أقطاب متنافرة (كاملة بالدارجة المغربية)

14

البارت 14:
🔥أقطاب متنافرة❄

واقفا قدام باب دار مقادة وجها بلمكياج ولابسا كسوة بيضة طويلة.....  فعز لبرد وسندالة د طالو...

بقات كدق... زيرات على شفايفها منين حلات ليه جداه لباب..

الجدة:  اش. كديري هنا يا مارجة الرجيل..؟

نوارة: هااا... ياك... انا جيت وجبت لك صوبا كلت مسكينة... كالسا بوحدها فدار ومقادة طيب..

دفعاتها. داخلا كدور فعينيها: راكي بوحدك بعدا

الجدة(كطلعها وتهبطها) تغالطت لك مع لبار... ياكي جاياتي مقزبة وشعرك مقلز يصحاب بوك غنزوجك ليه يا والله لديتيه...

نوارة: هاا لمن غتزوجيني اخالتي حياة ياكما عندك شي ولد بلا خباري أا؟

حياة:(ضحكات بجهد) راني عارفاك شكون شفتي وعلامن كدوري حفيدي موسى غنزوجو بيدي لبنت من جبل مشافت متشافت

نوارة: وعلاه انا فين ساكنة... دارنا فراس طريق بحال جبل...

حياة:  يا والله لديتيه.. غا دي زلافتك وضركي عليا زلافتك...

نوارة:  وخاا هاني غادة....

هزات زلافة وتمات.. خارجة

حياة:  تاكلي جغديد فيه...

...

داز لوقت... جا صباح جديد...
كانت خارجا لحانوت بانت لها حياة فباب لحانوت كتهضر مع ضيفة جايا... عند وحد جارتهم..

خرجات عينيها منين تفكرات ان ضيفة جايا من جبل...

زادت بجرا وقفات لور وهي تتسمع لهم

حياة:  عايش فمريكان خدام فشركة كبيرة ديال لموضة وداكشي... كاع شراوط لي كيلبسو صحاب تلفازة جايين من تم...

البنت موسعا عينيها:  بصااح حلفي...

زادت حياة لداخل... فحين نوارة شافت بزطام لبنت طاح.. زادت زاطمة عليه هزاتو.. بلخف..وزادت واقفا حدا لبنت: اختي واقفا مع حياة حضي راسك راه تتبقا طلق سلوكية على بنادم تا طير ليه رزقو حضي جنابك

شافت فيها لبنت: كفاش

بدات تقلب على بزطامها..فحين نوارة ووقفات بعيد..

عيات تقلب عليه.. ملقاتوش.. جات عينيها فحياة لي كتخلص مول لحانوت... زادت عندها لبنت بجرا جارها:  نتي لي ديتي بزطامي ياك.. كالسا ملهياني بكدوبك وسرقتيني

حياة:  شنو هو انا نسرقك نتي بزاااف عليك... لهلا يحييك...

شدات فيها:  اراي بزطامي...

حياة:  غترخي ولا نهرس لمك دوك ليدين..

شداتها من شعرها جارها... ودغيا لبنت دفعات حياة لارض.. ونقزات عليها كتنتف فيها...

غوتات نوارة بجهد:  هاي هاي طال زمان تا ولاو لبراهش يحكرو لي على حياتي حياة ألبي...

زادت بجراا جرات لبنت... طيحاتها... لارض.. وبدات تصرفق فيها وتقمش:  هاا موس موس لي غدي هااك لمكك هاااك..

ولبنت غا تتغوت معرفات باش تبلات

...

واقف قدام باب دار كيدق ويصوني عليها لا مجيب تا قال راه وقعات لها شي حاجة...

يلاه نوا يهرس لباب... بانت ليه جايا... هي ونوارة..

صغر عيني كيشوف فيهم..

جايا وهي تتاكل فشيبس شعرها وصل لسماا... وجها عمر قميش...

وحياة حداها كتعرج..

نوارة: اه احياة حمدي الله كنت تماا... اما كن كلاتك ديك لهايشة

حياة: اجي تانتي وكوليني... لوالديها كنت غنقطعها طريفات..

نوارة: اوا اح.

سكتات منين بان لها واقف فلباب...

نوارة: احم هذاك ماشي حفيدك..

بدات نوارة تتقاد شعرها

حياة: هادشي غا كولتي متتعرفيهش الهايشة...

نوارة: عرفيني عليه وشكريني ليه رضي لي خيري دليوم..

زاد. عند جداه كيتفحصها: اشش واقع لك واش نتي بيخير؟؟

حياة: اه بيخير بيخير غا ضاربت شوية...اوا شديت وحد لولية سلختها...

موسى: عاوتانييي

شاف فنوارة: ونتي اش تديري معاها

نوارة: انا سلختها معاها..

ابتسمات ليه... جمعاتها منين خنزر فيها...

موسى: واش نتي مريضة شوية فراسك... تتكلي شي حاجة من غير لخبز؟؟ علاه كاع لكوارت ددنيا كلقاك وسطهم

نوارة: كيف كتشوف عندي لجادبية كيف نتا كتجذب زينات بحالي انا كنجدب لكوارث لعندي...

تنهد بجهد..

حياة؛ غتكون مزال مفطرتي طلع اولدي طلع..

نوارة: بحالا علمك الله...

دفعاتو وطلعات هي لولى