دواهــي الفتـيـات

_ الـداهـيـة الـتـاسـعـة _

"بـسـم الله الـࢪحـمـٰـن الࢪحـيـم"

بقـلـمـي"الـكاتـبة مـياسـين"

_________________

شجن: وكعت فاطمة ركضت عليها ماعرف شسوي اجاني علي شالها لجوة واني ركضت على ماما بعدها تبجي وتلطم ومياسين بس الرجف ماخذها ترجف بقوة متكدر تلزم شي على بعد امتار اشوف رجفتها طك خشمها دم صرخت على ماما

شجن: فدوه اروحلج بس فهميني منو باعي حال البنات

ماما: ولجج يخيةةة وين رحتي

شجن: ماما بس باوعيلي عوفي الطم فهميني منو مو روحي راحتتت

شجن: بأثناء مدا احجي طلعت فاطمة تركض وتبجي ركض عليها علي حضنها ويصيح مو امج مو امج ضلت تضرب على صدرة وتصرخ سد حلكها حاضنها التفتت المياسين الي كعدت بلزاوية صافنة وخشمها لسة يذب دم

شجن: علي ملتهي بفاطمة واني بين امي ومياسين ماعرف الي صاير لحد هسة مفاهمة اجاني علي

علي: كومي اخذجن لبيت خالتي حنان

شجن: شنسوي ببيت خالتي حنان؟

علي: سوت حادث وتوفت هية وزوجها

شجن: لا إله إلا الله سودة علية شحال ازهار وسرور

علي: شنسوي مكتوب كل واحد ويومة الله يساعدهم يلة لبسي حجابج وتعالن

شجن: مقهورةةة كُلش دموعي موكفت صح ما اعرفها لان جانت مسافرة وقبل سبوعين اجت وتعرفت عليها بس تضل خالتي واخت امي

شجن: اخذت فاطمة من حضنة هادئة وصافة عليهم مياسين جانت تباوعلنة من نحجي فهمت الموضوع كامت لازمة خشمها الي مسكت طلعت للسيارة واني غسلت لفاطمة فهمتها ورحت لامي الي تبجي وتلطم لبستها عباتها وحجابها وطلعنة

شجن: الطريق صار شطولة وفاطمة لسة ممصدكة كلساع تلتفت علية تكلي تجذبون علية مو تجذبون اني جنت خايفة عرفت يصير شي

شجن: واني اباوعلها ساكتة شنو احجي وياها مراح تصدكني وعلي روحة رايحة عليها وصلنة الهم نزلت امي تركض للبيت جانت خالة زينب موجودة طلعتلنة بلباب بس شافتها فاطمة ركضت عليها تصرخ تبوس بيها ممصدكة وخالة نهبطت عليها عبالها بيها شي

شجن: بعدتها خالة تبجي راحت لامي بجن ثنينهن بجينة كلنة على حالهن التمت الناس صارت هوسة دخلنة جوة وفاطمة لسة بعدها على نفس الخوفة بس تروح من يمها خالة تلتفت مخترعة وخالة مامنتبها من قهرها كاضيتها لطم وبجي

شجن: التفتت على بناتها حالتهن حالة صغار وراحو اهلهم وحدة عمرها بين الـ18 والـ17 ووحدة عمرها 20 وولد صغير ستوة عمرة 4 ونص خطية هذا الطفل متأذي يدور بعيونة ويبجي صح مفاهم بس يدور بين النسوان على امة رحتلة شلتة طلعت بي للحديقة حديقتهم جبيرة وورة البيت اكو حديقة ومخزن رحت لورة البيت مخليتة بحضني يبجي وشابكني