أقطاب متنافرة (كاملة بالدارجة المغربية)

21 و22

البارت: 21

🔥أقطاب متنافرة❄

حرك راسو بلا حول..

موسى:  خرجي الله يحفضك...خليني نعس..

نوارة: مالك متتعرفش ضحك..

غمض عينو... فحين هي زادت كالسا... وعينيها محلولين متقدر تغمضهم وهو هناا... تخاف تغفل ياكلها...

عينيها كيتسدو وراسها نازل.. تهزات منين سمعات انينووو...

زادت مقربا عندو:  اش كيقول هذا واش زومبي عندهم لغة بوحدهم

شافت فيه لعرق نازل مني راسوو وهو كيردد"ماما بابا

حطات يدها على جبهتو.. كطبطب عليه..

نوارة: اشمن حلم كيشوف زومبي ديالي ؟

كان واقف..ولد ف14 لعام من عمرو.. قدام طومبيل ديالهم لي مقلوبة... شتا تطيح بجهد وهو واقف كيشوف فيهم كيبكيي... د. م نازل من راسو.. حاط يدو على فموو كيبكي بجهدد..

يلاه بغا يزيد يحاول يخرجهم.. طرطقات طومبيل وشعلات فيها لعافية بقا غير واقفا ليد لي على فموو كتنقط بد. م وهو كيعض فيها بلا ميحس

تهز من سرير... كينهج بجهدد... حط يدو على فموووو... عاض عليييه...

وسعاا عينيها تتشوف فيه.. بزربا حيدات  ليه يدو

نوارة:  ا ش تدير واش حماقيتي؟؟

مدات ليه يدها:  بلا متعض راسك نتا مريض.. هاك عضني انا..

شاف فيها بعيونو دبلانين وشاف فيدها...

شد يدها جارها... عندو.. معنقها

نوارة: اش تدير كلت لك عضني ماشي عنقني

موسى:  بقاي ساكتا غا شوية

زير عليها كثر

..

البارت: 22

🔥أقطاب متنافرة❄

بعد عليها منين رتاح...

بقات غا تتشوف فيه

موسى: مغتسوليني والو؟؟

نوارة: علاش غنسولك؟  نتا زومبي عادي تعض يدك؟ ولكشوار لي جاك كلنا كنحلمو

موسى:  ونوضي من حدايا لمبغيتينيش ناكلك..

شافت فيه: نتا ماشي زومبي ياك
هما كاع مكيعضو راسهم

ضحك بجهد: واش منيتك؟

صحابني كنتي ضاحكا منين كولتيها اول مرة سعا نتي بصح بغيتي تصفيها لي

نوارة: اش غندير شفتك تتاكل لحم خضر ود. م نازل مع فمك.. كاين شي بنادم غياكل هادشي؟

موسى: اللحم لخضر حسن من لحم لحمار..(تنهد)  هاد لحالة كتجيني منين كنتفكر لكسيدة لي ما. تت فيها عائلتي... كنت صغير منين تحرقو فطومبيل قدام عيني... كنت غير واقف كنشوف ويدي على فمي بلا منحس... ليد لي على فمي غرست فيها سناني...

نوارة:  شنو سباب لكسيدة؟

موسى:  الجو كان خايب شتا مجهدة.. وطريق تتزلك.. هما خرجوني وقبل ميخرجو طرطقات بيهم..
(تنهد)
فوق ما كنتفكر ديك لكسيدة كتجيني نفس لحالة... طبيبة ديالي فمريكان قتارحات نعض لحم لجاتني لحالة بلاصة يدي.. وفعلا ديك لقضية خففات عليا..
فمريكان مكانتش تجيني بزاف... مكنحلمش بلكسيدة بزاف مرا فعام.. ولكن هنا فلمغرب... هنا ما. تو.. هنا دفنوو... هنا وقع كولشيى كل نهار وليت نحلم بيهم

عنقاتو عندها: انا بحالك..ماما ما.تت فاش كنت صغيرة...بعدا نتا شفتي والديك..انا مشفتهاش كاع..مور عام من ولادتي ما.تت معقلتش عليها..

موسى: باش؟

هزات كتافها: مو.تا دالله وصافي نعسات مصبحات..كن كنت عاقلا ديك لوقت...كن قطعتني طراف فوق منتفكرها..كنقولك هادشي باش تفهم بلي شي لي وقع لك كيوقع لبزاف...

موسى: هاد لحالة تزادت لي واتا فلمغرب .. على داكشي غنخلي محسن يكمل لوقوف على لمشروع.. دلمدرسة... ونرجع بحالي هاد سيمانة.

نوارة: كفااااش غترجع؟  وانا لمن غتخليني؟