دواهــي الفتـيـات

_ مُقتَطف 3 _

بسـم الله‍ الࢪحمـٰن الࢪحـيم"

بقلمي"ميـاسـين"

___________________

: كاعدة اشرب الچاي واباوع للغرفة بأبتسامة جانبية هاي الغرفة الي راح اسويها بأيدي لابنة راح يرجع واني اشيل ابنة اول شي مثل ماوعدني

: ليش كاعدة هنا كلتي اني اريد اسويها ووافقنة كلتي اني اجيب اثاثها وافقنة بس ليش مخلصة وقتج هنا؟

: طالعة حبيت اشرب الچاي هنا لان هدوء

: يلة اهلي ينتضروج

: باوعت بنضرة اخيرة للغرفة كاملة بس يحتاجلها صور لو لوحات نزلت الهم باوعتلهم وحجيت

: اريد اطلع اشتري كم حاجة واجي

: لا ماما خطيبج راح يجي يطلع وياج خلي نروح لبيتنة علمود تبدلين

: تمام من نطلع اني ويا اشتري

:ترة عيب من خطيبج مايصير هيج الطفل والطفل كبر وصار عمرة 4 سنوات حتة هوة راح يمل منج

: معليكم لحد يدخل بلي اريد اسوي

___________________

: مامات مو؟

: الله يرحمة ويسكنة فسيح جناتة ويصبركم

: اريد استوعب اصدك الي ديكولة ضحكت وكعت بلكاع حيلي مهدود اسمع صرخات الكل ولطمهم بس اني ماريد اصدك

: يلة بابا شدي حيلج كلنة على هذا الطريق يضوج من يشوفج هيج

: صفكت ايدي وباوعتلة" ماكو ماكو كلشي مابية محد مات ومحد راح اسكتو هسة يجي لا تحجون هيج مايصلح علية حبيبي

: كمت اريد اوكف انتجيت على الحايط اريد اوصل لغرفتة وكفت بلباب هوسة ودكاترة وممرضين دفعتهم وباوعتلة ركضت علية حاضنتة

: ياروحي انتَ يانور عيوني كوم شوفهم شدا يحجون يحركون بكَلب حبيبتك كوم ياعمري انتَ سكتهم كوللهم التحجو غلط

: مادري منو جرني صرخت بحضن احد صرخت مبتعدة تهسترت الطم واصرخ ماعرف شنو اسوي ساعة اكول جذب وساعة اباوع شلون يغطون بي واصرخ عليهم

________________

: واكفة اباوع شلون روحي تحترك كبالي شفت كلشي شنو الي يكدر ينكرة؟

: غلط الشفتي كُلة غلط اني افهمج

: هزيت راسي رافضة كلامة"كلشي ماريد اسمع شفتك بعيوني وبغرفتي على فراشي فرحان حركت روحي؟

: اعتذر والله بس افهميني اني اسولفلج

: طلعها واطلع من بيتي

: لا تدري شنو خلي نسوي الافضل "رحت للكنتور لامة الملابس مالتي بيها رحت على الكاروك شلت ابني واخذت الجنطة دا اطلع وجرني من ايدي باوعتلة بحقد وحجيت كازة على سنوني

: وخر ايدك القذرة مني وروح كمل البديتة بيها

: نترت ايدي منة ونزلت شغلت السيارة ورحت لبيت اهلي

____________

يتبع......

مُتطَـفات من البارتات الجاية 🥹🤍