بعد انتهاء يوم العمل
كانت تسير بتعب وهى تخرج من عملها بعد إرهاق يوم طويل
منه بتعب:يااااه اخيرا هروح..اجيب ليا ساندوتشين فول من عم حسين واصلى وانام على طول مش قادره
فتحت شنطتها وهى تطمئن على شئ الذى بداخلها
منه:موجود
كانت تسير فى شارع لأول مره كان شارع هادئ تمشى به السيارات فى أوقات متباعده
منه بخوف:انا ايه الى يخلينى امشى من هنا لازم يعنى اتفزلك واقول اخرم مأمشى زى بقيت الناس..يارب سترك
كان هو الآخر يمشى بسيارته الفاخمه حتى وجدها تمشى بمفردها فى هذا الشارع..
منه وهى تشعر بسياره تمشى ببطئ خلفها:يلهوى يلهوى يلهوى اكيد العربيه دى هتخطفنى وتبعنى أعضاء..احضر بقى وسيله المساعده
وأخرجت من حقيبتها بخاخه
اسرع قليلا من سرعه السياره وهو يأتى بجانبها..مسكت الزجاجه وهى ترش على وجهه الكثير من المرات وكانت فى غايه الخوف والرعب
معتز بوجع وزعيق:بس يا غبيه كفايه
منه وهى تغمض عينيها وترش بقوه:متتكلمش يا خطاف الاعضاء
معتز بداخل السياره بعدما أوقفها وهو ممسك بعينيه التى تحرقاه بشده بالغه بغضب وزعيق:بس كفايه يا غبيه عينى هتتصفى
فتحت منه عين وعين وهى تنظر بخوف وتخمن الصوت..فجأه وقفت فى صدمه وهى تنظر له بشده:مستر ممعتز
معتز بغضب وزعيق:افتحى افتحى ام الباب ده اخلصى
فتحت باب السياره ونزل وهو ممسك بعينيه واستند على السياره وهو لا يشعر بعينيه
منه بخفوت:انت كويس
معتز وهو يجز على أسنانه:انت متتكلميش خالص
منه بهدوء:انا معرفش أنه انت
معتز بغضب:اسكتى عشان انا ماسك نفسى عليك بالعافيه
منه:الله وانا مالى يا لنبى انا لقيت حد ماشى ورايا فى شارع مفهوش حد مدافعش عن نفسى يعنى
معتز بسخريه:وادام حضرتك عارفه أنه مكان مفهوش حد بتمشى فى ليه
منه:منها لله دماغى موديانى فى داهيه..(بقلق)طب عينك حصل ليها حاجه
معتز بهدوء مخيف:امشى يا منه عشان لو شفتك انتى مش عارفه هعمل فيكى ايه
منه بحبث:وانت الى يمشيك من هنا صحيح
معتز بسخريه:رايح اعمل تان..(بعصبيه)همشى من هنا ليه يعنى مروح حضرتك ولا مروحش
منه:طب براحه متزعقش
معتز وهو يفتح عينيه ببطئ وكانت الشمس تأتى وتتسلط عليها ويظهر لونها الذهبى الرائع كانت هى تقف أمامه وهى تنظر له نظره شرود
قطعها معتز:الله يسامحك يا شيخه عينى مش عارفه افتحها
منه بدموع:انا اسفه والله ما اقصد
معتز فتحها اخيرا ونظر لها وجدها أمامه بهيئه مضحكه جدا كانت عبوسه مثل الاطفال أخذ يضحك على شكلها
منه بعبوس:انت بتضحك على ايه
معتز ويهدأ من ضحكته:على شكلك
منه:ماله شايفنى مهرج قدام حضرتك
معتز:لا اكتر
منه بعبوس وزعل:ماشى..طب عن ازنك بقى..(وهى تمشى ثم رجعت)اه واعمل حسابك انا مش جايه بكره الشغل
نظر لها معتز بصدمه وهى تتركه وترحل بدون اى اهميه..ركب سيارته وهو فى حاله زهول وسار وهو خلفها يتبعها حتى وصلت الى مكان آمن
__________________
كانت تجلس هى تضع رجل فوق الرجل الآخرى جاءت لها رساله على هاتفها
كانت صوره له وهو يقف مع منه..نظرت بصدمه الى الصوره وهى تخطط لشيء جديد
__________________
دخلت شارع بيتها مثل كل يوم اصوات الأطفال وهم يلعبون وأصوات البائعين والنجارين والحدادين ودخلت على إحدى محلات الفول..
منه بإبتسامه:عم حسين
عم حسين بإبتسامه:اهلا ببنت الغالى..مجهزلك كل حاجه ومعاهم جرجير كمان
منه:تسلم يا عم حسين ايوه كده..يلا عاوز حاجه
عم حسين بإبتسامه:سلامتك..سلميلى على ابوك خليه ينزل يقعد معايا شويه
منه:من عيونى
اتجهت الى المنزل وجدت من هو بإنتظارها..
منه بصوت خافت:يوم باين من أوله
كمال:ازيك يا منه
منه بإبتسامه مقرفه:اهلا
كمال:انتى بردك مش عاوزه تفكرى تانى
منه بزهق:انا ردى وصلك من بابا ومش عاوزه رغى كتير فى الموضوع ده والحوار خلاص خلص
كمال:انا عاوزك وشاريكى
منه:يا ابن الحلال انا مش عاوزاك وقولت رأيى ومش هقعد اعيده كتير
وجاءت تمشى..
كمال:يعنى ده قرار نهائى
نظرت له بقوه:اه قرار نهائى
وصعدت الى شقتها..
دق دق دق..فتحت مروه
منه:مروه ازيك يا بت يا مروه
مروه:الحمد لله يختى
حنين:انتى جيتى
منه وهى تضع يديها فى خصرها:مش عاوزه اختك تيجى ولا ايه يا بنت منار
منار وهى تخرج من المطبخ:ومالها منار
منه وهى تقبلها من وجنتيها:مفيش منك يا قمر انتى
احمد بضحك:ثبتتك يا منار
منار:انا هروح اشوف الى ورايا
مروه:تعالى تعالى احكيلى مغامراتك انهارده
منه وهى توقفها بيديها:لا انا مش قادره جايه تعبانه ومش قادره
حنين وهى تخرج السندوتشات:الله دول من عند عم حسين
منه:ايوه
حنين وهى تنظر لمروه:تعالى يا مروه ناكلهم جامدين جدا
مروه:مش بتوع اختك
منه:عادى كلوهم لأن انا مش قادره اعمل حاجه هتوضى واصلى وانام على طول
_______________
دخل هو الى الفيلا دخل وجد كرم فى وجهه
معتز بجمود: الهانم الصغيره عامله ايه
كرم:كل شىء تمام يا سعاده البيه والهانم الكبيره خرجت فى مشوار
معتز:الهانم الصغيره اكلت وكله تمام
كرم:كل حاجه تمام..بس فيه مشكله صغيره
معتز:خير
كرم بخوف:الهانم الصغيره مأكلتش بسهوله وكانت عماله تعيط بهستريا
معتز بصوت عالى:وانت ليه متصلتش بيا
كرم:محبتش ازعج حضرتك
معتز:لما يحصل ليها حاجه حلو
كرم:انا اسف يا باشا..هتلاقيها فى اوضتها نايمه وزى الفل
صعد الى غرفتها..فجأه وقف على السلم وهو يستمع الى حديث إحدى الخدم
الخادمه الاول:انا بقولك ماشيه فى امان الله سمعت الست مرڤت بتقول لواحد أنه هيخطف الهانم الصغيره ويخليها عنده وهى هتدفع له فلوس كتير
الخادمه الثانيه وهى تضرب على خدها:يلهوى لو البيه الكبير عرف..ولا ابوها
جاءوا ليذهبوا ولكن وقفوا بذهول أمامه..
معتز بهدوء مخيف:ورايا على المكتب واحكيلى الحوار بالتفصيييل
____________________
يترى مرڤت بتعمل ده كله ايه وايه السبب الى الى يخليها تعمل كده..؟؟!
ده كله هنعرفه الأحداث الى جايه..انتظرونااا🌺😂
أنت تقرأ
مـالكة قلبى
Humorأحببتُكِ.. لأنكِ جعلتيني أشعر بما لم أكن أشعرُ بهِ من قبل، لأنكِ الصلةُ ما بين قلبي و الفرح و ما بين ثغري و الإبتسامة"
