شما : يزويي
اليازيه : شو تبين
شما : قومي ما يهون علي ازعلك وتصيحي وترقدي
اليازيه : خليني ارقد بعدين
شما لعوزت فيها وقامت
اليازيه : شوو
شما : احبجج يزويي والله اسفه من خوفي عليج بسس والله ما قصدي
اليازيه حضنتها : عادييي شما يلا ما صار شي
شما : شو تطورات ابا اعرف سالفه
اليازيه : اخييه تراضيني عشان سالفه
بالبلاد...
ام خليفه حست بتعب وقامت نزلت تشري ماي وتعبت اكثر قعدت تصارخ وطاحت
عند ميره سمعت صوت امها تصارخ وركضت وشافتها طاحت
ميره بصراخ والدموع ماليه عيونها : امييي بلاج
ام خليفه : مدريي قومي شوفي ابوج اي حد
شوي ويغمي عليها
ميره قامت ركضت حق غرفه اخوها وتدق باب
خليفه سمع دق الباب ركض فتح
خليفه : بلاجج
ميره ودموع بعينها : خلي.فه ام..ي
خليفه : شووو قوليي حق ابويه
وقام ركض وشال امه ويا ابوه يركض ركبو ام خليفه السياره
خليفه : ميره قعدي هنيه
ميره : لااااا
ميره دخلت سياره غصب راحو المستشفى
خذوها طوارئ على طول دخلوها عنايه
عند اليازيه تسولف ويا شما بعدها ويها تغير
شما : بلاج يزوي
اليازيه: احس في شي صاير
شما : يعني شو
اليازيه : اهلي فيه شي صايرر امي بها شي والله حسيت بشعور خايسس
شما : استهدي بالله احين اهلج راقدين شو بهم
اليازيه : لا شمااا
شما : يزوي رقدي
اليازيه : لا...
يت تكمل لقت ميره تدق عليها
اليازيه شلت فونها وردت على طول
اليازيه : ميرهه شو صاير
ميره : اميي تعبانه يزويي
اليازيه : شووو
وقعدت تصيح
ميره : يزوي حاولي تيين
اليازيه بصياح : مقدرر شو الحين باجر صبح بحجز الحينه انا وشما
ميره : زين
اليازيه : شو قال دكتور
ميره : ما طلع بعدهم دخلو امي عنايه
اليازيه : يارب اجعله خير
عند اهل خليفه
طلع الدكتور
خليفه راح له : دكتورر طمني
دكتور : الحمدلله ما صار لها شي انتو تعرفون انه عندها قلب والضغط صح؟
خليفه : هي دكتور
دكتور : زين هي شكلها ما تاخذ الادويه بنخليها اسبوع ويانا لان ضغطها مرتفع وايد ما نقدر نظهرها وبعد القلب وياها دقات مب منتظمة بس الحرمه تنادي ب اسم اليازيه
خليفه : مشكور دكتور ما قصرت واليازيه بنتها مسافره شكلها ولهانه عليها
دكتور : الف سلامه عليها
خليفه: الله يسلمك نقدر نشوفها
دكتور : الحين لا عطيناها منوم ومهدي عشان ترقد زين ترتاح باجر تعالو
خليفه : مشكورر زين
راح الدكتور
خليفه : ميره قولي حق اليازيه بس لا تقولي لها امي تعبانه عشان ما تخاف
ميره : خليفه انا قلت لها تعبانه
خليفه : يالله غبيييه انتي
بو خليفه : الحين يزوي بتتعب وبتخليها تخاف
ميره : بتيي انزين هي
فونها دق وشافت طلعت اليازيه وردت
اليازيه : ميره ساعه ست بوصل بلاد بعد شوي بروح المطار اباج توقفي لي
ميره : زين
...
بو خليفه : شو قالت
ميره : خليفه روح حق يزوي الساعه ست بتوصل انا تعبانه
خليفه : زين
بو خليفه : الله يهديك الحين بتعبينها وبتخاف امج بتصير زينه
ميره : بويه انزين عادي هاي امها لازم تيي
بو خليفه : طوفي عدالي نروح
