اولاً بسم الله الرحمن الرحيم
ما رح اكتب بالفصحة ولا بالطريقة اللي انتو متعودين كاتبتكم تكتب فيها
اليوم هو ال66 من بداية الحرب
66 يوم و عديمين الشرف شايفين وساكتين
انا اسفة لكل اشي صار
( اسفي لأهل غزة وجنين والضفة والقدس واراضي الثمنية واربعين والنقب ولأهل بلادنا المحتلة الصامدين ومش لكلهم بس للشرفاء منهم )
ماني عارفة شو اقول ولا من وين ابدأ، حياتنا صارت خرابة فوق ال20 الف شهيد متخيلين الرقم؟!!
اكثر من 20 الف حلم انتهى، سعادة راحت، ومشوار وتعب ومستقبل كله انتهى
وهدول شهداء غزة العزة بس غير شهداء جنين اللي مع اسفي وفخري لساتهم بيكثرو بالاجتياح اللي بيصير هالايام
جنين هي غزة الصغيرة، بيصير برضو فيها قصف، هدم بيوت، مواجهات ، اسر شباب واطفال وشيوخ ونساء ، اعتداء على ملكية ناس مدنيين، انتهاك حرمة الشهداء في قبورهم ، سلب اغراضهم وممتلكاتهم، تمزيق صورهم
كثير اشيا كمان!!!
و وينهم حكام العرب؟ وينهم اللي نازلين سلام وحرية و بلا بلا بلا
سلام مع محتلين؟؟
شو هالسلام يربي شو هو؟؟
بس ما بقول غير انو احنا خصمائكم يوم القيامة وارواحنا كلها برقابكم
ولو بينكم وبين الجنة مسامحتنا والله ما احنا مسامحين
ويارب تذوقو اشنع من اللي ذقناه
عشنا اللي ما حدا عاشه ولا بأي زمان ومكان
وبإذن الله ربنا رح يردلنا كيدنا فيكم
يارب كلشي بنيتوه وافتخرتو فيه تصبحو ما تلاقوه
حسبي الله ونعم الوكيل بكل بني ادم قااادر وشايف وعارف وساكت وما عمل اشي
وما حدا يقلي افتحولنا الحدود
انتو شايفين الحدود؟؟؟
الحدود عبارة عن سلك شيك ركلة بيوقع
وبتقولو حدود؟
بينا وبين الاردن حبل بنص النهر
حبل خيط بس!!
لو تحرك جيشكم رح يوقف الاحتلال بوجه؟؟
اكيد لا، لان الاردن هي خوفهم ورعبهم اكثر من اي دولة عربية ثانية
واكثركم فاهمين قصدي
بعرف ان الغلط بالكبار اللي قاعدين ع الكراسي وان الشعب 90% منه بده يطلع ع الحدود وشفنا بالمظاهرات هالوقفة وبالاضرابات اللي بتصير
كلنا فخورين بكل بني ادم داعم و واقف مع القضية الفلسطينية
ونحن خصماء كل متخاذل يوم القيامة
والله ستسألون!
وسنقول انكم خذلتمونا وسندوس الجنة بفخرنا وعزتنا بينما تحترقون بنار الجحيم
باطن حذاء طفل من ارضنا اشرف واطهر من سيد شيوخكم و واجهوني لو قلت شي غلط 👍
و ما بقول عن فلسطين بس، سوريا بتعاني معنا برضو ، نفس المعاناة ونفس المواجهة ونفس كل اشي
ولسا العرب نايمين!
حسبي الله ونعم الوكيل
وبس قلت اطمنكم ان كاتبتكم مع الاسف لسا عايشة بهيك وضع وبهيك حال
اذا صار واستشهدت سامحوني واترحموا علي لعلي اشفعلكم يوم القيامة متابعيني 💗
ولو بدكم اي سؤال او اي استفسار ببالكم انا موجودة هاليومين سواء بالتعليقات او بالخاص
و السلام عليكم ورحمة الله وبركاته
