أقطاب متنافرة (كاملة بالدارجة المغربية)

12

البارت: 12
🔥أقطاب متنافرة❄

داز لوقت... حبس طاكسي حدا دارو... لعنوان لي عطاها محسن..

نزلات وفيدها ميكا ديال فواكه البحر...

ابتسمات وهي كتشوف فلفيلا:  اواا يا سلمى تباع داركم كلها ومتجيب طواليط

تمات داخلا... شافت فلميكة:  مول لحوت قالي هادشي ديال لي لباس عليهم اه يمكن كن جبت لورد حسن...

حل ليها الطباخ لباب... بقات تتشوف فيه وكيشوف فيه لثواني.

نوارة: سلام.

الطباخ:  بون سواغ مدام

نوارة:  مدموزيل  الله يخليك..

الطباخ:  داكوغ مدموزيل.  فاش نقدر نعاونك؟؟

نوارة:  جوسوي نوارة.. جافيط احومة جداه دموسا.. طواا طا بيغ دو موسى ياك..

بقا كيبحلق فيها بعينو: مواا شاف دو كويزين..

نوارة: اه شميسة... داكوغ داكوغ.. ميسيو موسى..(شيرات لدار) أا لاميزوون أ لوو ڤيلا..

الطباخ: ميسيو موسى مشا لوبيطال كان عيان شوية.

نوارة: اه بحالي بحالو موا اوسي عيانة... باغسكوو.. موا ايي موسى جومونجي لوشوڤال

الطباخ: لوشوڤال؟

نوارة:  نو نو(كدور فعينيها)  سميت بوه... آن نان (بداك تقلد صوتو)  هن هن هن

الطباخ:  ميسيو موسى؟؟  كلا لحمار..

تهزات دايرا منين سمعات صوتو

موسى: اش واقع هنا؟

دارت عندو: سي موسى جيت نشوفك كيف بقيتي لقيتيني يلاه كنعاود لباباك بلي كليتي لحمار... ومخباريش بلي باباك خدام مع شميسة تبارك الله..

موسى:  (شار لطباخ) تقدر دخل

نوارة: دخل معاك هادشي جبتو لموسى

الطباخ: اوووه Fruits de mer.. ميغسي... سي موسى لداخل كيعاينوك شي ناس على ود المدرسة..

نوارة: هاا نونو ماشي الفواكه دماما غا شريتهم..

سرط موسى ريقو:  تقدر تمشي.. غندخل نشوفهم.

نوارة: مسكين صحابو لفواكه دماما... مكيفهمش لفرونسي

موسى: بغيتي شي حاجة؟؟

نوارة: لا غا

قاطعها: اوك تقدري تمشي

نوارة: ومغتدخلنيش؟

موسى: شي ناس كيعاينوني على لخدمة... ومكاين لاش ندخلك..

نوارة: ايييه عشتي فميريكان تانسيتي الاخلاق وترحيب بضيف..

موسى: لساليتي تقدي تمشيي..

نوارة: نهز ميكتي ونمشي

تم داخل فحين هي تابعاه..

زاد هو لرجال لي كيعاينوه على ود لخدمة... شخصيات مهمة... شركاء غيبنيو معاه لمدرسة... ولبعض منهم جايين من شركات ازياء مغربية باغين يستافدو من تجربتو.. محدو فلمغرب...

زاد كيسلم عليه يلاه بغا يكلس وقفات حداه..

نوارة: بونجون جوسوي نوارة

كحب بجد نطق.. بخفوت:اش تتخربقي اش تديري هنا...

نوارة: رسا خليني رحب بناس...

نترات لمونطو وجلسات وسطهم..

نطق واحد فيهم مسولها شكون هي

نوارة: موااا  لافام دو موسى..

خرج موسى عينو فيها... وشداتو لقوة منين شافها كالسا وسطهم.. وسوتيانات فلحمر فوق طريكووو