أقطاب متنافرة (كاملة بالدارجة المغربية)

8

البارت 8:
🔥أقطاب متنافرة❄️

زومبي في حينا🧟‍♂️
زايد لوطو وهو شاد كرشو وملامح وجهو مزيرين...

تابعاه نوارة بجرى: فين اوا غادي
شاف فيها مخنزر:  لجهنم لكحلة... واش تتعرفيني اش بيني وبينك باش تعرضيني؟

نوارة:  هاااا وسبحان الله اشريف بحالا غا نتا لي كلييتي لحم لحمار...
موسى:  انا.. انا ونتي نتي

نوارة:  ياكما صحابك مولفين ناكلوه..

موسى: جامي كليتي تم؟

دورات عينيها:  وهي كل حد
خنزرات فيه:  شنو زعما نتا طفرتيه... نتا تلقاك واكل طنجية دو حلوف.. طاجين دو حلوف... كسكسو.. بلحلوف..

خنزر فيها:  ختي غا فارقيني عليك الله يستر عليك..

زاد راكب...
يلاه غيكسيري.. وهي تحل حليمة لباب داخلا..

حليمة:  يا غنديريها غنديرهاا

شاف فيها مخنزر معرف منين جات هادي عاد كانت غابرا.

موسى:  اش غديري؟
حليمة:  يا غنديرها غنديرها صوك اولدي لدار صوكك...

غوتات تا هزاتوو...

حليمة:  وركبي دغياااااااا...
ركبات نوارة وهي مخنزرا..

تنهد بنفاد صبر... وصاك لسبيطار..

طريق طولات على طريق دار...

نوارة:  ماشي طريق دار فين غاديين.؟
موسى:  لسبيطار

نوارة:  علاش؟
موسى:  ها علاش؟  غندير غسيل لمعدة اكيد مغنكلسش ولحم لحمار فكرشي...

نوارة: كفاش تا لمعدة تتغسل.

بدات دور فعينها وهي تتخيل حيدو لي معدتو... وخواوهاا... بحال دوارة دنهار لعيد..

تهزات منين غوتات حليمة:  يااا غنديرها غنديرهاا ديني لداااااررر اشمن سبيطار

نوارة:  اش غديري احليمة...
حليمة:  وبغييت طواليط ديوني لدار

سدات نوارة على نيفها منين شمات ريحة خانزا:  وقف ليها فشي جهة ديرها
موسى:   اشمن جهة راه شديت لوتوروت لسبيطار بعيد.

حليمة:  واش انا كلت لك شد لوتوروت يا بغيت لك غا لعداب.. ياربيي غنديرها غنديرها
نوارة:  صبري احليمة صبري

حليمة:  طلقي لماء وكولي لروبيني صبر متخرجش.

ناضت تققلب فلوطو بانت لها ميكة هزاتها عاطياها لها

يتبع