أقطاب متنافرة (كاملة بالدارجة المغربية)

28

البارت: 28
🔥أقطاب متنافرة❄

بعد شهر.

كانت كالسا تتاكل... لغدا... شافت فباها منين نطق..

المعطي:  شفت سيد  كاع مرجع ياك قالك غيسالي شغلو ويجي وشفتو كاع مجاا...

نوارة:  عندو الخدمة مزيرا..

المعطي:  شاف زعرات وتنادم معاه لحال

حليمة:  مالو عاد غيشوفهم.. راه ديما شايفهم وختار بنتنا زين وتباتة..(عوجات فمها)  مهم كاين زين..

ناضت نوارة من طبلة وزادت لبيتها.. شافت فتيلي.. كاع.. ممعيط مولف ديما كيعيط ويهضر معاه هاد ليام مبقاش كاع مسوق..

ناضت تتبدل حوايجها.. تمشي لخدمة... لعطلة سلات.. وخص ترجع لخدمتها... بحكم انها خدامة فشركة دمراقبة الجودة...

لبسات حوايجها وتمات خارجا....

وقفات تتشوف فسمااء..:  شحال خصني نعاين فيك مزال...

دازت 30 عام.. وهي باقي واقفا بلاصتها شابتت وشرفات وباقا تتعاينو... ضحكات منين شافتو جاي... ضحكة تلاشات منين بان لها جاي مع جوج ولاد وشاد فيد مراتو..وهو شارف

زادت عندو تتغوت:  موسى ياك... نتااا تزوجتي وانا بقيت تنعاين فيك

موسى:  شكون نتي؟

نوارة:  كفاش شكون انا نوارة خطيبتك... نوارة

موسى:  سمحيلي نسيتك...

تم غادي.. فحين هي بقات تغوت:  كفاش نسيتيني انا نوارة نوااارة. نواااارة...

تهزات من سهوتها وهو كيعيط لها نوارة نوارة..

شافت فيه.. حركات راسها بعدم استعاب:  اشمن عام حنا

حمادة:  بسم الله عليك كفاش اشمن عام حنا؟  واش كنتي تحلمي ونتي واقفا...

شافت فساعة..:  تعطلت على خدمتي...

حمادة:  نوارة خلينا نهضرو... انا وسلمى واقفين على طلاق.. واش ميمكنش انا وياك..

نوارة:  لا ميمكنش.. واصلا مكاين لاش طلقها.. واش تيقتي فيلم سحور.. منيتك لاش غتسحر لك ها لعار على زينك وكحل عينك..

حمادة:  عارف سحور غا فيلم درتيه.. ولكن سبحان الله حببك الله لقلبي...

نوارة:  سنين وانا معاك ومحبيتيني تا سمعتي تخطبت عاد حبيتيني...

حمادة:  لي سمعك يكول بصح.. راه سمعت ولد حياة مشا مبان.. هههه هرب منك..

نوارة:  خليه يهرب مهم انا بغاه . وغنبقا كنبغيه..

حمادة:  غتبقا تعايني فيه تا تشرفي وترجعي ليا..ديك ساعة غنديرك المرا رابعا..

"قاد على مرا وحدة بقااوو غا ربعة"

دار منين سمع هاد لهضرة.. طلعو وهبطو وهو واقف وجار لفاليز ديالو:  نتاا.. ههه سي موسى.. غا كنتحددثو..

كتشوف فيه بلا مترمش... زاد عندها... وقف حداهم شاف فحمادة:  معندك فاش تحدث مع خطيبتي. لعندك شي هضرا كولها لي انا... ودابا تقدر تحرك.. حيت باغي نحيد شوقي لها..

تم غادي.. فحين هي بقات تتشوف فيه..:  صحابني مغتجيش..

موسى:  انا مقدرتش نصبر مزال وشديت اول طيارة ونتي تتقولي متجيش

نوارة:  ولاش تعطلتي

موسى:  كنخص نسالي لخدمة... باش نقدر ناخد كونجي طويل للعرس... ونقاد دار فين غتجي عروسة... سعاا مساليتش كولشي وجيت دغيا ديك لبلاد مملة بلا بيك..

شافت فساعة.. ودموع فعينيها:  تعطلت على لخدمة نخليك..

تمات غادة وهو واقف مصدوم..

دارت تتشوف فيه:  انا غنتزوج بيك وغنمشي لميريكان مغنحتاجش ديك لخدمة مزال..

حرك راسو باه..

زادت عندو بجراا معنقاه:  توحشتتتتكككككككك

زير عليها ضاحك:  تااا اناااا