نزل يجري لداخل فتح الباب ومشا طالع لبيتها ملقاهاش ولا يجري فالدار ويعيط
نيار:ايي ياا بللوة وييينك اهوو يا المصفااارة
ملاك طلت عليه من تحت الدروج:يصفر ايامك يا راس العقرب شكون المصفار انا ولا نتا
حبس لدقيقة فالدروج هادوك اللي كان حارقهم وهو هابط وطل براسو يسيي يتبع صوتها وين راهي,تشوكا كي شافها واقفة تحت الدروج هازة نص تيبانة خبز فيدها ويبان فيها طماطم وفرماج بلاك ولا راه سير لانو هادو هوما الحوايج الوحيدة اللي كانو فالدار كي خلاوها هو وميان وراحو لبراغ نزل يجري عندها حكمها من يدها وطلعها يجري
نيار:منسحقش نسمع حسك احكمي خبزك والتهاي بيه كولي موتي ميهمنيش مهم منسمعش صوتك سينو تخلا عليك
ملاك تتكركر موراه:ايي اوسمك شبيك تكركر فيا تقول تقشير مديه يتغسل اطلق جدي
نيار:مش وقت هبالي بصح مبعد تشوفي هدراتك هادو كيفاه يخرجولك
ملاك:منخافش منك
كانو لحقو للبيت اللي كانت فيها هي دخلها ونطق
نيار:والله ونسمع صوتك متلوومي غير روحك
ملاك:عطاني ربي لسان باه نهدر شبيك هك نتا؟
نيار دزها للور وغلق الباب بالمفتاح عليها وهبط مخليها في هواها
ملاك:ياربي شبيه البنادم هدا منين طاح عليا
راحت قربت للتاقة تشوف وش يدير ولهنا تشوكات كثر
ملاك:مياااان..مياااان(بدات تعيط وتخبط فالتاقة):ميااان هااانييي اديينيي خرجيينييي مياااان(بقات تشوف فميان غير يكركر فيها نيار تبان مقلقة وغلبانة وحزينة!..شبيها ختها الكبيرة اللي ديما تسيي تكون قوية كيفها..وش صرالها حتى راهي ميتة ليوم هك
ملاك:شبيها ميان منين يعرفها وعلاه جابني زعما علابالها باللي راني هنا؟..ماشي هي اللي قاتلو يجيبني ؟..ماشي عرفتني وراح تنتاقم منهم بيا؟..ياربييي وش راه صااارييي
بقات في توقعاتها حتى دخلو للدار رجعت على وراها تجري تخبط فالباب وتعيط
ملاك:مياااان ارواحي خرجيني من هنا مياااان
لتحت نيار دخل ميان عاونها تريح فوق الفوتاي وراح جابلها الما وريح قدامها عطاها تشرب مقدرتش تحكم الكاس!..كلشي فيها كان حابس شربها نيار وحط الكاس على جيهة
نيار:تحبي نعاونك تتكسلي؟
ميان بصوت ضعييف وبارد:متشفقش عليا...كي القراب ميشفقوش عليك معندك متدير بشفقة البراني
نيار:انا ماشي براني وهادي مهيش شفقة هدا اهتمام..نتي تهميني وراكي كيفك كيما ميرنا وعلابالك
YOU ARE READING
خبايا المافيا ضد القدر" باللهجة الجزائرية"
Actionدائما أنفسنا ترغب والله يكتب والقدر ينفذ مذا لو ذقت العذاب مرة وأذقت منه ألف؟ ستتألم في كل مرة تذيقه لأنك ستتذكر ما أوصلك الى هنا الألم في القلوب لا يزول "الجرح يروح والمارة تبقى" "الصح فا...
