بـسم الله الࢪحـمـٰن الࢪحيـم
بقلمي"مياسين"
أجمل إنتقام ، هوة النجاح أمام أعيُن تعشق رؤيتك فاشلاً
_______________________
فاطمة: كاعدة ادرس دخلت مياسين تباوعلي معاجبها
مياسين: اليوم شمسوية
فاطمة: شمسوية؟
مياسين: ممسوية شي بس كاعدتلي بلكافتيرية وية رجال غريب ومدري شمنطيج والناس ماخذتج بلحجي صاعد نازل
فاطمة: اول شي هذا الرجال اكبر من ابوي وثاني شي اطاني الترجية الي ضاعت تذكريها جانت عندة واكعة بلكاع وهوة ماخذها
فاطمة: زغرت عيونها وحجت ممصدكة
مياسين: وها هسة ترديني اصدكج لو شنو؟ ولد مبين صغير يا بكد ابوج
فاطمة: خابب دروحي لا تصدكين
مياسين: شوفي انتِ اول سنة الج هاي وعبالج كُلشي عادي ماتدرين انتِ اذا وكفتي بمكان وبعد متر عنج وكف ولد يطلعوكم كبلز ومخطوبين واشكال يألفون حجي
فاطمة: باعي مايهمني حجي هذا وذاك الي يهمني نفسي وبس خوش؟ يعني اذا سمعت هذا حجة لو شوف منو اعوفهم وامشي لان اعرف نفسي غلطانة وهم من شوكت احنة نهتم لحجي الناس شو كلامهم وحشريتهم بحياة غيرهم طبيعي متعودين
مياسين: تجاهلج الهم يجوز بمرور الايام يسببلج مشاكل بعد وراج سنوات بهلكلية يعني مو يوم ويومين ولا من تضوجين تنقلين
فاطمة: ليش اتعبين نفسج ميمو ماهتم لاحد اني
مياسين: جا ضلي مو صوجج
فاطمة: بعدج مثابتة لو جا لو لعد
مياسين: من جنت صغيرة معلية
فاطمة: ضحكت وطلعت رجعت ادرس اخذت تلفوني ذكرتني بي رفعت الحضر رجعت خليتة بمكانة دخلت اسبح طلعت لكيت مياسين موجودة باوعتلها منتضرتها تحجي
مياسين:تعاي اكلي اهلي يردون يحجون وياج
فاطمة:تمام
فاطمة:طلعت مياسين رحت اسوي شعري كملت ونزلت لكيت خالتي وشجن موجودين سلمت عليهم وكعدت اتعشى خلصنة وكل واحد راح بمكان كعدت يمهم يسولفون شوية وحجت ماما خلت خالتي تنقهر
زينب:ماما فطوم اجو ناس من اصدقاء ابوج يردون يخطبون لابنهم شتكولين
فاطمة :انتو صدك تحجون ؟ارفضي ماما
زينب : ليش يمة خوش ولد وانتِ اصلاً متعرفي ولا شايفتة يجوز من تشوفي يعجبج
فاطمة:فدوة لعيونج يمة خيولي ماريد ازوج 'اترخص منكم
فاطمة:كمت مزعوجة شيردون مني تعبت بعدني طفلة هاي شجن عمرها راح يصير ٢٤ وهية ببيت اهلها مياسين ٢٦ واني متعاجزين مني بعمر ١٨
أنت تقرأ
دواهــي الفتـيـات
Storie d'amoreمن منا لم يتجرع مرارة الخِذلان في كأس مكسورة الحواف؟ من منا لم تُهده أناملُ الحياة خيبة موجعة؟ الكلّ قد أخذ نصيبهُ من هذا وذاك، ولكن بنسب مُتفاوتة...
