مـالكة قلبى

الفصل الثاني عشر

كانت تسير هى وصديقتها نور
نور:رحت قولت لها هغير منك على ايه..ايه جو العيال الصغيره ده
كانت حنين شارده وفى مكان آخر
نور بإستغراب:انتى يا بنتى
حنين بعدما فاقت:هااا كنتى بتقولى حاجه
نور:اممم ده انتى شكلك مكنتيش معايا اصلا
حنين:نور..افرضى حازم اتجوز فعلا انا هعمل ايه
نور:ييييه...يبنتى فكك منه هو معتبرك زى أخته الصغيره طلعيه بقى من دماغك
حنين:متقوليش كده اكيد هيكون من نصيبى
نور:واحد جاى من بره يتجوز ويسافر تانى هيعمل ليكى انتى ايه
حنين:يوووه خلاص يا نور انا غلطانه انى بتلكم معاكى
نور:انا بفوقك عشان متتصدميش..بفتحك للحقيقه عشان كل مجهودك ده ميروحش هدر عاوزه تفوقى
حنين:طب يلا يانور نركب عشان نروح
جاء أمامهم سياره ثم وقفت امامهم ونزل منها شاب
شاب:ايه يا بنات مش لاقيين حد يوصلكم
حنين بحده:وانت مالك انت يلا امشى من هنا
شاب بغمزه:لا بحب الجو الجامد ده
نور:ده شكله عبيط يلا يبنتى
الشاب وهو يقف أمامهم ويسد الطريق:متيجوا اوصلكم
حنين بحده وغيظ:امشى من هنا بدل ما اصوت والم عليك أمه لا اله الا الله
الشاب:هو انتى فكرانى مثلا هخاف
واخذ يتقرب منهم بسرعه..وجاء ليمسك ذراع حنين وكانت ستصرخ حتى جاء أمامهم شاب طويل القامه عريض المنكبين يقف أمامهم وهو يقفون خلفه
جاسر وهو ينظر بشر للشاب:انت هتمد ايدك عليهم ولا ايه
الشاب وهو يضرب جاسر على كتفه:ليك فيه
جاسر ببسمه جانبيه ببرود وهو ينظر ليده الموضوعه على كتفه :اه ليه فيه..
ثم قام بضرب لكمه على وجه حتى سقط الشاب على الأرض والبنات تنظر للمشهد بخوف شاهدهم الناس واتجمعوا وقام جاسر وانقد عليك وهو يضربه ضربات متتاليه والناس تبعدهم عن بعض..وقف الشاب بصعوبه بعد مساعده الناس لوقوفه وهو يمسح الدماء بجانب فمه وينظر بغضب الى جاسر الذى يقف بقوه وبرود..ثم ذهب الشاب الى سيارته وغادر وكان يقف كما هو فى مكانه وهن خلفه ينظرون له بقوه..استدار لهم جاسر..كان شاب ثلاثينى عينيه زيتيه وبشرته قمحيه وبه ملامح رجوليه حده وشعره البنى به خصيلات ذهبيه رائعه وشكله ذو قيمه عاليه وبهاء..نظر لهم
جاسر:انتوا كويسين
اومأت له حنين وهى تنظر له بإنبهار ودموع ثم أشارت له على دم بجانب فمه
جاسر وهو يمسحه:متقلقيش عادى..اهم حاجه كويسين
نور وهى تخرج صوتها:اه تمام شكرا لشجعتك دى والمروءه ورجولتك
جاسر وهو ينظر الى حنين التى لا تتحرك وهى تنظر له:لا شكر على واجب..بعد كده متمشوش من الشارع ده عشان مفهوش ناس كتير
نور:تمام شكرا
جاسر:عن ازنكم
ثم نادى على تاكسى
جاسر:اتفضلوا اركبوا
نور:شكرا
جاسر:اتفضلوا بس عشان متمشوش فى الحته دى
ثم أخرج النقود من جيبه وهو يدفعها الى السائق
فاقت حنين وهى تخرج صوتها:لا لا شكرا احنا معانا فلوس والله
جاسر:اتفضلوا اركبوا دى حاجه بسيطه عن ازنكم
ثم غادر من أمامهم وهو يتجه الى سيارته الرائعه فائقه الجمال
ركبوا التاكسى
نور:ايه ده هو لسه فى ناس بالجدعنه دى ده غيره كان زمانه طلع الموبايل وصور بدل ما يدافع عننا
منه:اه بجد ربنا يحافظ له على ولاياه
________________________
ركن سيارته وهو يدخل الى مكانه المعتاد
اسامه وهو ينهض:اهلا بالباشا الى اتأخر اقول ايه لمعتز لما ييجى
جاسر وهو يسحب كرسى ويجلس:لما ييجى بس
جاء معتز من الخارج:اهلااااا ازيك يا جاسر
جاسر وهو يضمه بشده:ازيك يا معتز عامل ايه
معتز وهو يجلس:تمام الحمد لله انت عامل ايه..صاحبك ده قايل ليا انكم مطحونين فى المأموريات
جاسر:اه والله تعب..حوارات وعصابات وحاجات كتير اوى
معتز:ربنا معاكم(بإستغراب)ايه الى فى وشك ده 
جاسر:اصل حصل موقف انهارده كده..(وحكى لهم ما حدث بجميع التفاصيل)
اسامه بضحك:لو هى متنحه كده الصراحه ليها حق
جاسر:بمعنى
اسامه بغمزه:يعنى واحد حليوه زيك وبطل مغوار وينقظ العالم مش عاوز يتبص له كده
معتز:لا بس بجد جامد
جاسر:ده كان هاين عليا ادعكه فى العربيه..ماشى بأمان الله بالعربيه جاء ليكم لقتهم بيتكلموا معاه وباين أنهم ميعرفهوش..اول ما لقيت أنه بيتقرب منهم الدم جرى فى عروقى ورحت نزلت من العربيه وانا بروح ليه بس يلا جت سليمه
معتز:يلا الحمد لله..هما بخير وانت بخير
جاسر:اه تمام الحمد لله
معتز:اه انا عاوز اقول لكم انى هسافر يومين هروح اغير جو فى اسكندرية
اسامه:وتسيبنى
معتز:ايه يا عم اسامه متتعدل هو انت خطيبتى
اسامه:يعم بهزر
جاسر:مأنت عارف هزاره البايخ
اسامه:طب منيجى معاك
جاسر:هو انت ناسى أن احنا عندنا مأموريه وهنسافر
اسامه بحزن:اه نسيت مش هينفع..لازم تفكرنى يعنى