وقفت حبت تمشي شوي بعدما تغمت لثم الأنثى هي الأنثى مهما حاولت تبين روحها قوية ومتهدها ريح تبقى ديما عندها امل صغير تعيش كيف الأميرة ويجيها الأمير تاعها يحققلها احلامها كامل بلاما تتعب وتشقى
تمشات تشوف لكامل لي كوبل يشطحو ويتعاشقو غير هي,صوت في بالها حاكاها
/،::لو كنتي وحدة ضعيفة كيف هاد الاناث كنتي قاعدة تشطحي مع شي واحد...لو كانت الدنيا دنيا كنتي مع اللي بغاه قلبك ومع الانسان اللي يخمم غير فيك ميان..متخبيش نتي للآن مستنية سند تميلي عليه بعد كامل الصعاب اللي فاتت عليك
انا ونتي علابالنا باللي الشي اللي فات مش ساهل وباللي رانا غلبنا بصح مكانش البديل..مكانش المهرب من هاد الحرب اللي راكي فيها لانك لعنة ومع الأسف ترياقك مزال متصنعش مزالو غير معروف للأمة وحل وباء صعيب يلحقو ليه
ميان:بصح قدرت بالشي اللي فات ونقدر للجاي كيما بديتها نكملها والفارس هدا يجي ولا ميجيش اصلا كامل زي بعضاهم وش ندير بيه كي يجي باه يزيد عليا بلاصة ميهز معايا
/,::بصح الأمل يبقا مش بالضروري بعد الصبر هدا كامل تزيد تجيك خيبة بدل العوض الله جامي لا كان ظالم
ميان:استغفر الله انا علاه راني نخمم هك..ميان نتي بنت المافيا والظلام يزيك احلام وردية لأنو الواقع الأسود يسحب كل من يمشي فعكس اتجاهو
حبست فبلاصة كأنو فطنت قابلتها الفرقة الموسيقية اللي قاعدة تعزف تولهت ليديها لقاتهم يرجفو سيات تكبحهم..اما يدين تحطو على يديها صوت تسلل لوذنيها يسيي يكالميها
نيار:مالو الزين تايه
ميان تبسمت كي شافتو
ميان:ماشي كنت راح تاكل
نيار: ههه مهانش عليا نخليك لكبيدة
ميان:ههه انا امنت شوف رجليك
نيار:صحا وش رايك تشرفيني برقصة
ميان:هههههه راك قل مني فالطول
نيار: شوفي السماطة اللي منحبهاش😏
ميان:هههههه سيبون سيبون كالم توا هيا نتكرم عليك برقصة تحفظها كي نموت تبقا تتفكرها تقول ايييه صحلي الشرف نشطح مع زين كيفها الله الله
نيار:هههه مأمنة روحك زيادة..
ميان:هههه العين الزرقاء والكاريزما والهيبة كي منديهاش فروحي مالا فيمن نديها
نيار:قستيها هنا
ميان بعدت شعرها بخفة: وماالا انا ديما نقيسها ههههه
تقابلو في مساحة الرقص وين ليكوبل مزالو غاطسين فعالمهم اما هوما يتمايلو ويتبسمو لبعض وعيونهم تلعب على البلاصة لانو الشك وأخذ الاحتياطات عادة انغرست فيهم
قريب ليهم كانو لورد وهيلاي اليد فاليد وعيونهم تنطق عشق
هيلاي شافت ميان مع نيار:اا ميان ههه
YOU ARE READING
خبايا المافيا ضد القدر" باللهجة الجزائرية"
Actionدائما أنفسنا ترغب والله يكتب والقدر ينفذ مذا لو ذقت العذاب مرة وأذقت منه ألف؟ ستتألم في كل مرة تذيقه لأنك ستتذكر ما أوصلك الى هنا الألم في القلوب لا يزول "الجرح يروح والمارة تبقى" "الصح فا...
