دائما أنفسنا ترغب والله يكتب والقدر ينفذ
مذا لو ذقت العذاب مرة وأذقت منه ألف؟
ستتألم في كل مرة تذيقه لأنك ستتذكر ما أوصلك الى هنا
الألم في القلوب لا يزول
"الجرح يروح والمارة تبقى"
"الصح فا...
تبسمت وكملت ماشية لداخل المركز وبالتحديد غرفة المولد الرئيسي للكهرباء فالمركز
كان واقف فالمنصة ورافد كاسة العصير تاعو ويتبسم مع كل من يقرب يسلم عليه ويباركلو ومبعد في دقيقة جاتو ريحتها لنيفو..هي ماغيرها ..اللعنة اللي حرقتلو قلبو ببرودتها
ايفان:ربحت المهمة وخسرت قلبي..بلوة..ملازمش نتعلق بيها الحب بيناتنا ممنوع افطن يا ايفان افطنن
فالدقيقة طفات الانارة فكامل الساحة وبقا غير ضو القمر مور الغيوم اللي في البلاصة داخلين من القبة الزجاجية لكبيرة تاع المركز
ايفان:وش كااين؟
كمال:صرا خلل فالكهرباء ابعثو حد يشوف
ايفان بقا واقف بلاصتو حتى حس بشي تركز على خصرو كأنو موس وهمسات جات لوذنو
ميان:ارجع للور بكل هدوء احسن متموت
ايفان تبسم وحط يدو على يدها اللي كانت دايرة الموس على خصرو:وش حكايتنا مع الموت كل مرة الادوار تتعكس وعيينا نقررو شكون يقتل شكون
ميان:ههه شفت ألعاب القدر
رجع معاها للور بسكات اصلا طلت على قلبو كان متوحشها!!
مشاو ورا المنصة وجاو فبلاصة غير ضو القمر فيها شوي قربو لثم وين بانولو عينيها الزورق وشوفاتها الحادة...كي العادة شوفاتها هادو بالذات يذوبوه ويلعبو على كلشي فيه
بعدلها الموس كلي كانت غير تلعب هو كان قادر لهيه بعد يكشفها ويرميه اما يحب يتحداها ويسايرها ايفان:اهيه جيتي تباركيلي نشالله؟
ميان:ههه صحا بركانا الضحك(قلبت شوفتها سيريو ):اسمعني مليح ايفان مالفادو اللعبة والخسارة اللي خليتنا نخسروها راح تخلصها غااالية وفوق ما تتصور...أحسنلك تحبس عند حدك وتبعد من طريق المافيا تاعنا لأنك تلعب بموتك يا ايفان
