أقطاب متنافرة (كاملة بالدارجة المغربية)

26 و27

البارت:  26

🔥أقطاب متنافرة❄

كانت كالسا ولفوطة فيدها تتمسح بها شعرها... لا بسا كيطمة ديالو طويلة وطريكوه...

ضاحكاا وهي ساهية كتفكرو منين قالها لحمقة ديالي...

حط لها طباخ لفطور... قدامها... شاف فيها مكتهضرش وغا ضاحكة..

صغر عينو:  هي نفس لبنت ولا غالط.. داك نهار مبغاتش تسكت ودابا غا تضحك..

تم غادي منين شاف موسى.. جاي..

موسى:  لغيت لخدمة دليوم..

صغر عينو منين مجوباتوش وغير تضحك..

زاد. كالس حداها... شافت فيه

ضاحكا:  كولتي لي الحمقة ديالي..

ضحك بجهد...:  وكن قلت لك بعقلك اش غديري... هههه

شد. من عندها لفوطة وبداا يمسح لهااا فشعرهااا...

هزات عينيهاا فيه.. غارقا فعينووو نطقات وعينيها عليه:مديرش هكدا

موسى: اش درت؟

دفعاتو: مطيحنيش فيك..  كنت بغا غا نفقص سلمى اش وصلني لهاد لماصل.. شوف كوليي كنترعددد

ميل راسو بكفاش:  سلمى؟؟

تنهدات:  كنت بغيت نكون معاك غا باش نفقصها حيت سرقات لي حمادة.. اش وصلني لهادشي؟؟

موسى:  بغيتي تكوني معايا غا باش تفقصيها؟؟

حركات راسها باه:  كنت... ولكن شوف فين وليت...

موسى: فين وليتي..؟

نوارة: وليت كيف لحمقة... نهار ضربتك... وشفتك طايح كان قلبيي غيوقف.. مكونتش عارفا بلي ديك لمقلة اتخليك تغيب... وليوم فصبح جيت كنجري كيف شي حمقة...وليل كولو وانا نقرا على حالتك باش نفهم محفزات الصدمة... والمشكلة اني فرحانة حيت كلتي لي الحمقة دياليي...

هادشي بزاف عليا... وقلبي منين كنشوفك كيبغي يسكت.. وانا مولفا كنكون مع لواحد غا لفيه حاجبتي ماشي قلبي كيضرب ليه...كنت بغيت غا نستاغلك اش وصلني لهاد لماصل..

غطات وجها بيدها:  نتااا غتمشيي... وانا غنبقا كيف العجلة كنتفكر يامنا ونضحك... على داكشي خصك تعرف من دابا بلي قربت لك غا باش نفقصها يعني استغليتك.. صافي متبقاش تكولي حمقة ديالي ولا شي حاجة خرا تحمقني.. ومتمسحش لي شعري

هز لفوطة.. ورجع كيمسح لها شعرها

موسى:  استغليني

هزات راسها فيه:  هاا

موسى: استغليني... فقصي سلمى ولا منعرف اش سميتها... انا مخليك... تستاغليني كيف بغيتي... اخر حاجة... كنت نتصور اني نخلي.. وحدة موكلالي حمار تستغلي كيف بغات ولكن معندي مندير... قلبي فرحان انا باغيك تستغليني... خليني حداك.. وفقصيها... غير متهربيش مني كيف كنتي ديري...

شافت فيه تترمش.. نزلات عينيها:  هادشي بزاف عليا( ضحكات بجهد تتقلب لموضوع)  ههههه لي يسمعك يقول راك طايح فيا واني كنعجبك..

موسى: اه.. طحت فيك.. على داكشي استغليني كيف بغيتي انا وليت ديالك..

هزات عينيها فيه: ككك.

سكتات منين جرها عندو.. وحط شفايفو على شفايفها

البارت 27

أقطاب متنافرة:

كانت راكبا معاه.. فطومبيل... وقف حدا دارهم...

شافت فيه.. حنات راسها..

نوارة:  نتا ليوم..

حطات صبعها على شفايفها..

موسى: بستك؟

ضرباتو لصدرو: كن تحشم

موسى: اش خصني نسميها؟ سميتها بوسها..

خنزرات فيه: عنداك يصحابك راني ساهلا منين خليتك تبوسني... راك غا غفلتيني...

تفكر منين باسها... وتمات جاراه.. ولا هو يبعد وهي تجر..

ضحك بجهد:  مفكرتش هكدا

نوارة: مهم ديرها فبالك... هو انا وياك دابا صحاب؟

موسى: صحاب؟؟؟ كفاش علاش انتصاحب معاك؟  مالكي محسن؟

نوارة: فهم زعما حنا بجوج..

سكتاات منين سمعات دقان فسرجم لوطو..

بان لها باباها... شار لهم باش ينزلو..

كالسين على طبلة فجوو دسكات...

فحين نوارة دخلات تبدل عليها حوايجو... ليرد باباها لبال..

يلاه خرجات سمعاتهم كيهضرو

المعطي: لسان ناس سريط... وتا من نوارة مخلاوهاش فحالها... وخا بنتي مسكينة خبز ربي فطبقو

كحب موسى بشوية:  اه مسكينة

المعطي:  ناس كيهضرو عليك وعليها... وانا عارف واحد بحالك مستحيل يشوف فبنتي...

خنزرات نوارة.. قبل متنطق كمل لمعطي هضرتو: بنتي مسكينة دريوشة.. وبنت دار ومتهرس بيضة ماشي بحالك مولف بمريكان... وناس دمريكان فيهم غا صدع ولغوات(بدا يغوت)  معطيشة بلا ملحة جورج.. بوش خصو دب. حة

بقا موسى غا كيشوف:  بايدن..

قاطعو: على داكشي تفارق عليها... لدازت من ليمن دوز من ليسر لدازت من شرق دوز من لغرب تفارق عليها اولدي... تا تمشي بحالك..

موسى:  أنا غنمشي هاد سيمانة..  غا رتاح..

تغرغرو عيونها بدموع... تمات غادة وقفات منين زاد. نطق..

موسى:  ولكن مناويش نتفارق على بنتك... انا باغيها على سنة الله ورسوله... وقبل مغنمشي غنجيب جدة ونخطبوها..نتمنا ميكونش عندك مانع..

حليمة:  اشمن مانع اولدي مرحبا...

ابتسم:  نخليكم دابا غنمشي نشوف جدا..

تم. خارج.. شافها واقفا حدا لباب.. غمزها ودوز يدو على شفايفو وتم خارج خلاها واقفا مصدومة...

زادت منقزا عليهاا حليمة:  ودرتيها والله تا جبتييه..

بدات تزغرت بجهددد...

فحين لمعطي بقا على طبلة ساهي:  بشاااخ جابتو من ميريكان.. تربيتي