أقطاب متنافرة (كاملة بالدارجة المغربية)

البارت1

البارت1:
🔥 أقطاب متنافرة ❄️

     زومبي في حينا🧟‍♂️

وااقفااا فراس درب بجلابية منمرة وصندالة دلميكة دصبع فلكحل ...جامعا شعرها سفنجة...معكرا شفايفا بحمر باين...وموردا خدودهاا تاهمااا..
ضارباا ايلاينررر طويل على عينيهاااااا...ومطراسياا حجبانهاا.ومنساتش لخالة جنب نيفها...

كتشوووف ناس داخلين وخارجين لدارووو...صوت لموسيقى وزغاريد مسموعين.....لغصة فحلقها  ونار شاعلة فقلبهااا  اخر حاجة تصوراتها ان لولد لي بغاتووو سنين هادي يتزوج بصحبتهاااا..

تنهدات تنهيدة طويلة ...

جمعات كمامها وتوجهات لدااار لعرسسس...

تمات داخلااا..كتسول على لعريس فييينوووو...ولي يشوفها يشدها جريا ...ويوصل خبارها...نوارة راه هجمات على دار حمادة...

طلعات لطابق تاني....تما فين مجموعين...لعريس وعروستو بارزين..فلقت ولحباب كالسين يشطحوو ويغنيو.....

كيف وقفات عليهم كولشي حبسسس....

زادت طافيا ديك لموسيقىى ..

شاف فيها حمادة مكحل بلعمى..

طلعها وهبطهاا بعينيه ..

دارت يدها جنب: مااالك تتشوف أااا؟؟ كييف جيتككككك؟؟؟؟ زوينة ياك كنشبه لمرتك...

اواااا راني لبست وتلبست لعلا وعاسااا سعد يتحل لياااا..

وقفات لعروسة: نوارة بلا شوهة سيري بحالك..

نوارة: كفااااش شووهة ..لالا احبيبة حاشة واش نشوهك حشومة ولد جيران وصاحبتي يتزوجو وما نحضررر .. جيت غا نبارك لكم ازين ديالييي...

جبدات من صدرهااا ميكة كحلاااا....حلاتهااااا ...ولاحت داكشي لي فيها لارض كانت تصويرتها هي وحمودة وعليهممم كتابة وطالاميس ...
..ومع تصويرة كارصون حمودة لمقطع...

نوارة: هادو احبيبة خديتهم من شوافة ربيعة...مكاين لاش تفرقي بيني وبينو اعتبريه صداقة من عندي.. .مكاين لاش تعدبي جنون مساكن وتخليهمممم...يشمووو ريحت كارصونو  لخانزة....

شافت فحمادة:"مبروووك زواااج اجاري لعزيز

تمات خارجا وهي كتزغت...

شافت العروسة فحمادة: والله احمادة مسحرت لككك

حمادة: (كارز على سنانو)نتيييي اسلمىى نتيييي

حركات راسها بلااا..:مدرت والو

حمادة:  رجعييي لداااار باااااك....

تم خارج بعد مهززز كارصونوو من لارض وهييي ..طاحت لارض تتغوت وتحلف بلي مسحرات ليه

فحين نوارة...غادية...كدوز يدها فشعرها...اه عمرني ضنيت ديك تصويرة غتنفعني..ولا داك نشير لي كنسرق ينفع .

جبدات قلم كحل من جيب جلابتها " خصني ندير شي طلموسة هنا على الله زهر يتكعد..

دارت خالة تحت شفايفها..

غوتات بجهددد مطيحا القلم لارض منين فرانات طومبيل عند رجلها