مـالكة قلبى

الفصل الثاني

ساروا وجميع الانظار عليهم..وصلوا الى المكان
منه وهى تفتح عينيها بصدمه:يلهوى ياماااا
مروه بصدمه وذهول أكثر:ايه ده
كانت تقف البنات كثيره منهم بفساتين قصيره وشعرهم الطويل المتدد والبعض شعرهم قصير و اشكال غريبه وملابس غريبه
منه بتوتر:يلا نروح
مروه:استنى بس
منه:انتى مش شايفه عاملين ازاى..هيسيب المزز دى كلها ويمسك فينا احنا
مروه:مش يمكن
منه: لا يستى يلا انا اتوترت
مروه:فى ايه متصبرى واهدى كده هى أول مره
ذهبوا الى أسماء..
مروه:صباح الخير
اسماء:اهلا
مروه:جايين نتقدم للوظيفه
اسماء:تمام اتفضلى سيبى السيڤى بتاعك انتى والانسه وهننده عليكم
مروه:تمام اتفضلى
اسماء وهى تأخذه منها:تمام اتفضلوا اقعدوا هناك
مر الوقت والجميع يدخل ويخرج ويتكرر هذا المشهد مرات بعد مرور ثلاث ساعات
رن هاتف اسماء ثم أجابت على معتز
-معتز: اسماء آخر واحده ومشى الباقى
اسماء:تمام يفندم
اسماء:الى بعده..والباقى بكره فى نفس الميعاد
منه بغضب وهى تقوم:اييييه ده اسمه ايه
اسماء:مستر معتز مش هيدخل حد تانى
منه وهى ترفع يديها:هو ايه الى مش هيدخل حد تانى
مروه وهى تسحبها لأسفل:اقعدى ارجوكى
اسماء بزعيق:انتى بتتكلمى كده ايه انتى فى مكان محترم
منه:مجتش على اتنين وعارفين أننا مرفوضين بس خلينا نخش
اسماء:انتى فى سوق ولا زريبه يلا امشى من هنا
خرج معتز بغضب:فى ايه..ايه الزعيق ده وقفت أمامه مروه بصدمه وذهول
منه ببرود:عاوزين نخش..واحنا عارفين اننا مرفوضين بس بنحب نسمعها
معتز:يبقى يا آنسه عيب عليك صوتك العالى ده فى مكان محترم
منه:اصل مجتش علينا خليها عليك المرادى
معتز بغضب:دخليهم يا اسماء ودخلى البنت(وهو ينظر لها بغيظ) التالته الاول
منه وهى تجز على أسنانها:ماشى هنعديها
جاء دور منه..كانت تخرج الفتاه الأخرى..مسكت الجاكت وضمته على الفتاه وهى تعدل لها ملابسها
منه:استرى نفسك يا حبيبتي مش كده ورجلك دى دهناها بلبن
نظرت لها لفتاه بقرف من فوق لتحت..
منه:طب حسبى احسن عينك تقع
ضحك ضحكه خفيفه على أفعالها..
دخلت..
منه بإبتسامه:صباح الخير..صباح ايه بقى..مساء الخير
معتز بجمود:اتفضلى
معتز وهو ينظر فى السيڤى بتاعها:سنك
منه:٢٤سنه
معتز:خريجه آلسن
منه:ايوه ومع مرتبه الشرف..ومعايا لغه انجليزيه والمانى وفرنسى
معتز بإنبهار:ده معاكى ٣ لغات
منه بصوت واطى ولكن مسموع:جبت الديب من ديله يعنى ايه الجديد
منه بإبتسامه:ايوه
معتز بشك:بتقولى حاجه
منه:لا ابدا
معتز:تمام اتفضلى وهنتصل بيكى كمان ٣ ايام
منه لنفسها:يبقى مش هتتصلوا
منه:عن ازنك
خرجت..ابتسم معتز لانه سمع كل كلامها لأنها صوتها ظاهر
بالخارج..
مروه:هاا ايه
منه:لا ادخلى وانتى تشوفى
دخلت مروه..
معتز:اتفضلى
مروه بخجل:شكرا
معتز:سنك
مروه:٢٤
معتز:معاك كم لغه
مروه:٢ فرنساوى وانجليزى
معتز وهو ينظر لها:تمام اتفضلى وهنتصل بيكى بعد ٣ايام
مروه وهى تنظر له بتوهان:هااا
معتز:اتفضلى يا آنسه
مروه بخجل:تمام عن ازنك
غادرت المكتب..
معتز بإستغراب:مالها دى
بالخارج..
منه:هاا عاملتى ايه
مروه لا تتحدث
منه:يا بنتى انتى روحتى فين
مروه وهى تفيق:هااا
منه بسخرية:ادام قولتى هااا يبقى يلا بينا
خرجوا من الشركه..
منه وهى تنظر للشركه بتحصر:سلام يا جميله سلام يا غاليه اكيد مش هشوفك تانى مش معقول يسيب المزز دول ويجيبنا احنا يعنى
مروه بهيام:وليه ميجبناش
منه بشك:مروه انتى مالك كده من ساعت ما شوفتى معتز لما خرج وانتى تايهه
مروه:انتى مشوفتيش عامل ازاى
منه بغباء:ماله يعنى
مروه:منه انتى غبيه اكيد
منه:انا بردك بقى احنا جايين نشتغل ولا جايين ننقى عريس فوقى يا حبيبتي..وودعى الشركه الكيوت دى يلا
مروه بزهق:انتى عارفه انتى قافلتينى من حياتى يلاا يا منه
واقفوا تاكسى..
رجعوا البيت دخلوا الى شارعهم
منه:رجعت ريما لعادتها القديمه
مروه:ااااه لو نعيش كده فى فيلا زى الى بنشوفها فى الافلام
منه:ايوه بقى ومعانا عربيه والدنيا تبقى فل
مروه:شوفى مين جاى
منه ببرود:ايوه شوفت
سالى:ازيكم يا بنات
مروه:اهلا
سالى:انا قولت اجى اسلم عليكوا(بخبث) ازيك يا منه
منه بقرف:اهلا
سالى:مش تقولى ليا مبروك
منه بعدم اهتمام:خير
سالى وهى تضع يديها على بطنها:انا حامل وهجيب نونو صغير قريب
ابتلعت ريقها بتوتر وهى تتنفس بسرعه
مروه وهى تمسك منه:طب عن ازنك يا سالى والف الف مبروك عن ازنك يا حبيبتي
وغادروا من أمامها..
____________________
مين سالى..وليه حصل فى منه ده كله؟؟!
ده كله هنعرفه الفصل الجاى 🌺