رجعت اليازية من سفرتها حق الدراسة
بالمطار ...
اليازيه: ميره احس نفسي متوتره
ميره : ليج يعني
اليازيه : شو بيقولو بيت اهل ابوي احنا رايحين بذا البس وبينقدو علينا
ميره : ياخي انا سمعت شي عنج بس اخاف تزعلين
اليازيه : ميره خلصيي قولي
ميره: روحي البيت بتعرفين يلا كملي
اليازيه كانت متوتره وايد وحاسه بشي متضايقه
ميره : بل جي انتي مب عارفه لو عرفتي كيف
اليازيه : انا احس يبوني حق هزاع الجلب
ميره تغير ويها : كيف عرفتي منو قالج
اليازيه : سمعت مرا قبل وقت يينا بالاجازه عموتي تقول حق اميه يزوي حق هزاع
ميره : انزين رفضي وخلاص
اليازيه : تعرفين ابوي كيف يعز عميي وايد والي يبيه لازم يصير
ميره : بطلب كوفي يلا
اليازيه : احسن يلا بسرعه يتريانا السايق
ميره : زين زين
راحت ميره الكوفي
ميره : i want 2 spanish latte
العامل : ok
استلمت ميره وراحت حق اختها
ميره : خذي يزوي ويلا نروح
اليازيه : مشكوره ميروه
ميره : ما بينا جب ويلا نروح
راحو وركبو عند سايق
اليازيه : شحالك محمد
محمد : الحمدلله ماما انتي كيف حالك
اليازيه : بخير
وصلو عند بيتهم
ودخلت اليازيه
اليده قامت وحضنت اليازيه وفرحانه وتهلي بها
اليده : شحالج بنيتيي ؟ يالله كيف ضعفانه الغربه تسوي جي
اليازيه : بخيير يدوتيي ، اخخ وايييد بعد تسوي
راحت سلمت على الكل يت صوب ابوها
اليازيه دموعها بعيونها : ابويي شحالك اشتقت لك
ابو خليفه : بخيرر ، لا تصيحين مب زين
خليفه : افا يزوي تصيح
اليازيه حضنت اخوانها
ميره : انا بنت البطه السوده ترا حتى انا وياها
ام خليفه راحت لبنتها وحضنتها
اليازيه : بس انا غير عنج ويوو
ميره : جب جب
اليازيه : البنات وين ؟
اليده : شوفيهم بالغرفه فوق
راحت طلعت لهم دخلت
اليازيه : خمنوو منوو يايييي
عواش راحت حضنتها
روضه : متىى ييتو
ميره : اليوم
روضه : اخيرا خلصتو
ميره : هيييه
يت اليازيه : روضه شحالج ويا ذاك
روضة: هالاسبوع ملجتنا
اليازيه ضربت راسها : يا جلبه اخر وحده اعرف
روضه : اييي ياخي يزويي ما كان بينا تواصل ما قلت لجو
ميره : جب جب كيف احنا اخر من يعلم
دخلت ام حمد
ام حمد : يلا بنات نزلو يبونكم
اليازيه توترت وكان باين عليها ميره لاحظت
ميره بهمس : يزويي لا تتوترين مافي شي
اليازيه انفجرت وصاحت : ليج انزين انا ما ابيه ما ابيه
عواش : بسم الله يزويي شفيج
ميره قالت لهم
روضه : انتي على طول خمنتي جيه احين بيفتحو الموضوع
اليازيه: اكيدد دام ابوي متحمس حق جيتي وعمي بعد
روضه : نزلو يلا بيعصبو
راحو نزلو البنات
اليده : اليازيه تعالي قعدي وياي
راحت اليازيه
بو هزاع : دام كلنا تجمعنا انا وبو خليفه قررنا نزوج هزاع حق اليازيه
اليده : ذي الساعه المباركه ... ويببت
شو تتوقعو رده فعل اليازيه ؟
هل بتقبل ؟
