أسيد بالو ديراكت راح كي تناشعو وخرجت هكاك بفاست خفيفة وسط المطر والجو هنا اساس بارد تسما سير ضربها هوا من هداك النهار زاد نقم على روحو كثر خلطها فوق الحق مع هاد الطفلة.. دقيقة ومبعد؟..ايه تمرض عادي كامل الناس يمرضو ويتعالجو علاه ماكل همها؟...سكت ضميرو بأنو برك راه يحن عليها كي هي بنت مروة وتبان بريئة فوق الحق وهاد المرة بالذات مرضت بسبتو كي خرجت زعفانة منو
فطنتو آيتن من غيستو:أسيييد وينك؟
أسيد:ااه؟..راني هنا ههه..ايه وش راكي دايرة فيها؟
آيتن:والله والو كيما موالفة خدمة ودار وصاي
أسيد:عمتي وعمو لباس؟
آيتن:ايه راهم ملاح..يسقسي عليك الخير برو
أسيد:أمين سلميلي عليهم كي تروحي
كملو يحكيو ويضحكو...بعد مدة وهوما باقيين على حالهم ومش عارفين بالعيون اللي راح تحرقهم وهي تشوف ليهم,ايه كانت هادي بيان مع آنا تتخنزر في أسيد تشوف فيه محظن بنت ويحكي ويضحك معاها ويتهمها هي بأنها مش شريفة على اساس هو ايمام مسجد يعرف غير قال الله قال الرسول(صلى الله عليه وسلم)
آنا تشوف لختها ولهاداك الطفل:بش بش..مالو الزين مخنزر ولا محبش يدورولو بالقط تاعو؟
بيان دارت وخنزرت فيها الشي اللي خلا آنا تتبسم
آنا:ههه وليتي تعرفي تتخنزري يااعمري(داعبت نيفها بيدها):بصح تبقاي كيوتة وتخنزيرتك تضحك ههههه
بيان:آنا نضرب جدك نطويك هنا خليني ديجا راني مغشة منك كي جبتيني هنا يخي بقة
آنا:هاهاها ازعفي ولا اقعدي نخليك تموتي خير بلاك؟
بيان:حكاية زدرة تقول معرف وش مرضت
آنا:ههه المهم هيا ياقلبي نروحو
بيان:ايه هيا (خنزرت مليح فأسيد ومشات مع آنا كي فاتو قريب ليهم حبستها آيتن اللي بعدت على أسيد)
آيتن:وش مدموزال راكي مليحة ضك؟
بيان كيتلها من فوق للوط:جابلي ربي كتبتلي اوردونونص برك مزلت مشربتش دوا ولا متوقعة نريح بشوفة وجهك المنور؟
آيتن حلت عينيها من الشوك وآنا مش قل منها مش كأنو قعدة القرية صح بدلت بيان؟..أسيد التاني منهيه مشوكي وشبيها البريئة لكيوتة صارلها لسان وعيون تتخنزر؟
آنا عارفة ختها خلطت بيسك مغشة من أسيد مالا حبت تفوتها للطفلة بيسك عاونتهم:اا آيتن صح؟. متديريش عليها هرموناتها مخلطة برك عزيزتي ميرسي بزااف كي سقسيتي وعاونتينا ليلة سعيدة
خلاتهم واقفين وبيان تتخنزر فيهم وجرتها وراحو..مخليينهم فحيرتهم
أسيد مشوكي بيسك آيتن سكتت حط يدو على كتفها راح ينطق ضربتهالو ودارتلو تهدد
YOU ARE READING
خبايا المافيا ضد القدر" باللهجة الجزائرية"
Aksiدائما أنفسنا ترغب والله يكتب والقدر ينفذ مذا لو ذقت العذاب مرة وأذقت منه ألف؟ ستتألم في كل مرة تذيقه لأنك ستتذكر ما أوصلك الى هنا الألم في القلوب لا يزول "الجرح يروح والمارة تبقى" "الصح فا...
