دواهــي الفتـيـات

_ الداهـية الـثامنَ عَشر _

بسـم الله الرحمىن الرحيم

بقلمي(مياسين)

___________

شجن:كاعدة كدام قبرة اسولف ويا كل خميس اني يمة
اضل بايتة يمة اسولف كلشي يصير وياي يمة
احضنة وانام بصفة احاول ادخل بلخيال واتخيلة موجود
التفتت على الي وراي عبدالله وآبرها جابوني هذا الخميس

شجن:كمت اخذت الي مسويتة علمود اوزعة
وزعتة على الي صارو كدامي خلصت ورجعت كاعدة يمة
بديت احجيلة شسويت هاي الايام

شجن:الايام المرت كلها عبارة عن اشتياق الك ماعرف شلون
مر الوقت بدون ما افكر بي مابقة على سنتك غير اسبوعين
ويصير سنة كاملة انتَ مبتعد عني شلون مرت وشلون كدرت اتحمل
واصبر هاي السنة بدونك ماعرف

شجن:مشتاقتلك كُلش اريد اشوفك واحضنك واكعد وياك
اريد الايام ذيج كُلها تنعاد اريد من اتعارك وية عبدالله
اجي اختل بغرفتك وتخليني اختل ورة ضهرك وادافع عني
ماما البارحة سوت اكلتك الي تحبها كلهم ضلو يبجون ماقبلو ياكلون
بس اني طلعت الضل للناس علمودك مانسيتك ابد

شجن:من طلع اربعينك رادو يخلوني اخطب شلون راح تمر
فرحتي وانتَ مو بيها ؟ ماكو فرحة بعدك لو موجود جان فرحت مو؟
اختك الوحيدة حتزوج وتفرحلها وتركص وتركض وياهم وتشتغل
بخطوبتي بس انتَ مموجود؟؟ وينك

شجن:شلون راح اتزوج وانتَ ماكو؟ ماردت اكول لاطفالي
خالكم ماكو الحنين والي جان راح يصير صديقكم ماكو
ماريد احجيلهم اريد يشوفون بس ليش استعجلت ؟
تعبت وراك تغيرت كُلياً كل ما اشوف صورك انهار
ليش هيج سويت روحتك هدمتنة كلنة
كسرت شمعة البيت وضوا صار اضلم وراك

شجن:امسح على قَبرة واحجي وياة دموعي تنزل
حضنت القبر تقرب عبدالله ماخذني بحضنة
بجيت بقوة اريدة اريد يرجع "مسح على راسي وكومني حاضني
وصلني للسيارة صعدت صعد هوة وآبرها ليكدام واني ورة

شجن:رجعنة للبيت دخلت لكيت امي كاعدة تطبخ علمو توزع
يومية يومية لازم هية توزع البيوت اذا ما يومية تطلع منة توزيعة
امي تصيح زعل علية مصطفى
سلمت عليهم وصعدت لغرفتي اتصل تلفوني باوعت على الاسم
جانت ميراس رديت عليها

ميراس:هلاُ يروحي شلونج

شجن:هلا الحمدالله انتِ الجهال شلونكم

ميراس:بخير يسلمون عليج اكبر شلونة

شجن:مادري بي صارلي يومين مشايفتة ستونة اجينة

ميراس:يا صدك عبالي بعدج وماخذتة وياج

شجن:لا مكدرت اخذة رحت وحدي وية عبدالله

ميراس:آبرها ما اجة عبالي تتأخرون اليوم

شجن: رجعت لان باجر لازم اداوم راح انفصل