دواهــي الفتـيـات

_ الداهـية الـثـامـنـة _

'بـسـم اللّٰه الرحـمـٰـن الرحـيـم'

بـقـلمـي "ميـاسـيـن"

شَحچي ..
و احسك چنت مستغل مو هاوي
اذيت روحي بكثر ما روحك مداوي،
تعرفني ما تيهت درب الوجع تندل
بس هي حسبة وكت و ارجع مثل أول
و لا تهتم انه عِشت !.

______________________

فاطمة: كعدت جسمي يأذيني وراسي احسة يريد ينفجر اخذت تلفوني اتصل على مياسين باوعت على الساعة جانت 8 ونص يعني مموجودة بلبيت اتصلت على ماما صعدتلي

زينب: ها حبيبتي بنيتي شبيج شو تعاي"خلت ايدها على جبيني تتحسسة"

زينب: ولج ماما هاي شنو كابة نار شو كومي خلي ناخذج

فاطمة: اهووو ماما كضيت حياتي فلاونزة شنو اول مرة خلي انام شوية واصحة

زينب: لا تشلعين كلبي لا تتخربطين كُلش كومي يلة حبيبتي

فاطمة: صفنت بوجها "ماما دخيلج حتة الطفل ميتمرض مثلي قبل كم يوم جنت بلمستشفى.

زينب: يي لعد شسوين احمدي ربج فلاونزة ولا غير مرض اكو ناس تتحصر على الفلاونزة في سبيل تخلص من اشكال الامراض هسة بدون حجي كومي اخذج

فاطمة: ماما مالي خلك ترة

زينب: شكد تعاندين كومي اني ابدل الج

فاطمة: ميحتاج شكراً حبيبتي هسة ابدل وانزل

فاطمة: باستني براسي وراحت رجعت راسي على المخدة مالي خلكك كُلشي اسوي يالله تعبانة" كمت اخذت ملابس لبستهم شلون مجان وطلعت اسحل بنفسي سحل

فاطمة: نزلت لكيت ماما مبدلة وكاعدة "ها ماما منو ياخذنة

زينب: مادري هسة اشوف ابوج بلشغل واخوانج ماكو خلي اشوف علي

فاطمة: تنرفزت من ذكرتة وعطت" صدك تحجين انتِ ماما علي شنو عدج 3 ولد وبنية وبابا ترحين على علي؟؟؟ واذا بابا عندة شغل ابن اُختج هم عندة ماريد منة شي لا يمن علينة بعدين وهاي صاعدة اني حتة مستشفى ماريد

زينب: تعاي ولج شو نزلتي فد نزلة ادبسززز وهاي عود مريضة وشبي علي شوكت مان علينة مو صوجج صوجي اني

فاطمة: خوش شبعي بأبن اختج

فاطمة: عفتهة ترزل بية وصعدت رجعت نمت ماكعدت غير على صوت مياسين تكعد بية

مياسين: كومي كومي شو اشوفج ولج من البارحة لسة نايمة صدك تحجين ومداومتي اليوم

فاطمة: بتعب"بيش الساعة؟

مياسين: 1 ونص بليل

فاطمة: رجعت تمددت وغطيت راسي "مممم خوش

مياسين: سحبت الغطة منها " شو كومي ولج شجاج لا تكليلي علمود منعل

فاطمة: باع هاي البطرانة كل همي هسة اشبك مخدتي وانام وتكلي منعل شو دوخري منا خلي ارجع انام.