أقطاب متنافرة (كاملة بالدارجة المغربية)

17

البارت17:

داز. لوقت...

ليل جاا... كانت غادية لدار حياة مور مكالت لها مغتدخلش بينها وبين موسى عزات عليها...

دايا طاوة دلحريرة فيدها... زادت لباب قبل مدق... سمعات جارة تتقولها راه حياة خرجات قبيلة ومرجعات..

عنكشات وجها... هزات لمحبق من حدا لباب.. ولقات ساروت لحضية ديالها مخلياها تعرف كاع جيران فين دايرين سوارتهم.

زادت طالعا لدار بزربا..

توجهاات لكوزينة تحط لحريرة...

وقفات جامدة..
قلبها كيضرب تسعين وهي تتشوفو كياكل لحم خضر ود م دايز بين شفايفو دوز عليه لسانو لاحسو...

يلاه جات تهرب وهو يدور.. شاف فيها ديريكت رجعات لور وهي كتنهش بتمتة نطقات" شوف والله بالله ما بنينة... شوف لحمي خانز.. شفتي مخليت فمن هضرت تاولا لحمي دجيفات.. ياك كيكولو لي كيهضر فناس كيولي جيفة.. وانا راني جيفة (مدات يدها)  هاك شم.
جمعاتها بزربا خايفا ينقز يعضها"شوف انا راني كندافع على حقوق لكائنات لخرا راه عندي جمعية مع الشوافة ربيعة كندافع على جنون نتا منهم ياك

حركات راسها بلا:  نتا من هادوك.. زومبي زو..

غوتات بجهد منين شافتو مقرب عندها لاحت طبسيل لي مغطي طاوة شداتها جرياا تا ضربات فلحيط.. رجعات دارت تتشوف فيه..

عينو على صدرها لي عمر بلحريرة

عنقات صدرها عندها: قطع غا وحدة الله يحفظ خلي لراجلي فين رضع..

موسى:  ككفاش؟؟

مدات ليه طاوة خاف طيحها شدها بزربا.. قبل ميدير اي ردة فعل هربات بجرا...

حط طاوة وحط يدو على بوطاجين.. ضحك بجهددد اخر حاجة توقعها انه وحدة بحالها تكتاشف سرو... وتحسبو زومبي... وخايفا على بزولتها منو من لفوق...

ضحك بجهدد.. جمع ضحكتو:  خصني نرجع منين جيت هاذ لبلاد غا دلحماق