لو رأيت ما تحمله صحفات قلبي من قصص كفاح لا خجلت النظر في عيني واتهامي باللا مبالاة فما مر قد تكدس على قلوبنا كثلوج" لو أمطرت الدنيا جمرا ما أذابتها
اللي بقاو قاعدين فالطابلة مشوكيين
ميان خنزرت فرانس:بو عيون خضر متديهاش فروحك لأنو نص عمر هداك أرجل منك
ايفان شاف فميان ورانس شرق بالشراب تاعو
رانس:كيفااه؟
ميان:كيما سمعت الرجلة ماشي كي تعرض على طفلة
رانس:ههه على أساس نتي عائشة ام المؤمنين وست الحسن لو كنت بلاصتك منفتحش فمي ومنتجرأش نحكي على الرجولة والانسانية و انا أوسخ شخص فالوجود
ميان كأنو عطاها بموس شفت كي تسيي تنصح بنادم ويجبدلك باصي تاعك اللي نسيتو وتنصحو باه ميعاودش نفس الغلطة تاعك وهاديك الضربة اللي تحس فيها فقلبك والبرودة اللي طيح عليك هكاك صراتلها بصح مش ميان اللي تخلي هدرة تحبسها وتأثر فيها بيسك وبكل بساطة كسرت كاسها تاع الزجاج وخلات حدود ماضية منو وتلاحت حطتهم على رقبة رانس مدام كان قريب ليها شوي تزير على رقبتو والحاضرين غير شقهو ويتفرجو
ميان:لوكان جا عندي شوي وقت نعلمك الرجولة..بصح الله غالب منيش قاعدة..ليوم عفيت عليك بيسك مش أنا اللي نرد بليزير فيا شر بصح دير فبالك منا وجاي كن نتلاقاك موتك على يدي (بقات تزير بهاديك الزجاجة فرقبتو حتى جرحتو وخلات دمو يسيح وهو غير يشوف لعينيها والحقد اللي فيهم جا يتلاح ينحي يدها لقا ايفان يشوفلو شوفة تاع تتحرك نحرقك ركح)
ميرنا خافت على رانس كي شافت دمو:ميااان حبسيي
ميان شافتلها وكيفاه ترجف وبعدت:الأنوثة لباس الضعفاء تغفلي تلقاي راسك طار ميحشيلكش بزوج كلمات حلوة
جات رايحة حكمها ايفان اللي من أول العرض وهو غير ساكت ويتفرج قاعد غير يسيي يقرا شي من تصرفاتها حاب يعرف عقليتها أسلوبها فالدفاع على نفسها بلاك المهم محبش يتدخل
ميان شافت ليدو وحطت يدها الثانية تسيي تبعدو:ايفان مالفادو الماء والزيت جامي يتخلطو خليني فحالي لا نوخضك فصاحبك
ايفان:هاديك الفيزيا برك تخلط والمرقة باه يخدموها ازين سيبون رانس غلط ونتي رجعتي حقك منخليكش تروحي وهادوك مزالو يحوسو عليك
ميان تبسمتلو لأول مرة ابتسامة نورمال بلا تخنزير وتكبر:مش أول مر نكون فالريسك ونلقى روحي وحدي باه نحوس على اللي يسلكني...انا جامي نخاف ولا نحبس لو كان الموت ديما يستنى فيا انا راح نكون الفيلم النادر اللي كلما يتوقع عرضو يتم الغاءه
YOU ARE READING
خبايا المافيا ضد القدر" باللهجة الجزائرية"
Actionدائما أنفسنا ترغب والله يكتب والقدر ينفذ مذا لو ذقت العذاب مرة وأذقت منه ألف؟ ستتألم في كل مرة تذيقه لأنك ستتذكر ما أوصلك الى هنا الألم في القلوب لا يزول "الجرح يروح والمارة تبقى" "الصح فا...
