عبيد : شفيك سرحان نهيان
نهيان : معوره قلبي البنت والله شوف ملامحها بريئه كيف احس مالها ذنب بشي
عبيد : تحبها
نهيان : ذي كانت بكلاسنا
عبيد : احلف
نهيان : والله
عبيد : خيبه ذي الي اختها ميروه
نهيان : هيه
عبيد : اخ قلبي شو ذي صدفه
نهيان : بس جبب
راح نهيان البيت ونزل وقعد عند امه
ام نهيان : شفيك نهيان
نهيان : امييه بقولج شي
ام نهيان : قول
وقال لها
ام نهيان : الله يصدفه ، جزاك الله الف خير انت وعبيد ما تركتو البنت بحالها وخذيتوها المستشفى
نهيان : امي ابا اخطبها
ام نهيان : ترا توك
نهيان : عندنا فلوس الحمدلله
ام نهيان : عطني اسمها كامل
نهيان : اضن اليازيه عبدالله سيف *****
ام نهيان : هاييل اعرفهم يقربو لنا من بعيد
نهيان : شو ها الصدفه ياخي
ام نهيان : قوم ارقد
نهيان راح رقد
وشما قاعده ويا اليازيه ومسكت يدها وحست بحد يرص على يدها
شما : يزويي
اليازيه بتعب : ابا ماي
شما قامت وعطتها
اليازيه : شفيني انا ليج هني
شما قالت لها كل شي
اليازيه : ويت قولي اساميهم
شما : عبيد ونهيان
اليازيه : اها هاييل كانو وياي بالكلاس شفتهم بالكوفي
شما : والله ؟
اليازيه : هيه بس هو واضح ما عرفني
شما : الا عرفج وكان خايف واضح
اليازيه : انزين ميره وين وخليفه
شما : يو لج بس راحو وميره واضح عليها تعبانه
اليازيه : قومي شما البيت واضح عليج تعبانه
شما : لا افا عليج ودقيت على امي برقد وياج خلاص
اليازيه حضنتها وتصيح : احبج الله لا يحرمني منج
شما : ليييج صياح بس خلاص رقدي
اليازيه : برقد انزين تعبانه
شما : ما تبين اكل
اليازيه : بقوم الفجر باكل
عند نهيان : احس بروح لها او اقول لا لا مب زين ياخي خلا اروح وبشيل باقه ورقد بعز تفكيره
على ساعه ٦:٣٠ قام تروش ولبس كندورته وطلع تريق وراح شال باقه ورد وكتب بالكارت
الحمدلله على سلامه يزوي الله يشفيج ويعافيج وبالاخير خط حرف N وراح للمستشفى وشاف الممرضة
نهيان : لو سمحتي
الممرضة: نعم اخوي
نهيان : ودي هاي باقه حق غرفه اليازيه عبدالله سيف بس لا تقولين من ممنو
الممرضة: تم ييبه
نهيان : مشكوره اختي
الممرضة: العفو
راحت الممرضة دقت الباب
شما : تفضلي
الممرضة دخلت وبيدها باقه وحطتها
اليازيه ب استغراب: عنود من منو ذيه
عنود (الممرضة) ضحكت : مقدر اقول افا يا يزوي تحبين من ورانا
اليازيه : شو حب وخرابيط من منوه
عنود : مقدر اقول
شما : عنودددد قولي خلصينا
عنود : شوفي لحالج
طلعت
اليازيه : من ياخي ييبي الكرت فيه
شما خذت الكرت وقرت المكتوب وعرفت منوه
اليازيه : شمااا عطيني
شما عطته حق يزوي وطلعت للعنود
عنود : ما بقول لا تحاولين
شما : من نهيان صح
عنود : هي الي كان وياكم امس
شما : هيه هو عاد يلا باي
راحت حق يزوي
اليازيه: شو فيج طلعتي بدون كلام لايكون انتي نفس العنود
شما : قريتي ؟
اليازيه: هيه احس من نهيان
شما : انزين هو رحت حق عنود وقالت لي
اليازيه : ويييه
شما : يمكن يحبج من قبل
اليازيه: شما اصلا انا احبه
شما : ويههه
اليازيه : والله يعني عاد كان يساعدني بالكلاس هناك ما مقصر وياي بشي
شما تغمي : حب جنه انا عشت فيه
اليازيه ضربت راسها : جبب
شما : بس سكتي بيي حد من اهلج
سمعت حد دق الباب
شما عدلت شيلتها
خليفه : شحالج يزوي
اليازيه: بخير الحمدلله ميره وين ؟
خليفه : ما يت تعبانه
اليازيه : زيين خلوف ابا اطلع
خليفه : حبيبي يزوي انتي تعبانه صبري شوي
اليازيه : انزين شو صار على الموضوع
خليفه : عمي كنسل
اليازيه: احسن
خليفه : يزويي والله هزاع ريال واحسن منه ما شفنا محترم وزين وهادي يعني في مرا ضايقج بشي
اليازيه : اصلا بشو ضايقني انا اعتبره مثل اخوي وحتى هو يعتبرني مثل اخته حنا عايبنا علاقتنا جيه
خليفه: زين يزوي بروح انا انتي ارتاحي
اليازيه: زين
خليفه : هاي باقه من منوه
اليازيه توترت: من العنود
خليفه : هيههه اوكي وينها هي ما لها بيان
شما غارت وكان واضح عليها
اليازيه شافتها ونقعت ضحك
خليفه : شفيج
اليازيه : انتو احينه ليج تكابرون تحسبوني يعني ما اعرف انكم تحبون بعض
خليفه : منو
