نيار مدراش روحو باه تبلا كان يسوق ويخمم فأختو حتى لقا موطو خرجت فيه زرب حبس وسط الطريق ونزل يجري ليها لقاها مربعة فاللرض ورجلها تحت الموطو مقدرتش ترفعها عليها قرب يعاونها ويسمع فيها غير كي تحكي تحت الكاسك
ملاك:اااه ياااربييي كلمة عليها ملك وكلمة عليها شيطان لبارح درتها لعبة ليوم صرات صح اووف
هز الموطو بعدها وحاول يكسللها رجلها ناضت تعيط من السطر
ملاك:اييي يااا حماااا//ر
نيار:بركايك نداب راني نعاون فيك
ملاك:ايه اقتل الميت وامشي فجنازتو
استغفر مولاه وشافلها لرجلها مجروحة وهي باينة راسها خشين ولصقة تخلطت عليه
نيار:استغفر الله ياربيي باه تبليييت
ملاك:علاه تستغفر شفت جني بلاك يخي يخي(تلاحت للكاسك تنحيه وهو بقا يكونسطري مع رجلها..حتى دار لقاها تشوف فيه وشعرها داخل بعضاه وعينيها فيهم شوي دموع من السطر وتتخنزر)
نيار بقا يشوفلها ومبعد تبسم:ههه كوليني خير
ملاك:مناكلش لحم البغال سمحلي
نيار:نتي مش مليح اللي يقادرك علابالك؟؟.من قبيل تطرشقي وحدك زي المحارق يخي يخي نوضي نديك لسبيطار(توله لجبهتها ديجا مضروبة هي ويدها):ااا استناي تشوفي بروبلام فيك نتي اللي متعرفيش تسوقي كل يوم داخلة فواحد
ملاك:بروبلام فيكم نتوما بيسك كي تشوفو طفلة تحقروها وتحبو تفوتو قبلها فكلشي
نيار:هههه هيه باسكو بلاصتكم فالدار مش هنا
ملاك:ياا وااحد,,,,منيش حابة نقول هدرة خاطية الطريق في جرتك اني مدايرة بروموسيون فالذنوب هاد ليامات نقص فيهم مش نزيد..واصلا نتا واحد متخلف بزااااف بهاد التخمام راك روطار صحبي هز فاليزتك وألحقنا للمستقبل راك فالعصر الحجري
نيار:ههه علاه كذبت؟:نتوما لبنات هكاك مخدومين تغلطو ومبعد تديرو رواحكم مظلومين والشارع لا يرحم المظلوم تسما اقعدو فالدار خير طيبي لراجلك ماكلة بنينة خيرمن فاست فود المغبون كره
ملاك:نهار نعود مرتك انصحني وقولي وش نطيبلك وضك نوض عليا لا نضربك ضربة نفسدك, جمعية حقوق الانسان يحيرو فيك
YOU ARE READING
خبايا المافيا ضد القدر" باللهجة الجزائرية"
Actionدائما أنفسنا ترغب والله يكتب والقدر ينفذ مذا لو ذقت العذاب مرة وأذقت منه ألف؟ ستتألم في كل مرة تذيقه لأنك ستتذكر ما أوصلك الى هنا الألم في القلوب لا يزول "الجرح يروح والمارة تبقى" "الصح فا...