خلصت بكاها ولمت روحها وبعدت عليه تمسح فدموعها وهو دار يشوف للي طايح فاللرض مزادش ناض بيسك كان ديجا ساكر ومش عارف وش قاعد يحكي(فوت يديه على راسو بغش ودار ليها لقاها مهبطة راسها)
جاير:صفا؟
مايا:..ايه مرسي بزاف جابر كن مكنتش معرفتش وش كان راح يصرا
جابر:ماشي مشكل تولهي لروحك المرة الجاية
مايا:ان شاء الله..و...
جابر:و؟..وش؟
مايا خدودها حمارو نطقت بصوت بسييف سمعو:سامحني كي حظنتك..خفت برك
تبسم وزرب رد وجهو نورمال:مش بروبلام...في اي وقت اي شي تحتاجيه راني هنا
مايا تبسمتلو وشافت للحيوان اللي حبتو مرمي فاللرض:وهدا؟؟..كيفاه راح تديرلو؟
جابر شافلو:مش حاجة ضك نرفدو بلوطو ونوصلو لدارو..وغدوة نتفاهم معاه معادش يدور بيك
مايا:جابر والله فريمون مرسي
جابر:هه ايا بلا مزية من قبيل ونتي مرسي مرسي اجري تروحي قريب الليل
هزتلو براسها ايه وراحت وهو بقا يشوف ليها ماشية وتبعد عليه
جابر:ااه لوكان جات الدنيا دنيا راكي مرتي ضك...الله غالب الأميرات ديما يحبو الوحوش
تفكر الوحش اللي قدامو استغفر مبيهش شوي يحكم يقتلو هنا اما مش وقتها هزو على كتفو لاحو فالطوموبيل ومشا
هنا وفي فرنسا في مركز مافيا لورد قاعد هو ودايلا متقابلين على البيرو يحكيو
دايلا:المجلس هاد ليام أخبارو متبشرش بالخير
لورد:علاه وش صرا
دايلا:مصادري الخاصة أكدتلي انو"اللعنة الزرقاء"هي اللي قتلت~~~~ في فرنسا والمججلس عرف بالشي هدا وراح يطبقو على عصابتها عقوبة ونتا علابالك اذا ميان تقاست راح تحرقنا كامل..تعرفها مترضاش تتحط تحت القانون اللي كتبتو هي...بالمختصر المفيد نظن جاية عاصفة راح ترجع تقسم عالم المافيا
لورد:مستحيل..ميان متخليش اثر وراها..نظن كاين شكون مد خبرها
دايلا:في كل الأحوال هي تكشفت وتعدات على قوانين كبيرة عليها ولازم تخلص
لورد حك لحيتو:الكبير هو الخالق..وميان متخاف كان منو...(تبسم):جاينا عرض شباب مش عاصفة دايلا كلشي ممكن في "خبايا المافياا ضد القدر"....المافيا جامي تمشي بقيود القدر..هي ديما عندها كونطر خطة.
دايلا:برودتكم هادي راح تجيب آخرتكم لورد..
لورد:هادي ثقة فالنفس مش برود..حنا واثقين بقدراتنا برك
طب طب الباب نطق هو :تفضل
دخلت منو مرا بعمر الثلاثين لابسة روب صوفية بيضا ومونطو باج وفاردة شعرها لورد كي شافها تبسيمتو وصلت لوذنيه قرب ليها جبدها من وسطها ملصقها فيه وباسها لشفافها وهي دورت يديها على رقبتو تبوس فيه ناسيين اللي معاهم
YOU ARE READING
خبايا المافيا ضد القدر" باللهجة الجزائرية"
Açãoدائما أنفسنا ترغب والله يكتب والقدر ينفذ مذا لو ذقت العذاب مرة وأذقت منه ألف؟ ستتألم في كل مرة تذيقه لأنك ستتذكر ما أوصلك الى هنا الألم في القلوب لا يزول "الجرح يروح والمارة تبقى" "الصح فا...
