي كُلها طلعت
_ شنوووو شدا تحجي انت وين راحت لك هيا طفلة تخاف شنو ماكوو اليوم احرگ المدرسة على رأسهم
رحت دورت ماكو اختفت مبقيت لا مراكز لا مستشفيات انهلكت الطفلة فص ملح وذاب احس الدنيا توقفت بية
يا الهي وين وين
رجعت للبيت ساندني امير
أمير : والدي لا تقلق مراح يهدء لي بال الا نعرف وين راحت أو بالأحرى منو اخذها .
الحجية : ولكم البنت وين راحت شلون ترجعون هيج بدونها ضيعت امها مدري وين ما وين والله يعلم عايشة لو ميتة وهسة دور البنت شكووت يصير برأسك خير شوكت ادير عائلة بس فهمني
